Sunday, 17 June 2018

ကြက်သား ဆီပြန်ဟင်း (မလေးရှားစတိုင်)







ဒီနေ့တော့ ကြက်သားကို ချိုချိုချဉ်ချဉ် အရသာလေးနဲ့ စားလို့ကောင်းအောင် မလေးရှား ဟင်းချက်နည်းလေးနဲ့ brown sugar soy sauce နှင့် သံပုရာရည်တို့ထည့်ကာ ချက်ထားတဲ့နည်းလေး မျှဝေပေးလိုက်ပါတယ်။

မာမာကတော့ ၂ယောက်စာဘဲ ချက်ပါတယ် အခုက ကြက်ပေါင် ၈ခုစာ ချက်ဖို့အတွက် အချိုးအစားလေးကို ရေးပေးထားပါတယ်။

ပါဝင်ပစ္စည်းများ

  • ကြက်ပေါင်သား - ၈ခု
  • ကြက်သွန်နီ - အနေတော် တလုံး
  • ကြက်သွန်ဖြူ - အမွှာကြီးကြီး ၂မွှာ
  • ငရုတ်သီး အရောင်တင်မှုန့် - လက်ဖက်ရည်ဇွန်း တဇွန်း
  • ဆား - လက်ဖက်ရည်ဇွန်း တ၀က်
  • brown sugar - ထမင်းစားဇွန်း တဇွန်း
  • ဆီ - ထမင်းစားဇွန်း သုံးဇွန်း
  • နနွင်းမှုန့် - လက်ဖက်ရည်ဇွန်း သုံးပုံတပုံ
  • Chicken stock - 1/2 cup
  • Soy sauce - ထမင်းစားဇွန်း ၂ဇွန်း
  • သံပုရာရည် - ထမင်းစားဇွန်း တဇွန်း
ပြင်ဆင်ပုံ
  • ကြက်သားကို ရေဆေးပြီး အသားတဖက်စီကို ခပ်စောင်းစောင်း တချက်စီ မွှန်းပေးပါ
  • ကြက်သားကို ဆား နနွင်းမှုန့်တို့ဖြင့် အရသာနယ်ပြီး နှပ်ထားပါ
  • သံပုရာရည်ကို ပြင်ထားပါ
  • ကြက်သွန်နီကို အခွံခွာပြီး ရေဆေးထားပါ
  • ကြက်သွန်ဖြူကို အခွံခွာပြီး ရေဆေးထားပါ
  • ကြက်သွန်နီ ကြက်သွန်ဖြူနှင့် ငရုတ်သီးမှုန့်တို့ကို ညက်နေအောင် ရောထောင်းထားပါ
  • Soy sauce, chicken stock, brown sugar,ဆီ သံပုရည်တို့ကို ပြင်ထားပါ

ပြင်ဆင်ပုံ

  • ဒယ်အိုးတလုံးမှာ ဆီကိုထည့်ပြီး အပူပေးပါ
  • ဆီပူလာတာနဲ့ ထောင်းထားသော ငရုတ်သီးမှုန့် အနှစ်ထောင်းကိုထည့်ပြီး ဆီသတ်ပေးပါ
  • ဆီသတ်နံ့ မွှေးလာပါက အရသာနယ်ထားသော ကြက်သားများကို ထည့်ပြီးမွှေပေးပါ
  • ကြက်သား အပေါ်ယံကြောတွေ မာတင်းလာအောင် ဆီသတ်ပေးပြီးမှ ရေအနည်းငယ်ထည့်ပြီး အိုးအဖုံးကိုပိတ်ကာ တည်ပေးပါ
  • အိုးမကပ်စေရန် အိုးကို လှုပ်လှုပ်ပေးပါ
  • ဆီသံလေး ကြားလာတာနဲ့ brown sugarနှင့် soy sauce ထည့်မွှေပေးကာ ရေအနည်းငယ်ထည့်ပြီး တည်ပေးပါ 
  • ထည့်ထားသော ရေခမ်းတာနဲ့ ကြက်သားနူးအောင် ရေအနည်းငယ်စီ ထပ်ထပ်ထည့်ပြီး ကြက်သားနူးအောင် တည်ပေးပါ
  • ကြက်သားနှုးအိလာပြီဆိုတာနဲ့ သံပုရာရည်ကို ထည့်မွှေပေးကာ အရသာမြည်းပြီး လိုသလို ပြင်ပေးကာ ဆီပြန်ရအောင် တည်ပေးပါ
  • ဆီပြန်ပြီဆိုတာနဲ့  အရသာရှိသော ချိုချဉ်စပ်နေတဲ့ ကြက်သားပြန် ချဉ်စပ် မွှေးမွှေးလေးကို စားပွဲပြင်ပေးနိူင်ပါပြီ။

No comments:

Post a Comment