Friday, 23 February 2018

ပဲနီပြားနှပ်​ စိမ့်စိမ့်လေး




ဒီနေ့တော့ မိုးလေးတဖွဲဖွဲနဲ့ လွမ်း​နေမိတာက ကိုယ့်​​မွေးရပ်​​မြေ ကိုယ့်​ဇာတိ​လေးပါဘဲ ရွာမှာ​မွေး ရွာမှာကြီးဆို​တော့ ရွာဓလေ့ အစားအ​သောက်​ကအစ ​မေ့မရခဲ့ဘဲ ဒီ​နေ့ထိလဲ စွဲလန်း​နေတုံးပါဘဲ။

သိတတ်စအရွယ် ခပ်ငယ်ခယ်ထဲက မိုး​ရွာရင် စိုစိစိနဲ့မို့လို့ ဈေးသွားရမှာ အင်မတန် ပျင်းပါတယ် အိမ်မှာရှိတာတွေယူပြီး ကြီးကြီးနဲ့အတူတူ ဟင်းပွဲလေးတွေ ဖြစ်အောင် ဖန်တီးတာကို သတိ​ရမိပါသေးတယ်။

ဒါကြောင့်မို့လို့ ဒီနေ့တော့ ပဲနီပြားပြုပ်ပြီးသား​ကို ချင်း ကြက်သွန်ဖြူ ကြက်သွန်နီတို့နဲ့ ကြော့်နှပ် နှပ်ကာ ငါးပိရည်​နဲ့နယ်​ပြီး ကြက်​အသည်းအမြစ် ​ဟင်း​လေးနဲ့ တွဲဖက်​ပြီး စားကြဖို့ လွယ်ကူမြန်​ဆန်​ ပဲနီပြားနှပ်​နည်း​လေး မျှ​ဝေလိုက်​ပါတယ်​။

ပါဝင်ပစ္စည်းများ

  • Ready made red beans - တဗူး
  • ကြက်သွန်နီ - အလုံးကြီးကြီး တလုံး
  • ကြက်သွန်ဖြူ - အမွှာကြီးကြီး ၂မွှာ
  • ချင်း - လက်တဆစ်သာသာ
  • ဆီ - ထမင်းစားဇွန်း ၅ဇွန်း
  • နနွင်းမှုန့် - လက်ဖက်ရည်ဇွန်း သုံးပုံတပုံ
  • ဆား - လက်ဖက်ရည်ဇွန်း တ၀က်
ပြင်ဆင်ပုံ
  • ပဲဗူးကို ဖောက်ပေးပြီး ရေဆေးကာ ရေစစ်ထားပါ
  • ကြက်သွန်ဖြူကို အခွံခွာကာ ရေဆေးပြီး အနေတော် လှီးထားပါ
  • ကြက်သွန်နီကို အခွံခွာကာ ရေဆေးပြီး အနေတော် လှီးထားပါ
  • ချင်းကို အခွံခွာကာ ရေဆေးပြီး ခပ်ပါးပါး လှီးထားပါ
  • ဆီကို အပူပေးပြီး ဆီပူလာပါက နနွင်းအနည်းငယ် ထည့်ပေးပါ
  • ဆီအငွေ့တက်လာတာနဲ့ ကြက်သွန်နီ ကြက်သွန်ဖြူ ချင်းတို့ကို ပျော့လာတဲ့ထိ ကြော်ပေးပါ
  • ကြော်ထားသော ကြက်သွန်များထဲကို ပဲနှင့် ဆား တခါထဲ ထည့်ကြော်ပေးပါ
  • အားလုံးသမသွားပြီဆိုတာနဲ့ အရသာမြည်းပြီး လိုသလို ပြင်ပေးပါ
  • ပြီးထာနဲ့ ပန်းကန်ထဲ ပြောင်းထည့်ကာ ပဲနီပြားနှပ် စိမ့်စိမ့်လေးကို မိမိနှစ်သက်သော ဟင်းတို့နှင့် တွဲဖက်ကာ စားသုံးနိူင်ပါပြီ။

No comments:

Post a Comment