ဒါကြောင့်မို့လို့ လိုတာလေးတွေ ပြင်ဆင်ကာ ချိုချဉ်စပ်နေတဲ့ ယိုစုံ ယိုထိုးနည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- တရုတ်ဇီးသီးခြောက် - 300 g
- မရမ်းပြားအခြောက် - 200 g
- ထန်းလျှက်ခဲ - 350 g
- ငရုတ်သီးအကြမ်းမှုန့် - လက်ဖက်ရည်ဇွန်းမောက်မောက် သုံးဇွန်း
- ဆား - လက်ဖက်ရည်ဇွန်း တစ်ဇွန်း
- လေးညှင်း - ၆ပွင့်
- သစ်ဂျပိုးခေါက် - ၂လက်မခန့် နှစ်ခု
- ဖာလာ - ငါးစေ့
- နာနတ်ပွင့် -သုံးပွင့်
- ဇီယာစေ့ - လက်ဖက်ရည်ဇွန်း တစ်ဇွန်းခွဲ
ပြင်ဆင်ပုံ
- တရုတ်ဇီးသီးခြောက်ကို ရေတစ်နာရီလောက် စိမ်ထားပြီး အသီးများ ပျော့လာပါက ရေစစ်ထားပါ
- မရမ်းပြားကို ရေတစ်နာရီလောက် စိမ်ထားပြီး အသာများ ပွလာပါက ရေစစ်ထားပါ
- ရေစစ်သွားပါက ပေါင်းဇကာထဲကို ထည့်ပေးပါ
- ပေါင်းအိုးအောက်ခံအိုးကို ရေတစ်ဝက်သာသာ ဖြည့်ပြီး ဆူအောင်တည်ပေးကာ ပေါင်းဇကာကိုတင်ကာ မိနစ်၂၀လောက် ပေါင်းပေးပါ
- ထန်းလျှက်ခဲကို ရေမြုပ်အောင်ထည့်ပြီး ခပ်ကျဲကျဲ ကျိုပေးပါ
- ထန်းလျှက်ခဲများ ပျော်လာတာနဲ့ ထန်းလျှက်ရည်ထဲမှ အမှိုက်များကို အဝတ်ပါးနှင့်စစ်ပြီး ထန်းလျှက်ရည်ကို ဇောက်နက်ပြီး အိုးအသားထူသော အိုးထဲပြန်ထည့်ပေးပါ
- ထန်းလျှက်ရည်ထဲသို့ ငရုတ်သီးမှုန့် ဆား သစ်ဂျပိုးခေါက် လေးညှင်း ဖာလာ စမုံစပါး ဇီးသီးတို့ထည့်မွှေပေးပြီး ရေခမ်းအောင် မီးအေးအေးနှင့်မွှေပေးပါ
- ရေခမ်းပြီး ထန်းလျှက်ရည် ပေါက်စေးကျလာပါက မီးပိတ်ပြီး အအေးခံထားပါ
- ပြီးတာနဲ့ တရုတ်ဇီးသီးနဲ့ မရမ်ပြားယို ချိုချဉ်စပ် မွှေးမွှေးလေးကို စားသုံးနိူင်ပါပြီ။
No comments:
Post a Comment