ရာသီဥတုက ပူလာပြီဆိုတော့ ထမင်းစားတွေက ပျက်ချင်လာခဲ့ပြီ ဒီတော့ကာ ထမင်းစားလေး မြိန်စေဖို့အတွက် ငါးပိနဲ့ငါးကင်လေးကို သရက်သီးစိမ်းလေးနဲ့ထောင်းရအောင် ထောင်းနည်းလေး မျှဝေလိုက်ပါတယ်။
ပါဝင်ပစ္စည်းများ
- ပုဇွန်ငါးပိ - ထမင်းစားဇွန်း ၂ဇွန်းမောက်မောက်
- ငါးကင် - ၄ကောင်
- ငရုတ်သီးစိမ်း - စားနိူင်သလောက်
- ငရုတ်သီးစိမ်း အလှော်မှုန့် - စားနိူင်သလောက်
- သရက်သီးစိမ်း - အနေတော်တစ်လုံး
- ကြက်သွန်ဖြူ - အမွှာကြီးကြီး လေးမွှာ
ပြင်ဆင်ပုံ
- ပုဇွန်ငါးပိကို မွှေးသွားအောင် ကင်ပေးပါ
- ပုဇွန်ငါးပိ ကင်ရာတွင် မိုက်ခရိုဝေ့ထဲမှာ တစ်ဖက်ကို စက္ကန့်၃၀စီ ၂ခါကင်ပေးနိူင်သလို အောက်ခြေမက်သော ဒယ်အိုးထဲမှာ ထည့်ပြီး အပေါ်ယံမာပြီး မွှေးတယ်ဆိုရုံလေး ကင်ပေးပါ
- ငါးကို မလိုတာတွေဖယ်ပြီး ရေစင်အောင်ဆေးကာ ဆားအနည်းငယ်လူးပြီး ၅မိနစ်လောက် ကင်ပေးထားပါ
- ငရုတ်သီးစိမ်းကို ရေဆေးပြီး မွှေးသွားအောင် လှော်ပေးပါ
- သရက်သီးကို အညှာဖြုတ်ပြီး ရေ၁၀မိနစ်လောက် စိမ်ထားပါ
- ရေစိမ်ထားသော သရက်သီးကို အခွံခွာပြီး ခပ်ထူထူလေးတွေ ပေါက်ပေးကာ လှီးထားပါ
- ငါးကင်ကို အရိုးအသား သတ်သတ်စီ ထွင်ပေးထားပါ
- ကြက်သွန်ဖြူကို အခွံခွာပြီး ရေဆေးထားပါ
ငါးပိထောင်းရန်
- ငရုတ်ဆုံထဲမှာ ကြက်သွန်ဖြူနှင့် ငရုတ်သီးစိမ်းကို ထည့်ပေးပြီး အရင်ဆုံး မညက်တစ်ညက် ထောင်းပေးပါ
- ထိုအထဲသို့ ပေါက်ထားသော သရက်သီးစိမ်း ငရုတ်သီး အလှော်မှုန့် ပုဇွန်ငါးပိနှင့် ငါးကင်တို့ကို ထည့်ပြီး ခပ်ဖွဖွ ထည့်ထောင်းပါ
- အားလုံး သမသွားပြီဆိုတာနဲ့ သရက်သီးစိမ်း ငါးကင်ထောင်းကို အရသာ လိုသလို ပြင်ပေးပြီး စားပွဲပြင်ရန် ပန်းကန်ထဲသို့ ပြောင်းထည့်ပေးပါ။
No comments:
Post a Comment