နှစ်သစ်အခါ သမယ နှစ်ကူးရက်လေးမှာ မင်္ဂလာပါရှင် ဒီနေ့တော့ ဆိတ်သားဝယ်ထားတာလေးတွေ လက်ကျန်ရှိနေသေးလို့ စားလို့ကောင်းပြီး တာရှည်ခံတဲ့ ဆိတ်သားအစို အကြွတ်ကြော်နည်း မျှဝေလိုက်ပါတယ်။
ပါဝင်ပစ္စည်းများ
- ဆိတ်သား - 1 kg
- သံပုရာသီး - တစ်လုံး
- ခနော ကြက်သားမှုန့် - လက်ဖက်ရည်ဇွန်း တစ်ဇွန်း
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- ချင်းအရည် - ထမင်းစားဇွန်း တစ်ဇွန်း
- ဆီ - 2 cups
ပြင်ဆင်ပုံ
- ဆိတ်သားကို ရေဆေးပြီး ပုံပါအတိုင်း လှီးပေးပါ
- ဆိတ်သား အနံ့ပျောက်စေရန် သံပုရာရည်နှင့်နယ်ကာ ရေစင်အောင်ဆေးပြီး ရေခြောက်အောင် paper towel နှင့်သုတ်ပေးပါ
- ချင်းကို အခွခွာပြီး ရေဆေးကာညက်နေအောင် ထောင်းပေးပြီး အရည်ကို ယူထားပါ
- ရေခြောက်တာနဲ့ ခနောကြက်သားမှုန့် ချင်းကိုထောင်းပြီး ယူထားသော ချင်းအရည် နနွင်းမှုန့်တို့ထည့်ကာ အရသာဝင်အောင် နယ်ပြီး ရေခဲသေတ္တာ မခဲတဲ့ အကန့်ထဲမှာ တစ်ညသိပ်ထည့်ပြီး နှပ်ထားပေးပါ
- နောက်နေ့မနက်မှ ဆိတ်သားအစိုကြော်ကို ကြော်ဖို့ပြင်ဆင်ပေးပါ
- ဒယ်အိုးထဲမှာ ဆီထည့်ပြီး ဆီကို မီးပြင်းပြင်းနဲ့ အပူပေးလိုက်ပါ
- ဆီပူလာတာနဲ့ မီးကို အနေတော်သို့ လျှော့ပြီးမှ ဆိတ်သားအရသာနယ်ကို ထည့်ပြီးကြော်ပါ
- အသား အစိမ်းကို ကြော်တာ ဖြစ်တဲ့အတွက် အထဲထိ ကျက်စေရန် မကြာမကြာ အထက်အောက် လှန်ပေးပါ
- ပုံပါအတိုင်း အရောင်ရလာပြီဆိုရင် ဆယ်ပြီး အအေးခံထားပါ
- ကြော်ထားသော ဆီကိုလဲ မီးဖိုပေါ်မှ ဖယ်ထားကာ အအေးခံထားပါ
- ဆိတ်သားကြော်ရော ဆီပါအေးလာတော့မှ ကြော်ထားသောဆီနှင့်ကြော်ပြီးသား အသားကို စိမ်ပြီး နှစ်သက်သလို စားသုံးနိူင်ပါပြီ
- ကြော်ထားသောဆီကို ထမင်းဆီဆမ်း နယ်ပြီးစားနိူင်ပါတယ် ထိုနည်းအတိုင်း အမဲသား သိုးသားတို့ကိုလဲ ကြော်နိူင်ပါတယ်။
No comments:
Post a Comment