 |
| ပုဇွန်ထုတ်ကြော် |
ရေချိုပုဇွန်ကခေါင်းနဲ့ခေါင်းထဲက ပုဇွန်ဆီကမွှေးပေမဲ့ ရေငံပုဇွန်ရဲ့ခေါင်းထဲကအဆီက မမွှေးပါဘဲ ညှီတဲ့ဘက်ကို အနံ့ရှိတာမို့ အဲဒီအနံ့ပျောက်အောင် ပုဇွန်ခေါင်းတွေဖြုတ်ကာ ဖယ်ပြီးမှကြော်ပါတယ်။
အခွံတွေခွာပြီးတဲ့အခါမှာတော့ ပုဇွန်ကိုရေအေးအေးလေးနဲ့ သေသေချာချာ ပြန်ပြီးဆေးပြီးမှ အရသာနယ်ကာကြော်လိုက်မှသာ ရေငံပုဇွန်ရဲ့အနံ့ကပျောက်ပါတယ်။
မာမာကြော်တဲ့နည်းလေး မျှဝေပါမယ်
ဟင်းတစ်ပွဲစာအတွက်ပါ
- အခွံခွာပြီးခေါင်းဖြုတ်ကာ ကြောမှခွဲပြီးအမဲကြောင်း ထုတ်ထားသောပုဇွန်ထုတ် - ဆယ့်နှစ်ကောင်
- ပါးပါးလှီးထားသော ကြက်သွန်နီ - ဥကြီးကြီးတလုံး
- မညက်တစ်ညက်ထောင်းထားသော ကြက်သွန်ဖြူ - သုံးမွှာ
- ဆီ - လက်ဖက်ရည်ပန်းကန်လုံး တဝက်သာသာ
- နနွင်းမှုန့် - လက်ဖက်ရည်ဇွန်း လေးပုံတပုံ
- ပဲငံပြာရည် - ထမင်းစားဇွန်း တဝက်သာသာ
ပုဇွန်အရသာနယ်ရန်
- ငံပြာရည် - ထမင်းစားဇွန်း တဇွန်း
- နနွင်းမှုန့် - လက်ဖက်ရည်ဇွန်း လေးပုံတပုံ
- ဆား - လက်ဖက်ရည်ဇွန်း လေးပုံတပုံ
- အရသာမှုန့် - လက်ဖက်ရည်ဇွန်း တဝက်သာသာ
မီးအနေတော်နဲ့ ဆီကိုအပူပေးကာ ဆီပူလာလျှင်နနွင်းမှုန့်ကိုထဲ့ပြီး ကြက်သွန်နီကိုနွမ်းသွားအောင် အရင်ကြော်လိုက်ပါ ကြက်သွန်နီနွမ်းလာပါက ကြက်သွန်ဖြူကို ထဲ့ကြော်ပေးပါ ကြက်သွန်ဖြူအနံ့လေးမွှေး လာတာနဲ့ အရသာနယ်ထားသော ပုဇွန်ကိုထဲ့ကြော်ပေးပါ သုံးမိနစ်လောက်ကြော်ပြီးတာနဲ့ ပဲငံပြာရည်ထဲ့ပြီး မွှေပေးပါ ဆီကျွတ်ကျွတ်မြည်လာလျှင် ပုဇွန်အချိုကြော်လေးရပါပြီ။
ကြည်ရင်နဲ စားချင်လာပီ
ReplyDeleteစားပါ boboရေ
ReplyDelete