Friday 28 June 2013

ပုဇွန်ထုတ် မုန့်ညှင်းကြော်

ပုဇွန်မုန့်ညှင်းကြော်
ဒီနေ့ကြော်ဖြစ်တဲ့ မုန့်ညှင်းကြော်လေးပါ ကြော်ရတာ လွယ်သလောက် ထမင်းပူပူလေးနဲ့ဆို ထမင်းအရမ်းမိန်တဲ့  ဟင်းတစ်မယ်ပါ အသီးအရွက်ကြိုက်သူတို့အတွက် အရမ်းကောင်းတဲ့ ဟင်းလေးပါ မာမာကတော့မုန့်ညှင်းဆို ဘယ်လိုမုန့်ညှင်းဘဲဖြစ်ဖြစ် အရမ်းကြိုက်တာမို့ ရရာအသားနဲ့ ကြော်ကြော်စားတတ်ပါတယ်။

မုန့်ညှင်းရွက်က သတ်သတ်လွတ်လေးလဲ ကောင်းတာမို့ အသားမရှိရင် ဒီအတိုင်းလေးလဲ အဆင်ပြေပါတယ် လွယ်ကူမြန်ဆန်တဲ့ ဟင်းတစ်မယ်မို့ ကြော်စားကြည့်စေချင်ပါတယ်။

ပါဝင်ပစ္စည်းများ
  • အနေတော်ပိုင်းဖြတ်ထားသော မုန့်ညှင်း -  သုံးပင်
  • အခွံချွတ်ခေါင်းဖြုတ်ကာ ကြောမှထက်ခြမ်းခွဲပြီး အမဲကြောင်းထုတ်ထားသော ပုဇွန်ထုတ် - ဆယ့်ငါးကောင်
  • ဓါးပြားရိုက်ထားသော ကြက်သွန်ဖြူ - လေးမွှာ
  • ဆီ - ထမင်းစားဇွန်း နှစ်ဇွန်း
  • နနွင်းမှုန့် - လက်ဖက်ရည်ဇွန်း လေးပုံတပုံ
  • ဆား -လက်ဖက်ရည်ဇွန်း သုံးပုံတပုံ
  • အရသာမှုန့် - လက်ဖက်ရည်ဇွန်း တဝက်
  • ငရုတ်ကောင်းမှုန့် - အနည်းငယ်
ကြော်ရန်
  • မီးပြင်းပြင်းနဲ့ ဆီကိုအပူပေးပြီး နနွင်းမှုန့်ကို အရင်ထဲ့လိုက်ပါ
  • ဆီပူလာရင် မီးရှိန်နဲနဲ ထပ်လျှော့လိုက်ပြီး ကြက်သွန်ဖြူကို မွှေးသွားအောင်ကြော်လိုက်ပါ
  • ကြက်သွန်ဖြူမွှေးသွားပါက ပုဇွန်ကိုထဲ့ပြီး တစ်မိနစ်လောက်ကြော်လိုက်ပါ
  • ပုဇွန်အသားများ လိပ်သွားပါက မုန့်ညှင်းရွက် ဆားနှင့်အရသာမှုန့်တို့ကို ထဲ့ပြီးကြော်ပေးပါ
  • မုန့်ညှင်းရွက်များနွမ်းလာပါက ပန်းကန်ထဲသို့ပြောင်းပေးပြီး ငရုတ်ကောင်းမှုန့်ဖြူးပေးပါ
  • အားလုံးပြီးသွားပါက အရသာချိုချို ငရုတ်ကောင်းနံ့သင်းတဲ့ မုန့်ညှင်းရွက်ကြော်လေးရပါပြီ။

No comments:

Post a Comment