Monday 8 September 2014

ပုဇွန်ခွက်ကြော်


ဒီနေ့ကြော်စားဖြစ်တဲ့ အကြော်လေးပေါ့ အိမ်ကသားနဲ့သမီး အရမ်းကြိုက်တဲ့ အကြော်လေးမို့ မကြာမကြာတော့ ကြော်ဖြစ်ပါတယ်။

တစ်ကယ်တန်းကြတော့ ပုဇွန်ခွက်ကြော်က ပုံးစံခွက်လေးထဲကို အကြော်နှစ်စပ်ထားတဲ့ ပဲပင်ပေါက်ရယ် ပုဇွန်ရယ်ကိုထဲ့ပြီးမှ ခွက်ကိုင်းကိုကိုင်ပြီး ဆီပူအိုးထဲနှစ်ပြီးကြော်ပေးရတာပါ။

အကြော်ကျက်လာတာနဲ့ ခွက်ထဲကနေ စောင်းပြီးဆီပူအိုးထဲ သွန်ချပြီး ခနထားပြီးတာနဲ့ ဆယ်ပြီးဆီစစ်လိုက်ရုံပါဘဲ။

မာမာကတော့ ပုဇွန်ခွက်ကြော်တဲ့ ခွက်မရှိတာနဲ့ ပန်းကန်ပြားပြန့်ပြန့်လေးပေါ် ပဲပင်ပေါက်နဲ့ပုဇွန်တင်ပြီး ဆီပူအိုးထဲကို အသာတွန်းချပြီး ကြော်ထားတာပါ။

ပါ၀င်ပစ္စည်းများ

ပုဇွန်ထုတ် - ခပ်ကြီးကြီး ၇ကောင်
တန်ပူရာမှုန့်. - ထမင်းပေါင်းအိုး ဆန်ချင်ခွက် တစ်ခွက်
ရေ - ထမင်းပေါင်းအိုး ဆန်ချင်ခွက် တစ်၀က်
ရစင်အောင် ဆေးထားသော ပဲပင်ပေါက် - 350 g
ဆား - လက်ဖက်ရည်ဇွန်း တစ်၀က်
အချိုမှုန့် - လက်ဖက်ရည်ဇွန်း တစ်၀က် 
နနွင်းမှုန့် - လက်ဖက်ရည်ဇွန်း သုံးပုံတစ်ပုံ
ဆီ - လိုသလောက် သုံးပေးပါ

ကြော်ဖို့ပြင်ပါမယ်
တန်ပူရာမှုန့် နနွင်းမှုန့် ဆား အချိုမှုန့်တို့ကိုရေနဲ့ရောပြီး သမအောင်မွှေပေးပြီးမှ ပဲပင်ပေါက်ကိုထဲ့ကာ ဖွဖွလေးနယ်ပေးပါ
ပန်းကန်ပြားပြန့်ပြန့်လေးပေါ်သို့ မုန့်နှစ်လူးထားသော ပဲပင်ပေါက်နဲနဲနှင့် ပုဇွန်တစ်ကောင်ကို ထဲ့ပြီးပြင်ပေးထားပါ
ဆီကို မီးအပူပေးပြီး ဆီပူပြီးကျက်လာပါက မီးကိုအနေတော် လျှော့ပေးကာ ပဲပင်ပေါက်နှင့်ပုဇွန်ကိုထဲ့ကြော်ပေးပါ
မီးအရမ် းမများစေရန် သတိပြုပြီး ကြော်ပေးပါ 
တစ်ဖက်ရွှေဝါရောင် သန်းလာပါက တစ်ဖက်ကို လှန်ပေးပါ
နှစ်ဖက်လုံး ရွှေဝါရောင် သန်းလာပါက ဆယ်ပြီးဆီစစ်ပေးပါ
ဆီစစ်သွားပါက ပုဇွန်ခွက်ကြော်လေး ရပါပြီ။

3 comments:

  1. မာမာတစ္ေယာက္ပုဇြန္ ဓာတ္က်ေနပံုရတယ္ :P
    အျမင္နဲ႔တင္ ပုဇြန္ခြက္ေၾကာ္ေလးစားခ်င္စရာ အျပင္မွာတကယ္စားခ်င္တယ္ .. :D

    ReplyDelete
  2. အခုရက္ထဲ ပုဇြန္ထုတ္ေတြေဈးခ်ေနလို႕ပါ တီတင့္ေရ
    အရင္တံုးက တစ္ကီလိုကို $30 ေလာက္ေပးရတဲ့ ပုဇြန္က်ားေတြကို $19 နဲ႕ ခ်ေရာင္းေနလို႕ တန္တာနဲ႕ ၀ယ္စားျဖစ္တာပါတီတင္႕ေရ :-D
    တစ္ကယ္အျပင္မွာေတြ႕ရင္ ေၾကာ္ေကြ်းမယ္ေနာ္ ။

    ReplyDelete
  3. အေၾကာ္ႀကိဳက္တယ္ မမမာေရ ..
    ေၾကာ္စားဦးမယ္..
    မိုးစက္ဝိုင္

    ReplyDelete