ပါဝင်ပစ္စည်းများ
- ကြာစွယ် - 300 g
- ပဲငံပြာရည်အကြည် - ထမင်းစားဇွန်း တစ်ဇွန်း
- ပဲငံပြာရည် အပျစ် - ထမင်းစားဇွန်း တစ်ဇွန်း
- ခရုဆီ - ထမင်းစားဇွန်း တစ်ဇွန်း
- နေကြာဆီ - ထမင်းစားဇွန်း သုံးဇွန်း
- နှမ်းဆီမွှေး - လက်ဖက်ရည်ဇွန်း တစ်ဇွန်း
- ကြက်သွန်ဖြူ - အမွှာကြီးကြီး သုံးမွှာ
ပြင်ဆင်ပုံ
- ကြာစွယ်များကို ရေဆေးပြီး ရေမြုပ်အောင်ထည့်ကာ ပွက်ပွက်ဆူအောင် တည်ပေးပါ
- ငါးမိနစ်လောက် ပြုပ်ပြီးတာနဲ့ ရေပူများပို သွန်ပေးကာ ရေစစ်ထားပါ
- ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
- အားလုံး အဆင်သင့် ဖြစ်တာနဲ့ အိုးထဲမှာ ဆီနှင့်ကြက်သွန်ဖြူကို ထည့်ပေးကာ အပူပေးပါ
- ကြက်သွန်ဖြူများ အနည်းငယ်လေး နွမ်းလာတာနဲ့ ကြာစွယ်များ ထည့်မွှေပေးပါ
- ပြီးတာနဲ့ ပဲငံပြာရည်အကြည် ပဲငံပြာရည်အပျစ် ခရုဆီနှင့် နှမ်းဆီမွှေးတို့ကို ထည့်မွှေပေးပါ
- အရသာ သမတာနဲ့ ကြာစွယ်များ ရေမြုပ်အောင်ထည့်ပြီး တည်ပေးပါ
- ရေများ ခမ်းလာတာပြီး ဆီများပြန်ထွက်လာတာနဲ့ ကြာစွယ်ဟင်းလေးကို စားသုံးရန် ပြင်ဆင်ပေးနိူင်ပါပြီ။
No comments:
Post a Comment