ပါ၀င်ပစ္စည်းများ
- Soba ခေါက်ဆွဲ - 350 g
- ပဲပြား - ခပ်ကြီးကြီး တစ်တုံး (ကြော်ပြီးသားကို သုံးပါ)
- ဘေဘီဘရော့ကိုလီ - အနေတော် လေးပင်
- ပဲတောင့်ရှည် - ငါးတောင့်
- ကြက်သွန်ဖြူ - အမွှာကြီးကြီး သုံးမွှာ
- ပဲငံပြာရည် အပျစ် - ထမင်းစားဇွန်း တစ်ဇွန်း
- ပဲငံပြာရည် အကျဲ - ထမင်းစားဇွန်း တစ်ဇွန်း
- သကြား - ထမင်းစားဇွန်း တစ်ဇွန်း
- ဆား - လက်ဖက်ရည်ဇွန်း တစ်ဇွန်း
- ဆီ - ထမင်းစားဇွန်း ရှစ်ဇွန်းခန့်
ခေါက်ဆွဲပြုပ်ပုံ
- အိုးတစ်လုံးထဲမှာ ရေခပ်များများထည့်ပြီး ပွက်ပွက်ဆူအောင် တည်ပေးပါ
- ရေဆူလာတာနဲ့ ခေါက်ဆွဲကို ထည့်ပြီးပြုပ်ပေးပါ
- Soba ခေါက်ဆွဲက နူးလွယ်ပြီး ပြတ်တောက်လွယ်တဲ့အတွက် ခပ်မြန်မြန်လေး ပြုပ်ပြီး ရေနွေးများ သွန်ပေးပါ
- ပြီးတာနဲ့ ရေအေးနဲ့ဆေးပြီး ရေစစ်ထားပါ
ပြင်ဆင်ချက်ပြုပ်ပုံ
- ခေါက်ဆွဲကို ဇလုံတစ်လုံးထဲထည့်ကာ ဆား ပဲငံပြာရည်အပျစ်တို့နဲ့ သမအောင် နယ်ပေးထားပါ
- ဘေဘီ ဘရော့ကိုလီကို ရေနွေးဆူဆူထဲမှာ နှစ်မိလောက် ပြုပ်ပေးကာ ရေနွေးသွန်ပြီး ရေအေးနဲ့ စိမ်ထားပါ
- ပဲတောင့်ရှည်ကို ရေဆေးပြီး အနေတော်လေးတွေ လှီးထားပါ
- ပဲပြားကို မထူမပါးလေးတွေ လှီးထားပါ
- ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
- ပါ၀င်ပစ္စည်းများကို အဆင်သင့် ပြင်ထားပါ
- အောက်ခြေမကပ်သော ဒယ်အိုးကို အပူပေးပါ အိုးပူလာပါက ဆီထည့်ပေးပါ
- ဆီပူလာတာနဲ့ ကြက်သွန်ဖြူကို အရင်ဆုံး ထည့်ကြော်ပါ
- ကြက်သွန်ဖြူ မွှေးလာတာနဲ့ ပဲသီးနှင့် ပဲပြားတို့ကို ထည့်ကြော်ပေးပါ
- ပြီးတာနဲ့ ဆားနှင့် ပဲငံပြာရည်အကျဲတို့ကို ထည့်ကြော်ပေးပါ
- အသီးအရွက်များ အရမ်းနူးမသွားစေရန် ၂မိနစ်လောက် ကြော်ပြီးတာနဲ့ အရသာ နယ်ထားသော ခေါက်ဆွဲကို ထည့်ကြော်ပါ
- အသီးအရွက်များနှင့် သမသွားအောင် မွှေပေးပြီး တစ်မိနစ်လောက် မွှေပြီးတာနဲ့ အရသာမြည်းပေးကာ လိုသလို ပြင်ပေးပါ
- ပြီးတာနဲ့ ခေါက်ဆွဲကြော်ကို ဘေးဖက်မှာ ခနဘေးကို တွန်းထားပြီး ရေနွေးဖျောထားသော ဘေဘီဘရော့ကိုလီကို ထည့်မွှေပေးပါ
- ပြီးတာနဲ့ ခေါက်ဆွဲကြော်ကို ရောမွှေပေးကာ အားလုံးသမသွားတာနဲ့ ခေါက်ဆွဲကြော် မွှေးမွှေးလေးကို သုံးဆောင်နိူင်ပါပြီ။
No comments:
Post a Comment