ဆွမ်းမွှေးကောက်ညှင်းပေါင်း

ဒီနေ့တော့ ကော်ဖီပူပူလေးနဲ့ စားရလေအောင် ကောက်ညှင်းပေါင်ကိုး ဆွမ်းမွှေးရည် အုန်းနို့ သကြားတို့နဲ့ ပြန်နှပ်လေး လုပ်စားဖြစ်လို့ မာမာပြင်ဆင်တဲ့ နည်းလေး မျှဝေပေးလိုက်ပါတယ်။

ဆွမ်းမွှေးရည်နဲ့ ပြန်နှပ်ပြီး ဆွမ်းမေအးရွက်နဲ့ ပြန်ထုတ်ထားတဲ့အထိ မွှေးပြီး စိမ့်နေအောင်ကို ကောင်းလွန်းလှပါတယ် အချိုကိုလဲ မာမာကတော့ အနေတော်အချိုအရသာလေးဘဲ ထည့်ထားတဲ့အတွက် အချိုကြိုက်ရင်တော့ ပိုပြီးထည့်ပေးစေချင်ပါတယ်။

ပါ၀င်ပစ္စည်းများ

1. ကောက်ညှင်းဆန် - နှစ်ဗူး (ထမင်းပေါင်းအိုး ဆန်ချင်ဗူး)
2. ရေ 1200 ml (ကောက်ညှင်းပေါင်းအိုး အောက်ခံအိုးတွင် ထည့်ပေးရန် )
3. သကြား - 1/2 cup ( မုန့်လုပ်ရာတွင် ချဉ်သောခွက်) အချိုကြိုက်ပါက ပိုထည့်ပါ
4. Coconut cream - 1 cup
5. ဆွမ်းမွှေးရွက် - 600 ml (ပိုင်းဖြတ်ပြီးသား)
6. ရေ - 300 ml (ဆွမ်းမွှေးရွက်ကြိတ်ရန် )
7. ဆွမ်းမွှေးရည် - 2/8 cup
8. ဆွမ်းမွှေးရွက် - ၉ရွက်
9. သွားထိုးဒုတ်တံ - လိုသလောက်သုံးပါ
10. နှမ်းလှော်ပြီးသား - မိမိနှစ်သက်သလောက်

ဆွမ်းမွှေးရည်ကြိတ်ရန်

• ဆွမ်းမွှေးရွက်ကို အနေတော်လေးတွေ ပိုင်းပေးပါ
• အသီးအရွက်ကြိတ်သော ဗလင်ဒါထဲမှာ အရွက်များနှင့် ရေကိုထည့်ပြီး ညက်နေအောင် ကြိတ်ပေးပါ
• အရွက်များ ညက်သွားတာနဲ့ ဇလုံတလုံးပေါ်မှာ ပိတ်ပါးစလေး ခွံပေးပါ သွန်ချပေးပါ
• ပိတ်ပါးစလေးကို ထိပ်ဖက်မှ စုစီးကာ အသာလေး မယူပြီး အရည်များ ညှစ်ယူပေးကာ အဖတ်များကို သွန်ပလိုက်ပါ
• ဆွမ်းမွှေးရည်ကို လိုသလောက် သုံးပေးပြီး ပိုတာကို ရေခဲသေတ္တာထဲမှာ ခဲထားပါ။

ပြင်ဆင်ပုံ

• ကောက်ညှင်းဆန်ကို ဇလုံတလုံးထဲမှာထည့်ပြီး ရေမြုပ်အောင်ထည့်ကာ ရေ၉နာရီခန့် ရေစိမ်ထားပါ
• ရေစိမ်ထားချိန် ပြည့်တာနဲ့ ပေါင်းခံဇကာထဲ ထည့်ပေးပါ
• ပေါင်းအိုးအောက်ခံအိုးထဲမှာ ရေထည့်ပြီး ပေါင်းခံဇကာကို တင်ပေးပါ
• ပြီးတာနဲ့ ပေါင်းအိုးမှ ပေါင်းမည့်ခလုတ်နှိပ်ပြီး မိနစ်၂၀ချိန်ပေးကာ ပေါင်းပေးပါ
• ကောက်ညှင်ပေါင်းချိန် ပြည့်တာနဲ့ ပေါင်းအိုးထဲမှ လေကို ကုန်အောင်ထုတ်ပြီးမှ အဖုံးဖွင့်ပေးပါ
• ဆွမ်းမွှေးရွက်ကို ရေဆေးပြီး ရေစစ်ထားပါ
• သွားကြားထိုးဒုတ်ကို ထက်ဝက်ပိုင်းပေးထားပါ
• ပြီးတာနဲ့ ဆွမ်းမွှေးရွက်ကို အဝိုင်းလေးကွင်းပြီး ထိပ်နှစ်ဖက်ကို ထပ်ပေးကာ သွားထိုးဒုတ်လေးနှင့် ထိုးပေးပါ
• ပါ၀င်ပစ္စည်းများဖြစ်သော နှမ်းလှော် သကြား အုန်းနို့ ဆွမ်းမွှေးရေတို့ကို ပြင်ထားပါ
• အားလုံးအဆင်သင့် ဖြစ်တာနဲ့ အောက်ချေမကပ်သော အိုးထဲမှာ ပေါင်းထားသော ကောက်ညှင်း သကြား အုန်းနို့နှင့် ဆွမ်းမွှေးရည်တို့ကို ထည့်မွှေပေးပါ
• အုန်းနို့ရည်များ ခမ်းလာပြီး မွှေးလာပါက မီးပိတ်ပေးပါ
• ဆွမ်းမွှေးရွက်အနံ့လေးနှင့် အုန်းနို့အနံ့လေးပါ မွှေးနေတဲ့ ကောက်ညှင်း ပြန်နှပ်လေးများကို ဆွမ်းမွှေးရွက်ထဲသို့ ထည့်ပေးပါ
• ပြီးတာနဲ့ နှမ်းလှော်များကို မိမိနှစ်သက်သလောက် ကောက်ညှင်းပြန်နှပ် ပူပူလေး ပေါ်မှာ ဖြူးပေးပါ
• ဆွမ်းမွှေးရွက်နံ့လေးနဲ့ အုန်းနို့နံ့လေး သင်းနေတဲ့ ကောက်ညှင်းဆွမ်းမွှေး အုန်းနို့ပြန်နှပ် မွှေးမွှေးလေးကို သုံးဆောင်ရန် ပြင်ပေးနိူင်ပါပြီ။