ကောက်ညှင်းပေါင်း မွှေးမွှေးစိမ့်စိမ့်လေးကို စိတ်ကူးရသလို ပေါင်းလိုက်ပြီး စားဖို့ပြင်ဆင်ခဲ့အတွက် မာမာပေါင်းထားတဲ့ ကောက်ညှင်းပေါင်း နည်းလေးကို မျှဝေလိုက်ပါတယ်ရှင်။
ပါ၀င်ပစ္စည်းများ
- ငှက်ပျောသီး - လေးလုံး
- ကောက်ညှင်းငချိတ် - နှစ်ဗူး (ထမင်းပေါင်းအိုး ဆန်ချင်ဗူး)
- ရေ - 1200 ml (ကောက်ညှင်းပေါင်းအိုး အောက်ခံအိုးတွင် ထည့်ပေးရန် )
- အုန်းနို့ - 200 ml
- ပေါင်းအိုး - တစ်လုံး
- ကြွေဇလုံ - တစ်လုံး
ပြင်ဆင်ပုံ
- ကောက်ညှင်းဆန် ဇလုံထဲမှာ ရေမြုပ်အောင်ထည့်ကာ ၆နာရီခန့် ရေစိမ်ထားပေးပါ
- ရေစိမ်ထားချိန် ပြည့်တာနဲ့ ကောက်ညှင်းဆန်ကို ခပ်ဖွဖွလေး ရေဆေးပေးကာ ရေစစ်ပေးပါ
- ရေစစ်သွားတာနဲ့ အုန်းနို့ နဲ့ ကောက်ညှင်းဆန် နှစ်မျိုးစလုံးကို ရောပြီး မွှေထားပေးပါ
- ပြီးတာနဲ့ ကြွေဇလုံထဲမှာ ကောက်ညှင်းဆန်ကို ထည့်ပေးပြီး ကောက်ညှင်းဆန် အပေါ်မှာ ငှက်ပျောသီးကို အခွံခွာပြီး ထည့်ပေးပါ
- ပေါင်းအိုးအောက်ခံ အိုးထဲမှာ ရေထည့်ပြီး ပေါင်းခံဇကာကို တင်ပေးပါ
- ထိုပေါင်းခံဇကာ အပေါ်မှာ ပြင်ထားသော ကောက်ညှင်းဇလုံကို ထည့်ပေးပါ
- ပြီးတာနဲ့ ပေါင်းအိုးမှ ပေါင်းမည့်ခလုတ်နှိပ်ပြီး မိနစ်၂၀ ချိန်ပေးကာ ပေါင်းပေးပါ
- ကောက်ညှင်ပေါင်းချိန် ပြည့်တာနဲ့ ပေါင်းအိုးထဲမှာ လက်ကျန်အပူရှိန်နဲ့ ဆယ်မိနစ်လောက် နှပ်ပေးထားပါ
- ပြီးတာနဲ့ အုန်းနို့နဲ့ ငှက်ပျောသီးနံ့ မွှေးမွှေးလေးနဲ့ ကောက်ညှင်းပေါင်း ပူပူလေးကို သုံးဆောင်နိူင်ပါပြီ။
No comments:
Post a Comment