မာမာတို့ ငယ်ငယ်တုန်းက စားနေကျ ကောက်ညှင်းစပါး နုနုလေးတွေကို လှော်ပြီးထောင်းထားတဲ့ မုန့်ဆမ်းအစစ်လေး စားချင်ပေမဲ့ မုန့်ဆမ်းအစစ်က မရလေတော့ ရှိတာလေးနဲ့ အာသာပြေ နယ်စားဖြစ်တဲ့ မုန့်ဆမ်းနယ်နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- မုန့်ဆမ်း - တရုတ်ဟင်းပြင်ပန်းကန် အလတ်တစ်လုံးစာ
- သကြား - ချင့်ချိန်ထည့်ပါ
- အုန်းသီးခြစ်ပြီးသား - တရုတ်ဟင်းပြင်ပန်းကန် အသေးတစ်လုံးစာ
- ဆား - လက်ဖက်ရည်ဇွန်း တစ်ဝက်
- ပွက်ပွက်ဆူနေသော ရေနွေး - လိုသလောက်
ပြင်ဆင်ပုံ
- ဇလုံကျယ်ကျယ် တစ်လုံးထဲမှာ ရေနွေးမှလွဲပြီး ပါ၀င်ပစ္စည်းများ ထည့်ပေးပါ
- ရေနွေးအနည်းငယ်ကို ပွက်ပွက်ဆူအောင် တည်ထားပါ
- ရေနွေးဆူလာတာနဲ့ အရသာနယ်ရန် မုန့်ဆမ်းထဲသို့ နည်းနည်းခြင်း ထည့်ပေးပါ
- ရေနွေးနည်းနည်းထည့်လိုက် နယ်လိုက်လုပ်ပေးပြီး မုန့်ဆမ်းပျော့လာတဲ့အထိ နယ်ပေးပါ
- ရေနွေးကို တစ်ခါထဲ အများကြီး မထည့်ဘဲ နည်းနည်းခြင်းသာ ထည့်နယ်ပါ
- မုန့်ဆမ်းပျော့လာတာနဲ့ အချိုအရသာ လိုသလို ပြင်ပေးပါ
- အစထဲက စိမ့်စိမ့်လေး ကြိုက်ရင် သကြားကို အနေတော်သာ ထည့်နယ်ပေးပါ
- ချိုချိုလေး ကြိုက်ရင်တော့ သကြားကို ပိုထည့်ပြီး နယ်ပေးပါ
- အုန်းသီးမှုန့် သကြား မုန့်ဆမ်းအရသာနယ် နယ်ပြီးပြီ ဆိုရင်တော့ မုန့်ဆမ်းနယ် မွှေးမွှေးစိမ့်စိမ့်လေးကို စားသုံးရန် အဆင်သင့် ရပါပြီ။
No comments:
Post a Comment