Friday, 15 December 2017

သရက်သီးစိမ်း အရိုင်းသုပ်



ထမင်းစားရတာ အချဉ်သုပ်လေး တခုခုပါလေ ထမင်းက စားလို့မိန်လေပါဘဲ ဒီနေ့တော့ သရက်သီးစိမ်းကို ဖိုးသိုးဖတ်သပ်လေး အရိုင်းသုပ်ကာ ကြက်သားကို ပြုပ်ပြီး ပဲကြာဇံနဲ့ ဟင်းခါးလေးချက်ကာ ထမင်းမိန်မိန် စားနိူင်ဖို့ ပြင်ဖြစ်တဲ့အတွက် သရက်သီး အရိုင်းသုပ်နည်းလေး မျှဝေလိုက်ပါတယ်။

ပါဝင်​ပစ္စည်းများ

  • သရက်သီးစိမ်း - ခပ်ကြီးကြီး တလုံး
  • အရသာမှုန့် -  လက်ဖက်ရည်ဇွန်း တစ်ဝက်
  • ငရုတ်သီး အလှော်မှုန့် -  စားနိူင်သလောက်
  • ပုဇွန်ခြောက် - ထမင်းစားဇွန်း ၂ ဇွန်း
  • ငံပြာရည် - ထမင်းစားဇွန်း တဇွန်း
ပြင်ဆင်ပုံ
  • သရက်သီးစိမ်းကို အညှာဖက်မှလှီးပြီး ရေနိူင်နိူင်ဆေးကာ အစေးထုတ်ပေးပါ
  • ပြီးတာနဲ့ အခွံခွာကာ အခွံခွာသောဓါးနှင့် သရက်သီးကို ခြစ်ချကာ လှီးပေးပါ
  • ပုဇွန်ခြောက်ကို ညက်နေအောင် ထောင်းထားပါ
  • အားလုံးအဆင်သင့် ဖြစ်တာနဲ့ ပါဝင်​ပစ္စည်းများ အားလုံးကို ဇလုံတလုံးထဲထည့်ကာ ဖွဖွလေးရောနယ်ပေးပါ
  • ပြီးလျှင် အရသာမြည်းပြီး လိုသလို ပြင်ပေးကာ စားပွဲပြင်ပေးပါ
  • ကြက်သား ပဲကြာဇံဟင်းခါးနှင့် တွဲဖက်စားရန် ချဉ်ငံစပ်ပြီး အရသာရှိလှသော သရက်သီး အရိုင်းသုပ်လေးကို စားသုံးရန်အသင့် ပြင်ပေးနိူင်ပါပြီ။

No comments:

Post a Comment