ပူစီနံ စိုက်ပျိုးနည်း

ဒီနေ့တော့ ပူစီနံ စိုက်နည်းလေးတွေ လာလာမေးကြလွန်းလို့ မာမာစိုက်တဲ့ နည်းလေးကို ပြောပြလိုက်ပါတယ်။ ပူစီနံက အရမ်းပွားလွယ်တဲ့အတွက် ကိုယ့်အိမ်မှာ မြေကြီးကျယ်ကျယ်ဝန်းဝန်း မရှိရင် ပန်းအိုးအဝ ခပ်ကျယ်ကျယ် အိုးနဲ့ စိုက်ရင် တော်တော်လေးကို အဆင်ပြေပါတယ်။

စစချင်း ပူစီနံမျိုးကို ဘယ်လိုရှာကြမလဲ ပူစီနံ ပျိုးပင်လေးတွေ ရောင်းတာကို ဝယ်ပြီးစိုက်လို့ရသလို ဈေးထဲကနေ စားဖို့ဝယ်လာတဲ့ ပူစီနံ အရိုးခပ်ရင့်ရင့်လေးတွေကိုလဲ စိုက်လို့ရပါတယ်။ ဘယ်လိုမြေမျိုးမှာ စိုက်ကြမလဲ အရင်ဆုံး ပန်းအိုးထဲမှာ ရေစီးဆင်းလွယ်တဲ့ မြေဆွေးခပ်ပွပွကို ထည့်ပေးပါ ကျစ်နေတဲ့ မြေကြီးမျိုးကို မသုံးရပါဘူး။ ဘယ်လိုစိုက်မလဲ ပျိုးပင်ကို စိုက်မယ်ဆိုရင်တော့ ပျိုးအိုးလေးတွေထဲကနေ အပင်လေးတွေကို ထုတ်ယူပြီး တစ်ပင်နဲ့တစ်ပင် နှစ်လက်မလောက်စီ ခွာပြီး စိုက်ပေးပါ။ ပျိုးပင်လေးတွေ အားလုံးစိုက်ပြီးပြီ ဆိုတာနဲ့ မြေဆွေးကို ခပ်ဖွဖွလေး ထပ်ဖြူးပေးပြီး ရေကိုအိုးအောက်ချေအထိ စိုတယ်ဆိုရုံလေးဘဲ လောင်းပေးပါ။ ပျိုးပင်ဖြစ်တဲ့အတွက် အမြှစ်က နုပါတယ် ရေအများကြီး လောင်းတဲ့အခါ အမြှစ်တွေ ပုပ်သွားတတ်ပါတယ် ဒါကြောင့်မို့လို့ နေ့စဉ်ရေကို တစ်နေ့တစ်ခါ ပုံမှန်လောင်းပေးရင် လုံလောက်ပါတယ်။ ဈေးကဝယ်လာတဲ့ ပူစီနံ အရိုးခပ်ရင့်ရင့်လေးတွေကို စိုက်မယ်ဆိုရင်လဲ အထက်ပါနည်းအတိုင်းဘဲ မြေဆွေးထဲမှာ အခက်လေးတွေကို အရွက်ဆစ် လေးဆစ်လောက် မြုပ်အောင် မြှုပ်ပေးပြီး အပေါ်မှ မြေဆွေးအနည်းငယ် ထပ်ဖြူ းကာ ရေကိုအိုးအောက်ချေအထိ စိုတယ်ဆိုရုံလေးဘဲ လောင်းလောင်းပေးပါ။ ဘယ်လိုနေရာတွေမှာ စိုက်မလဲ ပူစီနံပင်ဟာ စိုက်လို့အရမ်းလွယ်ပါတယ် ဒါပေမဲ့ အေးတဲ့ဒေသတွေမှာဆို နေရောင် ခပ္မ်ားမ်ား ရတဲ့နေရာမှာ စိုက်ဖို့လိုပါတယ် ပူတဲ့ ဒေသတွေမှာ ဆိုရင်တော့ အရိပ်အနည်းငယ်ရတဲ့ နေရာမှာ စိုက်သင့်ပါတယ်။ အပင်တွေ အမြှစ်တွယ်လာပြီး အရွက်နုတွေ တက်လာပြီဆိုရင်တော့ အရွက်နုတွေကို စားဖို့အတွက် ဖြတ်ဖြတ်ပေးပါ အရွက်နု ဖြတ်ချိန်ကစပြီး ရေကို ခပ်များများ လောင်းပေးဖို့ လိုလာပါပြီ။ အရွက်နုတွေကို ဖြတ်ဖြတ်ပေးလေလေ ကိုင်းတက်တွေ ပွားလာလေလေ အရွက်တွေကလဲ ပိုပြီး သန်မာလာလေလေပါဘဲ။ ပူစီနံပင်လေးတွေက ရာသီဥတု အရမ်းပူလာတဲ့ အချိန်ရယ် အရမ်းအေးလာတဲ့ အချိန်မျိုးတွေရယ်မှာ အပင်အရင်းက အရိုးရင့်တွေ ခြောက်လာတတ်သလို တစ်ချို့အပင်လေးတွေလဲ သေကုန်တတ်ပါတယ်။ အဲဒီလို ဖြစ်လာပြီဆိုရင် အကိုင်းခြောက်တွေရယ် အပင်သေလေးတွေရယ်ကို သတိထားပြီး ကပ်ကြေးနဲ့ ညှပ်ညှပ်ပေးပြီး ဖယ်ပေးရပါတယ်။ ပူစီနံဆိုတဲ့ အပင်မျိုးဟာ တစ်ခါစိုက်ပြီးရင် အမြဲတမ်း ပွားနေတဲ့ အမျိုးဖြစ်လို့ အရိုးခြောက်တွေနဲ့ အပင်သေတွေကို ဖယ်ပြီးတာနဲ့ ကျန်နေတဲ့ အပင်လေးတွေကို တနှစ်တစ်ခါလောက် ငုံးချေး ကြက်ချေးနဲ့ နွားချေးလိုမျိုး မြေသြဇာ အခြောက်တွေကို တစ်ခါလောက် ကျွေးပေးရပါမယ်။ သဘာဝ မြေသြဇာ အခြောက်တွေကို ကျွေးပြီးတာနဲ့ ရေကိုနေ့စဉ် နိူင်နိူင်လောင်းပေးပါ အပင်ရင့်လာပြီဖြစ်လို့ ရေအရမ်းကြိုက်ပါတယ်။ တစ်ခါစိုက်ပြီးရင် မိမိပြုစုရင် ပြုစုသလို ရှင်သန်ကြီးထွားကာ အပင်ပွားနူံးကောင်းပြီး အရမ်းကို သန်လွန်းတဲ့ ပူစီနံပင်တွေကို ပိုက်ဆိုင်နိူင်ကြပါစေရှင်။