ပည်ကြီးငါး အကောင်ခပ်ကြီးကြီးလေးတွေ ဝယ်လာပြီး အစာသွပ်စားမယ်လို့ စိတ်ကူးလိုက်တိုင်း ဟိုဟာလို ဒီဟာလိုနဲ့မို့လို့ အစာမသွပ်ဖြစ်တာက များပါတယ်။
အဲဒီလိုနဲ့ဘဲ စားလို့လဲကောင်းပြီး ခံတွင်းတွေ့စေမဲ့ လွယ်ကူမြန်ဆန်ပြီး စားလို့ကောင်းတဲ့ ချဉ်ငံစပ်လေးဘဲ ထောင်းဖြစ်ပါတော့တယ်။
ပါ၀င်ပစ္စည်းများ
- ပြည်ကြီးငါး - 400 g
- ငရုတ်သီး အခြောက်တောင့် - ၅တောင့်
- ထန်းလျှက်ခဲ - ကွမ်းသီးဆံ အလုံးလောက် တစ်ခဲ
- အရသာမှုန့် - လက်ဖက်ဇွန်း တစ်ဝက်သာသာ
- ဆား - လက်ဖက်ရည်ဇွန်း တစ်ဝက်
- ကြက်သွန်ဖြူ- အမွှာကြီးကြီး ၃မွှာ
- ငါးငံပြာရည်အနောက် -ထမင်းစားဇွန်း တစ်ဇွန်း
- ငါးငံပြာရည်အကြည် - ထမင်းစားဇွန်း တစ်ဇွန်း
- ဆား - လက်ဖက်ရည်ဇွန်း သုံးပုံတစ်ပုံ (ပြည်ကြီးငါးပြုပ်ရန်
- နံနံပင် - မိမိစားနိူင်သလောက်
- ပဲတောင့်ရှည် - မိမိနှစ်သက်သလောက်
- သံပုရာသီး - တစ်လုံး (အချဉ်ကြိုက်ပါက ပိုထည့်ပါ )
- မုန့်ဟင်းခါး မုန့်ဖတ် - စားနိူင်သလောက်
ပြင်ဆင်ပုံ
- ပဲတောင့်ရှည်ကို ရေစင်အောင် ဆေးထားပါ
- နံနံပင်ကို ရေစင်အောင် ဆေးထားပါ
- သံပုရာသီးကို ရေဆေးပြီး တ၀က် ခြမ်းထားပါ
- ကြက်သွန်ဖြူကို အခွံခွာပြီး ရေဆေးထားပါ
- ပြည်ကြီးငါးကို မလိုတာတွေဖယ်ပြီး ရေဆေးထားပါ
- ရေဆေးပြီးတာနဲ့ အိုးတစ်လုံးထဲမှာ ပြည်ကြီးငါး ရေအနည်းငယ်နှင့် ဆားအနည်းငယ်ထဲ့ကာ ရေခမ်းအောင် ပြုပ်ပေးပါ
- ပြုပ်ထားသော ရေခမ်းတာနဲ့ ရေတစ်ထပ်ဆေးပေးပြီး မိမိနှစ်သက်သလို ပုံစံလေးတွေ လှီးပေးထားပါ
ထောင်းရန်ပြင်ဆင်ပုံ
- ငရုတ်ဆုံ ခပ်ကြီးကြီးထဲမှာ ထန်းလျှက်ခဲ ကြက်သွန်ဖြူ ငရုတ်သီးအခြောက်တောင့်နှင့် ဆားတို့ကိုထည့်ပြီး မညက်တညက် ထည့်ထောင်းပါ
- ပြီးတာနဲ့ နံနံပင်နှင့် ပဲသီးတို့ကို ထည့်ထောင်းပေးပါ
- အနည်းငယ် သမသွားတာနဲ့ ငံပြာရည်နှစ်မျိုးလုံးနှင့် အရသာမှုန့်တို့ကို ထည့်ထောင်းပေးပါ
- ထောင်းနေစဉ် အရသာ သမသွားအောင် ဇွန်းအရိုးရှည်ရှည်နှင့် မွှေမွှေပေးပါ
- မိမိအသုံးပြုပြီး ထောင်းသော ကျည်ပွေ့ပေါ် မူတည်ပြီး ကြည့်ထောင်းပါ
- ကျောက်ကျည်ပွေ့ဆိုပါက ၅ချက်မှ ၁၀ချက်လောက် ခပ်ဖွဖွလေး ထောင်းပေးပါ
- သစ်သားကျည်ပွေ့ဆိုပါက အချက် ၁၅ချက် လောက် ခပ်ဖွဖွလေး ထောင်းပေးမှ အရသာ၀င်ပါတယ်
- ထောင်းတယ်ဆိုပေမဲ့ အရမ်းညက်နေအောင် ထောင်းစရာမလိုဘဲ ခပ်ဖွဖွထောင်းလိုက် ဇွန်းနဲ့မွှေလိုက် လုပ်ပေးရပါတယ်
- အရသာ သမလောက်ပြီဆိုတာနဲ့ ပြည်ကြီးငါးနှင့် သံပုရာရည်တို့ကို ထည့်ပြီး ခပ်ဖွဖွလေး ၄ချက်လောက် ထောင်းပေးပါ
- ေထာင်းနေစဉ် အရသာ မြည်းပေးပြီး မိမိနှစ်သက်တဲ့ အရသာ ရတဲ့အထိ ပြင်ပေးပါ
- မုန့်ဖတ်နှင့် ပဲသီးတို့ကို အဆင်သင့် ပြင်ထားပါ
- ပြီးတာနဲ့ ပြည်ကြီးငါး ပဲသီးထောင်း ချိုချဉ်ငံစပ်လေးကို မုန့်ဖတ် ပဲသီးတို့နှင့် တွဲဖက်ကာ စားသုံးနိူင်ပါပြီ။
No comments:
Post a Comment