ဒီနေ့တော့ ပဲတောင့်ရှည်လေးတွေ ဝယ်လာပြီး ဝက်သားနဲ့ ကြော်ထားပါတယ် အသီးအရွက်ကြိုက်တဲ့ သူတွေအတွက် ထမင်းမြိန်ရာ ဟင်းတမယ် ဖြစ်တဲ့အတွက် မာမာပြင်ဆင်ပြီး ကြော်ထားတဲ့ ကြော်နည်းအလွယ်လေးကို မျှေဝေလိုက်ပါတယ်ရှင်။
ပါ၀င်ပစ္စည်းများ
- ပဲတောင့်ရှည် - နှစ်ဆယ့်ငါးတောင့်
- ဝက်သား - မိမိနှစ်သက်သလောက်ထည့်ပါ
- ကြက်သွန်နီ - အနေတော် တစ်ခြမ်း
- ဆီ - ထမင်းစားဇွန်း ငါးဇွန်း
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- ဆား - လက်ဖက်ရည်ဇွန်း တစ်ဝက်သာသာ
- ဟင်းခတ်မှုန့် - လက်ဖက်ရည်ဇွန်း တစ်၀က်သာသာ
ပြင်ဆင်ပုံ
- ဝက်သားကို ရေဆေးပြီး အနေတော် အတုံးလေးတွေ တုံးကာ ဆား အရသာမှုန့်တို့နဲ့ သင့်သလို နယ်ထားပါ
- ပဲသီးကို ရေဆေးပြီး ခပ်စောင်းစောင်းလေးတွေ လှီးထားပါ
- ကြက်သွန်နီကို အခွံခွာပြီး ရေဆေးကာ ခပ်ပါးပါး လှီးထားပါ
- ဒယ်အိုးတစ်လုံးထဲမှာ ဆီကိုအပူပေးပြီး နနွင်းမှုန့်ထည့်ပါ
- ဆီပူလာတာနဲ့ လှီးထားသော ဝက်သားကို ထည့်ကြော်ပေးပါ
- ဝက်သားက အဆီပါတဲ့အတွက် အသားကို မာတယ်ဆိုရုံလေး ကြော်ပေးပြီး ရေမြုပ်အောင်ထည့်ကာ အဖုံးအုပ်ပြီး တည်ပေးပါ
- ဝက်သားထဲက အရည်များ ခမ်းသွားတော့မှ ကြက်သွန်နီကို ထည့်ကြော်ပါ
- ကြက်သွန်နွမ်းတာနဲ့ ပဲသီးများကို ထည့်ကြော်ပါ
- ပဲသီးများ ထည့်ပြီးတာနဲ့ ဆားနှင့် ဟင်းခတ်မှုန့်တို့ကို ထည့်ပြီး မွှေပေးပါ
- ပဲသီးများ အနည်းငယ် နွမ်းလာတာနဲံ့ အရသာမြည်းကာ လိုသလိုပြင်ပြီး ပဲသီးကြော် ချိုစိမ့်စိမ့်လေးကို စားသုံးနိူင်ပါပြီ။
No comments:
Post a Comment