ဒီနေ့တော့ ရုန်းပတေသီးလေးတွေ အိမ်မှာအဆင်သင့် ရှိနေတာနဲ့ ကြက်ဥလေးနဲ့ ကြော်စားဖြစ်တဲ့အတွက် မာမာပြင်ဆင်ပြီး ကြော်ထားတဲ့ နည်းလေးကို မျှဝေပေးလိုက်ပါတယ်ရှင်။
ပါဝင်ပစ္စည်ူများ
- ရုန်းပတေသီး - ၁၅တောင့်ခန့်
- ကြက်ဥ - တစ်လုံး
- ပဲငံပြာရည်အကြည် - ထမင်းစားဇွန်း တစ်ဇွန်း
- အရသာမှုန့် - လက်ဖက်ရည်ဇွန်း တစ်ဝက်
- ကြက်သွန်နီ - အနေတော် တစ်ခြမ်း
- ဆီ - ထမင်းစားဇွန်း သုံးဇွန်း
- နနွင်းမှုန့် - လက်ဖက်ရည်ဇွန်း လေးပုံတစ်ပုံ
- ဆား - အနည်းငယ်
ပြင်ဆင်ချက်ပြုပ်ပုံ
- ရုန်းပတေသီးကို အတောင့်လိုက် ရေဆေးပြီးမှ ထိပ်နှစ်ဖက်ကို ဖြတ်ပြီး ဖယ်ပေးကာ ပုံပါအတိုင်းလေးတွေ လှီးထားပါ
- ကြက်သွန်နီကို အခွံခွာပြီး ရေဆေးကာ ခပ်ပါးပါးလေးတွေ လှီးထားပါ
- ဒယ်အိုးထဲမှာ ဆီနှင့်နနွင်းမှုန့်ထည့်ပြီး အပူပေးပါ
- ဆီပူလာတာနဲ့ ကြက်သွန်နီကို နွမ်းလာအောင် ထည့်ကြော်ပေးပါ
- ကြက်သွန်နီ နွမ်းတာနဲ့ ကြက်ဥကို ထည့်ပြီး မွှေပေးပါ
- ကြက်ဥများ ကျက်သွားတာနဲ့ ရုန်းပတေသီး ဆားနှင့် ပဲငံပြာရည်တို့ကိုထည့်ကာ အရသာ သမအောင် မွှေပေးပါ
- ပြီးတာနဲ့ အိုးအဖုံးအုပ်ကာ နှစ်မိနစ်လောက် တည်ပေးပါ
- အိုးအဖုံးကို ဖွင့်ပြီး အိုးအဖုံးမှာ ကပ်နေတဲ့ အရည်လေးများကို အိုးထဲကို သွန်ချပေးပြီး နောပ်ထပ်တစ်မိနစ်လောက် အိုးအဖုံးအုပ်ပြီး ဆက်တည်ပေးပါ
- ပြီးတာနဲ့ မီးပိတ်ပေးကာ စားလို့ကောင်းလွန်းတဲ့ ရုန်းအတေသီးကြော် ပူပူလေးကို စားသုံးရန် ပြင်ဆင်ပေးနိူင်ပါပြီ။
No comments:
Post a Comment