Sunday, 9 February 2020

ချဉ်ငံစပ် ပြည်ကြီးငါးထောင်း















ပြည်ကြီးငါး အကောင်ခပ်ကြီးကြီးလေးတွေ ဝယ်လာပြီး အစာသွပ်စားမယ်လို့ စိတ်ကူးလိုက်တိုင်း ဟိုဟာလို ဒီဟာလိုနဲ့မို့လို့ အစာမသွပ်ဖြစ်တာက များပါတယ်။

အဲဒီလိုနဲ့ဘဲ စားလို့လဲကောင်းပြီး ခံတွင်းတွေ့စေမဲ့ လွယ်ကူမြန်ဆန်ပြီး စားလို့ကောင်းတဲ့ ချဉ်ငံစပ်လေးဘဲ ထောင်းဖြစ်ပါတော့တယ်။

ပါဝင်ပစ္စည်းများ

  1. ပြည်ကြီးငါး - 400 g
  2. ငရုတ်သီး အခြောက်တောင့် - ၅တောင့်
  3. ထန်းလျှက်ခဲ - ကွမ်းသီးဆံ အလုံးလောက် တစ်ခဲ
  4. အရသာမှုန့် - လက်ဖက်ဇွန်း တစ်ဝက်သာသာ
  5. ဆား - လက်ဖက်ရည်ဇွန်း တစ်ဝက်
  6. ကြက်သွန်ဖြူ-  အမွှာကြီးကြီး ၃မွှာ
  7. ငါးငံပြာရည်အနောက် -ထမင်းစားဇွန်း တစ်ဇွန်း
  8. ငါးငံပြာရည်အကြည် - ထမင်းစားဇွန်း တစ်ဇွန်း 
  9. ဆား - လက်ဖက်ရည်ဇွန်း သုံးပုံတစ်ပုံ (ပြည်ကြီးငါးပြုပ်ရန်
  10. နံနံပင် - မိမိစားနိူင်သလောက်
  11. ပဲတောင့်ရှည် - မိမိနှစ်သက်သလောက်
  12. သံပုရာသီး - တစ်လုံး (အချဉ်ကြိုက်ပါက ပိုထည့်ပါ )
  13. မုန့်ဟင်းခါး မုန့်ဖတ် - စားနိူင်သလောက်


ပြင်ဆင်ပုံ
  • ပဲတောင့်ရှည်ကို ရေစင်အောင် ဆေးထားပါ
  • နံနံပင်ကို ရေစင်အောင် ဆေးထားပါ
  • သံပုရာသီးကို ရေဆေးပြီး တ၀က်စီ ခြမ်းထားပါ
  • ကြက်သွန်ဖြူကို အခွံခွာပြီး ရေဆေးထားပါ
  • ပြည်ကြီးငါးကို မလိုတာတွေဖယ်ပြီး ရေဆေးထားပါ
  • ရေဆေးပြီးတာနဲ့ အိုးတစ်လုံးထဲမှာ ပြည်ကြီးငါး ရေအနည်းငယ်နှင့် ဆားအနည်းငယ်ထဲ့ကာ ရေခမ်းအောင် ပြုပ်ပေးပါ
  • ပြုပ်ထားသော ရေခမ်းတာနဲ့ ရေတစ်ထပ်ဆေးပေးပြီး မိမိနှစ်သက်သလို ပုံစံလေးတွေ လှီးပေးထားပါ 
ထောင်းရန်ပြင်ဆင်ပုံ
  1. ငရုတ်ဆုံ ခပ်ကြီးကြီးထဲမှာ ထန်းလျှက်ခဲ ကြက်သွန်ဖြူ ငရုတ်သီးအခြောက်တောင့်နှင့် ဆားတို့ကိုထည့်ပြီး မညက်တညက် ထည့်ထောင်းပါ
  2. ပြီးတာနဲ့ နံနံပင်နှင့် ပဲသီးတို့ကို ထည့်ထောင်းပေးပါ
  3. အနည်းငယ် သမသွားတာနဲ့ ငံပြာရည်နှစ်မျိုးလုံးနှင့် အရသာမှုန့်တို့ကို ထည့်ထောင်းပေးပါ
  4. ထောင်းနေစဉ် အရသာ သမသွားအောင် ဇွန်းအရိုးရှည်ရှည်နှင့် မွှေမွှေပေးပါ
  5. မိမိအသုံးပြုပြီး ထောင်းသော ကျည်ပွေ့ပေါ် မူတည်ပြီး ကြည့်ထောင်းပါ
  6. ကျောက်ကျည်ပွေ့ဆိုပါက ၅ချက်မှ ၁၀ချက်လောက် ခပ်ဖွဖွလေး ထောင်းပေးပါ 
  7. သစ်သားကျည်ပွေ့ဆိုပါက အချက် ၁၅ချက် လောက် ခပ်ဖွဖွလေး ထောင်းပေးမှ အရသာဝင်ပါတယ်
  8. ထောင်းတယ်ဆိုပေမဲ့ အရမ်းညက်နေအောင် ထောင်းစရာမလိုဘဲ ခပ်ဖွဖွထောင်းလိုက် ဇွန်းနဲ့မွှေလိုက် လုပ်ပေးရပါတယ်
  9. အရေသာ သမလောက်ပြီဆိုတာနဲ့ ပြည်ကြီးငါးနှင့် သံပုရာရည်တို့ကို ထည့်ပြီး ခပ်ဖွဖွလေး ၄ချက်လောက် ထောင်းပေးပါ
  10. ထာင်းနေစဉ် အရသာ မြည်းပေးပြီး မိမိနှစ်သက်တဲ့ အရာ ရတဲ့အထိ ပြင်ပေးပါ
  11. မုန့်ဖတ်နှင့် ပဲသီးတို့ကို ပြင်ထားပါ
  12. ပြီးတာနဲ့ ပြည်ကြီးငါး ပဲသီးထောင်း ချိုချဉ်ငံစပ်လေးကို မုန့်ဖတ် ပဲသီးတို့နှင့် တွဲဖက်ကာ စားသုံးနိူင်ပါပြီ။

No comments:

Post a Comment