Sunday 11 August 2019

ဘူးသီးခဉျြ















ဗီယက်နမ်ဈေးကနေ ဝယ်လာတဲ့ ဘူးသီးလေးတွေကို အမျိုးမျိုး လုပ်စားခဲ့တဲ့ အထဲက ဒီတစ်ခါတော့ ဘူးသီးကို အချဉ်ထည့်ပြီး ချက်စားဖြစ်တာနဲ့ သတ်သတ်လွတ် စားချင်တဲ့ သူတွေအတွက်ရယ် အသားငါးတို့နဲ့ ရောပြီး ချက်စားနိူင်အောင် ဘူးချဉ်တည်ပြီး မာမာပြင်ဆင်တဲ့ နည်းလေးကို မျှဝေလိုက်ပါတယ်။

ဘူးချဉ်တည်တာ ရာသီဥတုပူရင် သုံးရက်လောက်ဆို ကောင်းကောင်းချဉ်ပါတယ် မာမာတို့နေတဲ့ဆီမှာတော့ ဆောင်းတွင်းဘက် နေပူကလဲ မရသလို နေ့စဉ်ရေတွေခဲနေတဲ့အတွက် တပါတ်လောက်ထားမှ ကောင်းကောင်းချဉ်ပါတယ်။

ဘူးချဉ်ရပြီဆိုရင်လဲ ချဉ်တာနဲ့ မိမိနှစ်သက်သလို ချက်စား သုပ်စားနိူင်ပြီး ရက်အကြာကြီးတော့ ထားလို့မရပါဘူး ကြာကြာထားပါက အရမ်းဘဲ ချဉ်သွားတတ်ပါတယ်။

ပါဝင်ပစ္စည်းများ

  1. ဘူးသီးနုနု - 1 kg
  2. ကောက်ညှင်းဆန် - ထမင်းပေါင်းအိုးဆန်ိချင်ဗူး တစ်ဗူးခွဲ
  3. ဆား = ထမင်းစားဇွန်း တစ်ဇွန်းခွဲ
  4. နနွင်းမှုန့် - လက်ဖက်ရည်ဇွန်း တစ်ဝက်
ပြင်ဆင်ပုံ
  1. ကောက်ညှင်းဆန်ကို ရေမြုပ်အောင်ထည့်ပြီး တညသိပ် စိမ်ထားပေးပါ
  2. ဘူးသီးကို အလုံးလိုက် ရေဆေးပါ
  3. ရေဆေးပြီးတာနဲ့  ဘူးသီးကို ထက်ဝက်ခြမ်းပေးပါ
  4. ဘူးသီးအထဲမှ အစေ့များနှင့် အလယ်အူတိုင်များကို ဖယ်ပေးပါ
  5. အလယ်အူတိုင်နှင့် အစေ့အနုများကို ခပ်နူတ်နူတ် စင်းပေးပါ
  6. ဘူးစေ့များ ရင့်နေရင်တော့ မထည့်ဘဲ ဖယ်ပလိုက်ပါ
  7. ဘူးသီးခြမ်းကို စဉ့်နီတုန်းပေါ်တင်ပြီး မိမိမှာရှိသော အဆင်ပြေသည့် ခြစ်တခုခုနှင့် အားစိုက်ပြီး ဖိဖိကေးကာ ခြစ်ပေးပါ
  8. ခြစ်ထားသော ဘူးသီးအသားနှင့် စင်းထားသော အူတိုင်နှင့် အစေ့နုများကို ဇကာသန့်သန့်ထဲထည့်ပြီး ရေစစ်ပေးပါ
  9. အားလုံးအဆင်သင့် ဖြစ်တာနဲ့ ခြစ်ထားသောဘူးသီး စင်းထားသော ဘူးသီးအူတိုင် ဆား နနွင်းမှုန့်နှင့် ကောက်ညှင်းဆန်တို့ကိုထည့်ပြီး အရသာ သမအောင် နယ်ပေးပါ
  10. အရသာ သမသွားတာနဲ့ သန့်စင်ပြီး ရေခြောက်အောင် နေလှမ်းထားသော ဖန်ပုလင်းထဲမှာ ဖိသိပ်ထည့်ပေးပြီး ပုလင်းအဖုံးကို လေလုံအောင် ပိတ်ပေးပါ
  11. ပြီးတာနဲ့ နေပူပူမှာ ၃ရက်လောက် လှန်းပေးပါ
  12. နေလှန်းပြီးတာနဲ့ ဘူးချဉ်မွှေးမွှေးလေး ရပါပြီ
  13. ရလာသော ဘူးချဉ်ကို မိမိနှစ်သက်သလို သတ်သတ်လွတ် ကြော်စားပြီးသော်လည်းကောင်း အသားနှင့်သော်လည်းကောင်း ချက်စားနိူင်ပါပြီ။
  14. ချက်နည်းလေး ထပ်မံပြီး မျှဝေပေးပါအုံးမည်။

No comments:

Post a Comment