ဒီနေ့တော့ အေးရှန်းဆိုင်က မြင်းခွာရွက်လေးတွေ ရလာတာနဲ့ သုပ်စားတာ တမုန်း ဖြစ်သွားခဲ့တယ် ဒါကြောင့်မို့လို့ တစ်မျိုးပြောင်းကာ သတ်သတ်လွတ်လေးတွေ စားလို့ရအောင် မြင်းခွာရွက်ကြော် ကြော်နည်းလေး မျှဝေလိုက်ပါတယ်။
ပါဝင်ပစ္စည်းများ
- မြင်းခွာရွက် - လက်တစ်ဆုတ်စာ တစ်စည်း
- တန်ပူရာမှုန့် - 150 g တစ်ထုတ်
- ရေ - လိုသလောက် သုံးပါ
- ဆား - လက်ဖက်ရည်ဇွန်း တစ်ဝက်
- အချိုမှုန့် - လက်ဖက်ရည်ဇွန်း တစ်ဝက်
- ဆီ - လိုသလောက်
ကြော်ဖို့ပြင်ရန်
- ဇလုံတလုံးထဲမှာ တန်ပူရာမှုန့် ဆား အချိုမှုန့်တို့ကိုရေနည်းနည်းချင်းထည့်ကာ ရောပေးပြီး သမအောင်မွှေပေးကာ ခပ်ပျစ်ပျစ်ဖျော်ပေးပါ
- မုန့်နှစ်ပျစ်နေစေရန် ရေကို နည်းနည်းခြင်း ထည့်ဖျော်ပေးပါ
- ရေကို လိုတိုးပိုးလျှော့ လုပ်ပေးပါ
- မြင်းခွာရွက်ကို ရေစင်အောင်ဆေးပြီး ရေစစ်ကာ အနေတော်အစည်းလေးတွေ စည်းထားပေးပါ
- အရသာ စပ်ထားသော မုန့်နှစ်ထဲမှာ မြင်းခွာရွက်စည်းကို တစ်စည်းခြင်း နှစ်ပေးပါ
- ဒယ်အိုးခပ်ပြန့်ပြန့်ထဲမှာ ဆီထည့်ပြီး အပူပေးပါ
- ဆီပူလာတာနဲ့ မုန့်နှစ်ထဲ နှစ်ထားသော မြင်းခွာရွက်စည်းကို ဆီအိုးထဲ ထည့်ပေးပါ
- အကြော် ကြော်နေစဉ် မီးအရမ်း မများစေရန် သတိပြုပြီး ကြော်ပေးပါ
- တစ်ဖက်ရွှေဝါရောင် သန်းလာပါက တစ်ဖက်ကို လှန်ပေးပါ
- နှစ်ဖက်လုံး ရွှေဝါရောင်သန်းလာပါက ဆယ်ပြီးဆီစစ်ပေးထားပါ
- ဆီစစ်သွားပါက မြင်းခွာရွက်ကြော် ကြွတ်ကြွတ်လေးကို နှစ်သက်ရာ အချဉ်နဲ့ စားလို့ရပါပြီ။
No comments:
Post a Comment