Thursday 17 October 2013

မှို ကန်ဇွန်းရွက်ကြော်


ဒီblog အိမ်လေးကို မာမာပြစ်ထားခဲ့တာ ကြာခဲ့ပြီ သတိရလို့ လာလာကြည့်မိပေမဲ့ ဟင်းလေးတွေတင်ဖို့ ပျက်ကွက်နေမိတယ် ဒီနေ့တော့ သတိအရမ်းရတာရယ်ကြောင့် ဒီနေရာလေးကို ခနလာကြည့်ရင်း မှိုနဲ့ကန်ဇွန်းရွက်ကြော်လေး ပို့ထားခဲ့ပါတယ်။

မှိုနဲ့ကန်ဇွန်းရွက်က ကြော်နည်းလေးသိရင် ကြော်ရတာ လွယ်ပါတယ် ကန်ဇွန်းရွက် အစိမ်းရောင် မပျောက် အောင်ကြော်တဲ့ နည်းလေးကိုလဲ မျှဝေခဲ့ပါတယ်။

ပါဝင်ပစ္စည်းများ
  1. ကြက်သား - 100 g
  2. ကန်စွန်းရိုးနီ - လက်တစ်ဆုတ်စာ တစ်စည်း
  3. ကြယ်သီးမှို - စားနိူင်သလောက်
  4. ကြက်သွန်ဖြူ - အမွှာကြီးကြီး နှစ်မွှာ
  5. အချိုမှုန့် - လက်ဖက်ရည်ဇွန်း တစ်ဇွန်း
  6. ဆား - လက်ဖက်ရည်ဇွန်း သုံးပုံတစ်ပုံ
  7. ဆီ - ထမင်းစားဇွန်း သုံးဇွန်း
  8. နနွင်းမှုန့် - လက်ဖက်ရည်ဇွန်ု သုံးပုံတစ်ပုံ
  9. ငရုတ်ကောင်းမှုန့် - လက်ဖက်ရည်ဇွန်း တစ်ဝက်
ပြင်ဆင်ပုံ
  1. ကန်စွန်းရွက် အပင်ရဲ့ ရင့်နေတဲ့ နေရာများကို ဖယ်ပြစ်ပြီး အနေတော် ပိုင်းဖြတ်ကာ ရေစင်အောင် ဆေးပြီး ရေစစ်ထားပါ
  2. မှိုကို ရေဆေးပြီး သင့်တော်သလို လှီးထားပါ
  3. ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
  4. ဒယ်အိုးကို အပူပေးပြီး ဆီနှင့် နနွင်းမှုန့်ထည့်ပေးပါ
  5. ဆီအငွေ့ တက်လာတာနဲ့ ဆားကိုအရင်ဆုံး ထည့်ကြော်လိုက်ပါ
  6. ပြီးတာနဲ့ ကြက်သားကို ထည့်ကြော်ပေးပါ
  7. ကြက်သား ကျက်သွားတာနဲ့ ကြက်သွန်ဖြူကို နွမ်းရုံလေး ထည့်ကြော်ပြီး မှိုကို ထည့်ကာ တစ်မိနစ်လောက် ကြော်ပေးပါ
  8. ပြီးတာနဲ့ ကန်စွန်းရွက်များ ထည့်ပြီးတာနဲ့ အချိုမှုန့်ထည့်မွှေပါ
  9. နှစ်မိနစ်လောက် ကြော်ပြီးတာနဲ့ ငရုတ်ကောင်းမှုန့် ဖြူးပြီး ပူနေတုန်းလေး ပန်းကန်ထဲ ပြောင်းထည့်ကာ စားသုံးနိူင်ပါပြီ။

2 comments:

  1. စားချင်လိုက်တာ အစ်မရေ.. နေ့တိုင်းတော့ ဝင်ကြည့်ဖြစ်တယ် ..
    စာတွေနဲ့ ပျားတုပ်နေလို့ ဘာမှ မချက်နိုင်ဖြစ်နေတယ် အစ်မရေ ..
    သတိရတယ် .. ^_^

    ReplyDelete
  2. အကြိုက်ဆုံးထဲမှာ သူလဲပါတယ်

    ReplyDelete