ဒီနေ့တော့ မုန့်ညှင်းဖြူ အရွက်လေးတွေနဲ့ ဝက်သားစင်းကောတို့ကို ကြော်ချက် အရည်သောက်ဆမ်း ဟင်းရည်တစ်မယ် ချက်ဖြစ်ပါတယ်။
ဒါကြောင့်မို့လို့ မာမာပြင်ဆင်ပြီး ချက်ထားတဲ့ ချက်နည်းလေးကို မိတ်ဆွေတို ချက်စားနိူင်အောင်အတွက် မျှဝေပေးလိုက်ပါတယ်ရှင်။
ပါဝင်ပစ္စည်းများ
- ဝက်သားစင်းကော - မိမိနှစ်သက်သလောက်
- မုန့်ညှင်းဖြူ - အနေတော် တစ်စိတ်
- ဆား - လက်ဖက်ရည်ဇွန်း တစ်ဝက်သာသာ
- အရသာမှုန့် - လက်ဖက်ရည်ဇွန်း တစ်ဝက်
- ကြက်သွန်ဖြူ - အမွှာကြီးကြီး နှစ်မွှာ
- နနွင်းမှုန့် - အနည်းငယ်
- ငရုတ်ကောင်းမှုန့် - အနည်းငယ်
- ဆီ - ထမင်းစားဇွန်း နှစ်ဇွန်းခန့်
ပြင်ဆင်ချက်ပြုပ်ပုံ
- မုန့်ညှင်းဖြူကို မထူမပါးလေးတွေ လှီးပေးပြီး ရေဆေးကာ ရေစစ်ထားပါ
- ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
- ဟင်းရာမှာ ပါဝင်သော ပစ္စည်းများကို အဆင်သင့် ပြင်ထားပါ
- ဒယ်အိုးထဲမှာ ဆီနှင့်နနွင်းမှုန့်တို့ ထည့်ပေးပြီး အပူပေးပါ
- ဆီပူလာတာနဲ့ ဝက်သားစင်းကောပို ထည့်ကြော်ပေးပါ
- ဝက်သားစင်းကော အသားလေးတွေ မွလာတာနဲ့ ရေမြုပ်အောင် ထည့်ပေးပြီး ရေခမ်းတဲ့အထိ တည်ပေးပါ
- ရေများ ခမ်းသွားတာနဲ့ ဝက်သားများကို ဒယ်အိုးဘေးမှာ ခနတွန်းထားပြီး ကြက်သွန်ဖြူကို နွမ်းတဲ့အထိ ထည့်ကြော်ပေးပါ
- ကြက်သွန်ဖြူများ နွမ်းသွားတာနဲ့ ဝက်သားနှင့် ရောမွှေကာ မိနစ်ဝက်လောက် ကြော်ပေးပါ
- ပြီးတာနဲ့ မုန့်ညှင်းဖြူများကို ထည့်မွှေပေးကာ ဆား အရသာမှုန့်နှင့် ရေအနည်းငယ်တို့ကိုထည့်ကာ တည်ပေးပါ
- မုန့်ညှင်းဖြူများ နွမ်းသွားတော့မှ ရေလိုသလောက်ထည့်ကာ ပွက်ပွက်ဆူအောင် တည်ပေးပါ
- ရေပွက်ပွက် ဆူလာတာနဲ့ အရသာ မြည်းပေးပြီး မိမိစိတ်ကြိုက် အရသာ ရလာအောင် ပြင်ပေးပြီးတာနဲ့ ငရုတ်ကောင်းမှုန့် ခပ်ပေးကာ သုံးဆောင်နိူင်ပါပြီ။
No comments:
Post a Comment