ပါဝင်ပစ္စည်းများ
- ကြက်ရင်ပုံသား - အနေတော် တစ်ခု
- ငရုတ်ပွ အနီရောင် - တစ်ခု
- ငရုတ်ပွ အစိမ်းရောင် - တစ်ခု
- ကြက်သွန်ဖြူ - အမွှာကြီးကြီး သုံးမွှာ
- ဆား - အနည်းငယ်
- ပဲငံပြာရည်အကြည် - အနည်းငယ်
- ပဲငံပြာရည်အနောက် - ထမင်းစားဇွန်း တစ်ဝက်သာသာ
- ခရုဆီ - ထမင်းစားဇွန်း တစ်ဇွန်း
- နှမ်းဆီမွှေး - လက်ဖက်ရည်ဇွန်း တစ်ဝက်သာသာ
- ကော်မှုန့် - ထမင်းစားဇွန်း တစ်ဇွန်း
- ဟင်းချက်ဝိုင် - လက်ဖက်ရည်ဇွန်း တစ်ဇွန်းသာသာ ( မထည့်လဲရ)
- အရသာမှုန့် - လက်ဖက်ရည်ဇွန်း တစ်ဝက်သာသာ
- ငရုတ်ကောင်းမှုန့် - အနည်းငယ်
- ဆီ - ထမင်းစားဇွန်း ၇ဇွန်းခန့်
ပြင်ဆင်ချက်ပြုပ်ပုံ
- ကြက်ရင်ပုံသားကို ရေဆေးပြီး ခပ်ရှည်ရှည် အမြှောင်းလေးတွေ လှီးထားပါ
- လှီးထားသော ကြက်ရင်ပုံသားကို ပဲငံပြာရည်အကြည် ပဲငံပြာရည်အနောက် အရသာမှုန့် ခရုဆီ ငရုတ်ကောင်း နှမ်းဆီမွှေး ဟင်းချက်ဝိုင်နှင့် ကော်မှုန့်တို့ထည့်ကာ အရသာဝင်အောင် နယ်ထားပြီး ၁၅မိနစ်လောက် နှပ်ထားပါ
- ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
- ငရုတ်ပွ နှစ်မျိုးလုံးကို ရေဆေးပြီး အညှာဖက်မှ လှီးထုတ်ပေးပါ
- အြီးတာနဲ့ ထက်ဝက်ခြမ်းပြီး အထဲမှ အူတိုင်နှင့် အစေ့များ ဖယ်ပေးကာ မထူမပါးလေးတွေ ပုံပါအတိုင်း လှီးပေးပါ
- အားလုံးအဆင်သင့် ဖြစ်တာနဲ့ ဒယ်အိုးထဲမှာ ဆီထည့်ပြီး အပူပေးပါ
- ဆီပူလာတာနဲ့ ကြက်သွန်ဖြူကိုထည့်ပြီး အနည်းငယ် နွမ်းတဲ့အထိ ကြော်ပေးပါ
- ကြက်သွန်ဖြူ နွမ်းလာတာနဲ့ အရသာ နယ်ထားသော ကြက်သားကို ထည့်ကြော်ပေးပါ
- ကြက်သားများ မာတင်းလာပြီး အိုးအထဲမှ အရည်များ အရမ်းမခမ်းသေးခင် လှီးထားသော ငရုတ်သီးများကို ထည့်ကြော်ပေးပါ
- ငရုတ်သီးများ အနည်းငယ် နွမ်းရုံလောက်ဘဲ ကြော်ပေးပြီးပါက အရသာ မြည်းပေးပြီး မိမိစိတ်ကြိုက် အရသာ ရလာအောင် ပြင်ပေးပြီးပါက မီးပိတ်ပေးပါ
- ပြီးတာနဲ့ ထမင်းပူပူလေးနဲ့ လိုက်ဖက်လွန်းတဲ့ ကြက်သားငရုတ်ပွကြော်ကို စားသုံးရန် ပြင်ပေးနိူင်ပါပြီ။
No comments:
Post a Comment