Friday, 6 October 2017

ထိုးမုန့် စိမ့်စိမ့်လေး




















ထိုးမုန့်လုပ်နည်းလေး တင်ပေးမယ်ဆိုပြီး ပုံလေးတွေ တင်ထားပြီးကာမှ မာမာ့blog လေးကို စိတ်ထားမကောင်းသူ လူတစုက ဖျက်လိုဖျက်ဆီး လုပ်တာကြောင့် မုန့်လုပ်နည်းလေး တင်ဖို့ကို နှောင့်နှေးခဲ့ရပါတယ်။

ဒီတော့ အမျိုးစုံ ကြိုးခုံရင်း ဘလော့လေး ပြန်ရဖို့ စာတွေပို့ အကျိုးအကြောင်းတွေ တင်ပြနဲ့ ဘလော့လေးကို ပြန်ဝင်လို့ ရသွားပါပြီ။

ဒီနေ့တော့ ဘလော့လေးလဲ အဆင်ပြေသွားပြီမို့ မာမာလုပ်တဲ့ ထိုးမုန့်လုပ်နည်းလေး ဘလော့မှာ ပြန်တင်ချင်တာနဲ့ ပြန်ပြီးတင်ပေးရင်း မျှဝေလိုက်ပါတယ်ရှင်။

ပါဝင်ပစ္စည်းများ

  1. ကောက်ညှင်းမှုန့် - 200 g
  2. သကြားဖြူ  - 50 g (အချိုကြိုက်ပါက ပိုထည့်ပေးပါ)
  3. ရေ - 200 g (ကောက်ညှင်းမှုန့် အရည်ဖျော်ရန်)
  4. ဆီ - 50 g
  5. ထောပတ် - 200 g
  6. ဘိန်းစေ့ - လက်ဖက်ရည်ဇွန်း တစ်ဇွန်း
  7. မြေပဲဆံလှော်ပြီးသား - မိမိနှစ်သက်သလောက်
  8. အုန်းသီးမှုန့် - ထမင်းပေါင်းအိုး ဆန်ချင်ဗူး တစ်ဗူး (မြေပဲနှင့် ရောကြော်ရန်)
  9. အုန်းနို့ အပျစ် - 200 ml
  10. ရေ - 50 ml (အုန်းနို့ကျိုရန်)
  11. ဆား - လက်ဖက်ရည်ဇွန်း တစ်ဇွန်း
  12. သံပုရာရည် - ထမင်းစားဇွန်း တစ်ဇွန်းခွဲ (သကြားအရည်ကျိုရန်)
  13. အုန်းသီးမှုန့် - ထမင်းပေါင်းအိုး ဆန်ချင်ဗူး သုံးဗူး (အကြွတ်ကြော်ရန်)
  14. ဆီ -  ထမင်းပေါင်းအိုး ဆန်ချင်ဗူး တစ်လုံး  (အုန်းသီးမှုန့်ကြော်ရန်)
  15. မကပ်သောအိုး - တစ်လုံး
  16. မွှေလို့ကောင်းသည့် သစ်သားယောင်းမ - တစ်ခု
ပြင်ဆင်ပုံ
  • ဇလုံတစ်လုံးထဲမှာ ကောက်ညှင်းမှုန့် အုန်းနို့နှင့် ရေတို့ကိုထည့်ပြီး အမှုန့်များ ပျော်တဲ့အထိ ဖျော်ပေးထားပါ
  • ဒယ်အိုးတစ်လုံးထဲမှာ ဆီနှင့်ထောပါတ်ကို ရောပြီး ပျော်သွားအောင် မီးဖိုပေါ်တင်ပြီး အပူပေးထားပါ
  • ကျန်သော ပါဝင်ပစ္စည်းများကို အဆင်သင့် ပြင်ထားပါ
  • အိုးတစ်လုံးထဲမှာ ဆီထည့်ပြီး ဆီကိုအပူပေးပါ
  • ဆီပူလာတာနဲ့ မြေပဲဆံနှင့် အုန်းသီးမှုန့်ကို မွှေးသွားအောင် ကြော်ထားပေးပါ
ထိုးမုန့်လုပ်ရန်
  • အရင်ဆုံး အိုးတစ်လုံးထဲမှာ ရေနှင့်သကြားကိုထည့်ပြီး သကြားအရည်ပျော်သွားအောင် ကျိုပေးပါ
  • သကြား အရည်ပျော်လာတာနဲ့  သံပုရာရည်နှင့် ဆားတို့ကိုထည့်ပြီး မွှေပေးပါ
  • သကြားရည် ပွက်ပွက်ဆူလာတာနဲ့ ကောက်ညှင်းမှုန့် အရည်ဖျော်ထားတာကိုထည့်ပြီး သမသွားအောင် မွှေပေးပါ
  • ကောက်ညှင်းသား ခဲပျစ်လာပြီး အရည်ကြည်ကြည်လေး ဖြစ်လာတဲ့ စိတ်ရှည်ရှည်နဲ့ မွှေပေးပါ
  • ကောက်ညှင်းသား အရည်ကြည်ကြည်လေး ဖြစ်လာတာနဲ့ အိုးကိုမီးဖိုပေါ်မှ ခနဖယ်ပေးပြီး ထောပါတ်ဆီကို နည်းနည်းချင်း ထည့်ပေးပါ
  • လက်အားသန်သန်နှင့် ၇မိနစ်လောက်မွှေပေးပြီး မီးဖိုပေါ်ပြန်တင်ကာ နောက်ထပ်အချက် ၅၀သာသာလောက် အဆက်မပြတ်မွှေပေးပါ
  • ပြီးတာနဲ့ မီးပေါ်က ပြန်ချပေးပြီး ထောပါတ်ဆီ ထမင်းစားဇွန်း သုံးဇွန်းလောက် ထပ်ထည့်ပေးပြီး အချက်၅၀လောက် ထပ်မွှေပေးပါ
  • မွှေပြီးတာနဲ့ မီးဖိုပေါ် ပြန်တင်ပေးပြီး အချက်၅၀လောက် ထပ်မွှေပေးပါ
  • ထိုနည်းအတိုင်း ထောပါတ်ဆီ ကုန်တဲ့အထိ မီးဖိုပေါ်တင်လိုက် မွှေပေးလိုက် မီးဖိုဘေး ပြန်ချလိုက် ဆီထည့်လိုက် မွှေပေးလိုက် လုပ်ပေးပါ
  • မုန့်သားကြည်လာတာနဲ့ ဘိန်းစေ့နှင့် မြေပဲအုန်းသီးကြော်တို့ကို ထည့်မွှေပေးပါ
  • မုန့်သားလဲကြည်ပြီး ဘိန်းစေ့နှင့် မြေပဲအုန်းသီးကြော်တို့ သမသွားတာနဲ့ ထောပတ်ဆီများလဲ ပြန်ထွက်လာပါလိမ့်မယ်
  • ထောပါတ်ဆီများ ပြန်ထွက်လာနဲ့ မုန့်ဗန်းတခုထဲ ပြောင်းထည့်ကာ ဆီများပါထည့်ပြီး အအေးခံထားပါ
  • မုန့်သားအေးသွားပြီ ဆိုတာနဲ့ မိမိနှစ်သက်သလို လှီးပေးပါ
  • နှစ်ရက် သုံးရက် ကြာရင်တော့ ကောက်ညှင်းတို့ ထုံးစံအတိုင်း မာသွားတတ်တဲ့အတွက် မိုက်ခရိုဝေ့ထဲမှာ ၃မိနစ်လောက် အပူပေးပြီးမှ စားသုံးပါ။
အုန်းသီးကြော်ပုံ
  • ဆီကို အပူပေးလိုက်ပါ ဆီပူလာတာနဲ့ မီးကိုအနေတော် လျှော့ပေးပြီးမှ အုန်းသီးဖတ်များကို ထည့်ကြော်ပေးပါ
  • ကြော်နေစဉ် အုန်းသီးဖတ်များ မကျွမ်းစေရန် အဆက်မပြတ် မွှေပေးကာ အုန်းသီးဖတ်များ ရွှေဝါရောင် သန်းလာတာနဲ့ ဆယ်ပြီးဆီစစ်ထားပါ
  • ဆီစစ်ပြီး အေးသွားတာနဲ့ အအေးခံထားသော ထိုးမုန့်အပေါ်မှာဖြူးပြီး စားသုံးနိုင်ပါပြီ။

No comments:

Post a comment