ငါးအသားလွှာ ငါးငပိချက်စပ်စပ်လေး

ဒီဟင်းလေးချက်ပြီးစားတိုင်း မာမာ့အမေကို မာမာအရမ်း သတိရမိပါတယ် အမေသိပ်ကြိုက်ပြီး သက်ရှိထင်ရှားရှိနေတုန်းက မကြာမကြာ ချက်စားတတ်တဲ့ ဟင်းလေးပါ။

မာမာ့အမေကတော့ ငါးရံ့ ငါးခူ ငါးကြင်း ငါးမြစ်ချင်းတို့နဲ့ ချက်စားတတ်ပါတယ် မာမာကတော့ အရိုးများလွန်းတဲ့ ငါးသလောက်ကို ရသလောက် အသားလွှာပြီး ချက်ထားပါတယ်။

ပါဝင်ပစ္စည်းများ

1. လက်နှစ်လုံးလောက်အရွယ် တုံးထားသော ငါးအသားလွှာ - ၁၅တုံး
2. ငါးငပိရည်ကျို လက်ဖက်ရည် အကြမ်းပန်းကန် - တစ်လုံး
3. ငရုတ်သီး အကြမ်းမှုန့် - ထမင်းစားဇွန်း နှစ်ဇွန်ုး
4. ငါးငံပြာရည် - ထမင်းစားဇွန်း နှစ်ဇွန်း
5. ဆီ - ထမင်းစားဇွန်း လေးဇွန်း
6. ပါးပါးလှီးထားသော ခရမ်းချဉ်သီး - ခပ်ကြီးကြီး နှစ်လုံး
7. လေးစိတ် စိတ်ထားသော ကြက်သွန်ဖြူ - အမွှာကြီးကြီး ၃မွှာ
8. နုတ်နုတ်စဉ်းထားငော ကြက်သွန်ဖြူ - ၃မွှာ
9. ခပ်ပါးပါးလှီးထားသော ကြက်သွန်နီ - အနေတော် တစ်လုံး
10. နနွင်းမှုန့် - လက်ဖက်ရည်ဇွန်း လေးပုံတစ်ပုံ
11. အရသာမှုန့် - လက်ဖက်ရည်ဇွန်း တစ်ဝက်သာသာ

ပြင်ဆင်ပုံ

• ဆီကိုပူအောင်တည်ပြီး နနွင်းမှုန့်ထည့်ကာနုတ်နုတ်စဉ်းထားသော ကြက်သွန်ဖြူ ပါးပါးလှီးထားသော ကြက်သွန်နီကို ထည့်ကြော်ပေးပါ
• ကြက်သွန်များ နွမ်းတာနဲ့ငရုတ်သီးမှုန့်ကို မွှေးလာအောင် ကြော်လိုက်ပါ
• ငရုတ်သီးမွှေးလာတာနဲ့ခရမ်းချဉ်သီးကို ကျေသွားအောင် ထည့်ချက်ပေးပါ
• ခရမ်းချဉ်သီးကျေသွားနဲ့ငါးကိုထည့်မွှေကာ ငါးအသားမာလာအောင် အိုးကိုမကြာ မကြာလှုပ်ပေးပြီး ၃မိနစ်လောက် ချက်ပေးပါ
• ငါးအသားမာလာမှ ငံပြာရည် ငါးငပိရည် အရသာမှုန့် နှင့်ရေ လက်ဖက်ရည်အကြမ်းပန်းကန်လုံး ၂လုံးလောက်ထည့်ပြီး အိုးအဖုံးအုပ်ကာ တည်ပေးပါ
• ရေဆူလာပြီး ရေကျန်ဆီပြန်လေး ဖြစ်လာချိန်မှာ ငရုတ်သီးတောင့်နှင့်ကြက်သွန်ဖြူကို ထည့်မွှေပြီး ၂မိနစ်လောက် ပွက်ပွက်အောင်ဆူထားပြီး အရသာမြည်းကာ စားသုံးနိုင်ပါပြီ။