မာမာဒီနေ့တော့ အမဲသားပြုပ်ကြော် အတွက် အမဲသားပြုပ်ရင်းနဲ့ အမဲသား နှစ်တုံးဖယ်ထားပြီး အမဲသားသုပ်လေး သုပ်ပါတယ်။
ဒါကြောင့်မို့လို့ အရမ်းစပ်ပြီး စားလို့အရမ်းကောင်းတဲ့အတွက် မာမာပြင်ဆင်ပြီး သုပ်ထားတဲ့ အသုပ်သုပ်နည်းလေးကို မျှဝေပေးလိုက်ပါတယ်ရှင်။
ပါဝင်ပစ္စည်းများ
- အမဲသားပြုပ်ပြီးသား - အနေတော် နှစ်တုံး
- သံပုရာရည် - ထမင်းစားဇွန်း တစ်ဇွန်းခွဲ
- ငါးငံပြာရည် - လက်ဖက်ရည်ဇွန်း တစ်ဇွန်းသာသာ
- အရသာမှုန့် - လက်ဖက်ရည်ဇွန်း တစ်ဝက်
- ငရုတ်သီး အလှော်မှုန့် - မိမိနှစ်သက်သလောက်
- ခရမ်းရောင် ဂေါ်ဖီ -မိမိနှစ်သက်သလောက်
- နံနံပင် - မိိမနှစ်သက်သလောက်
- ကြက်သွန်နီ - အနေတော် တစ်လုံး
- ကြက်သွန်နီ ဆီချက်ဖတ် - ထမင်းစားဇွန်း နှစ်ဇွန်း
အသုပ်သုပ်ရန် ပြင်ဆင်ပုံ
- အမဲသားပြုပ်ပြီးသားကို မထူမပါးလေးတွေ လှီးပေးပြီး အဆင်သင့် ပြင်ထားပါ
- ကြက်သွန်နီကို အခွံခွာပြီး ရေဆေးကာ ခပ်ပါးပါး လှီးထားပါ
- နံနံပင်ကို ရေဆေးပြီး မထူမပါး လှီးထားပါ
- ဂေါ်ဖီ ကို ရေဆေးပြီး ခပ်ပါးပါး လှီးထားပါ
- သံပုရာသီးကို ရေဆေးပြီး အဆင်သင့် ပြင်ထားပါ
- ပါဝင်ပစ္စည်းများကို အဆင်သင့် ပြင်ထားပါ
အသုပ်သုပ်ပုံ
- ဇလုံတစ်လုံးထဲမှာ ဝက်သား ကြက်သွန်နီ ငရုတ်သီး အလှော်မှုန့် ငရုတ်ဆီ နံနံပင်နှင့် ဂေ် ဖီတို့ကို ထည့်ပေးပါ
- ပြီးတာနဲ့ ငါးငံပြာရည်နှင့် အရသာမှုန့်တို့ထည့်ကာ သံပုရာရည်ညှစ်ပြီး နယ်ပေးပါ
- အရသာ သမအောင် နယ်ပြီးတာနဲ့ အရသာ မြည်းပေးကာ မိမိနှစ်သက်တဲ့ အရသာ ရလာအောင် ပြင်ပေးပါ
- အရသာ သမသွားတာနဲ့ အရမ်းစပ်ပြီး စားလို့ကောင်းလွန်းတဲ့ အမဲသားသုပ်ကို စားသုံးရန် ပြင်ပေးနိူင်ပါပြီ။
No comments:
Post a Comment