ဒီနေ့တော့ ရွှေဖရုံညွန့် လေးတွေ ဝယ်လာပြီး သတ်သတ်လွတ် အရန်ဟင်း တစ်မယ်အတွက် ပြင်ဆင်ဖြစ်ခဲ့ပါတယ်။ ဒါကြောင့်မို့လို့ မာမာပြင်ဆင်ပြီး ချက်ထားတဲ့ နည်းလေးကို မျှဝေပေးလိုက်ပါတယ်ရှင်။
ပါဝင်ပစ္စည်းများ
- ရွှေဖရုံညွန့် - ဆယ်ပင်ခန့်
- နနွင်းမှုန့် - အနည်းငယ်
- နှမ်းဆီ - လက်ဖက်ရည်ဇွန်း တစ်ဇွန်း
- ငရုတ်ကောင်းမှုန့် - အနည်းငယ်
- အရသာမှုန့် - လက်ဖက်ရည်ဇွန်း တစ်ဝက်သာသာ
- ရေ - ထမင်းစားဇွန်း ဆယ်ဇွန်း (အရသာစပ်ရန်)
- ကြက်သွန်ဖြူ - အမွှာကြီးကြီး ရှစ်မွှာ
- ကြက်သွန်နီ - အနေတော် တစ်လုံး
- ဆီ - ထမင်းစားဇွန်း နှစ်ဇွန်း
ပြင်ဆင်ချက်ပြုပ်ပုံ
- ရွှေဖရုံညွန့်ကို ရင့်သောနေရာမှ အကြောများ သင်ပေးကာ အနေတော် ပိုင်းဖြတ်ပေးပြီး ရေဆေးကာ ရေစစ်ထားပါ
- ကြက်သွန်ဖြူကို အခွံခွာပြီး ရေဆေးပြီး ဓါးပြားရိုက်ပြီး ခပ်နုတ်နုတ်လေးတွေ လှီးထားပါ
- ကြက်သွန်နီကို အခွံခွာပြီး ရေဆေးကာ ခပ်ပါးပါး လှီးထားပါ
- ဒယ်အိုးထဲမှာ ဆီနှင့် နနွင်းမှုန့်တို့ထည့်ပြီး အပူပေးပါ
- ဆီပူလာတာနဲ့ နုတ်နုတ်စင်းထားသော ကြက်သွန်ဖြူနှင့် ကြက်သွန်ဖြူကို ထည့်မွှေပေးပါ
- ကြက်သွန်များ အနည်းငယ် နူးလာတာနဲ့ ရေစစ်ထားသော ရွှေဖရုံညွန့်များကို ထည့်မွှေပေးပါ
- ပြီးတာနဲ့ နှမ်းဆီနှင့် ငရုတ်ကောင်းမှုန့်တို့ ထည့်မွှေပေးကာ ဟင်းပွဲပြင်ရန် ပန်းကန်ထဲကို ပြောင်းထည့်ပေပြီးပါက ရွှေဖရုံညွန့်ကြော်ချက် ပူပူလေးကို စားသုံးနိူင်ပါပြီ။
No comments:
Post a Comment