မာမာ ဒီနေ့တော့ ကန်စွန်းချဉ်စပ်လး ကြော်ပါတယ် ထမင်းစားလို့ မြိန်တဲ့ အရန်ဟင်း ချက်နည်းလးကို မျှဝေပေးလိုက်ပါတယ်ရှင်။
ပါဝင်ပစ္စည်းများ
- ကန်စွန်းရွက် - ဆယ်ပင်ခန့် ပါသော တစ်စည်း
- ကြက်သွန်ဖြူ - အမွှာကြီးကြီး နှစ်မွှာ
- ငြုပ်သီးစိမ်း - စားနိူင်သလောက်
- ခရမ်းချဉ်သီးဆော့ - ထမင်းစားဇွန်း တစ်ဇွန်း
- ရေ - ထမင်းစားဇွန်း ငါးဇွန်း
- ဗနီကာ - ထမင်းစားဇွန်း တစ်ဝက်
- ပဲငံပြာရည် အကြည် - ထမင်းစားဇွန်း တစ်ဇွန်း
- အရသာမှုန့် - လက်ဖက်ရည်ဇွန်း တစ်ဇွန်း
- ဆီ - ထမင်းစားဇွန်း သုံးဇွန်း
- နနွင်းမှုန့် - လက်ဖက်ရည်ဇွန်း လေးပုံတစ်ပုံ
ပြင်ဆင်ပုံ
- ကန်စွန်းပင်ကို ထက်ဝက်ခြမ်းပြီး အနေတော် ပိုင်းဖြတ်ကာ ရေဆေးပြီး ရေစစ်ထားပါ
- ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
- ငရုတ်သီးစိမ်းကို ရေဆေးပြီး မညက်တညက် ထောင်းထားပါ
- ဇလုံတစ်လုံးထဲမှာ ခရမ်းချဉ်သီးဆော့ ရေ ဗနီကာ ပဲငံပြာရည်အကြည်နှင့် အရသာမှုန့် တို့ကို ရောဖျော်ထားပါ
- ဒယ်အိုးထဲမှာ ဆီနှင့် နနွင်းမှုန့်ထည့်ပြီး အပူပေးပါ
- ဆီ ပူလာတာနဲ့ ကြက်သွန်ဖြူနှင့် ငြုပ်သီးစိမ်းတို့ကိုထည့်ပြီး ကြော်ပေးပါ
- အနည်းငယ်လေး နွမ်းလာတာနဲ့ ကန်စွန်းရွက်များကို ထည့်ကြော်ပေးပါ
- မိနစ်ဝက်လောက် ကြော်ပြီးတာနဲ့ အရသာ စပ်ထားသော ဆော့အရည်ကို လောင်းထည့်ပေးပါ
- ကန်ဇွန်းရွက်များ နွမ်းလာပါက အရသာ မြည်းပေးပြီး မိမိစိတ်ကြိုက် အရသာ ရလာအောင် ပြင်ပေးပါ
- စိတ်ကြိုက် အရသာ ရလာတာနဲ့ ထမင်းပူပူလေးနဲ့ လိုက်ဖက်လွန်းတဲ့ ချဉ်ငံစပ် ကန်စွန်းရွက်ကြော်ပူပူလေးကို စားသုံးရန် ပြင်ပေးနိူင်ပါပြီ။
No comments:
Post a Comment