ကြက်သား အချိုနှပ်

 ဒီနေ့တော့ ထမင်းစားလို့ မြိန်စေမဲ့ ကြက်သား အချိုနှပ်လေး ချက်စားဖြစ်ပါတယ် ထမင်းပူပူလေးနဲ့ လိုက်ဖက်လွန်းတဲ့အတွက် မာမာပြင်ဆင်ပြီး ချက်ထားတဲ့ နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ

1. ကြက်သား - 500 g (ကြက်ပေါင်တွဲရက်အသားကို သုံးပါ)
2. ကြက်သွန်ဖြူ  - အမွှာကြီးကြီး ကိုးမွှာ
3. ကြက်သွန်နီ - အလုံးခပ်သေးသေး ခွန်နှစ်လုံးခန့်
4. ချင်း - ခပ်ပါးပါး နှစ်ပြား
5. ကြက်သွန်နီ - အလုံးကြီးကြီး တစ်လုံး
6. ငရုတ်ကောင်းမှုန့် - လက်ဖက်ရည်ဇွန်း သုံးပုံတစ်ပုံခန့်
7. နနွင်းမှုန့် - လက်ဖက်ရည်ဇွန်း တစ်ဝက်
8. ဆား - လက်ဖက်ရည်ဇွန်း တစ်ဇွန်းခန့်
9. သကြား - ထမင်းစားဇွန်း တစ်ဇွန်းခန့် (ဆီထဲထည့်ကြော်ရန်)
10. သကြား - လက်ဖက်ရည်ဇွန်း တစ်ဇွန်း (ကြက်သားနှင့်နယ်ရန်)
11. အရသာမှုန့် - လက်ဖက်ရည်ဇွန်း တစ်ဝက်
12. ပဲငံပြာရည် အပျစ် - ထမင်းစားဇွန်း နှစ်ဇွန်း
13. ဆီ - ထမင်းစားဇွန်း လေးဇွန်း

ပြင်ဆင်ပုံ

• ကြက်သားကို ရေဆေးပြီး အိုးထဲမှာ ထည့်ထားပါ
• ပြီးတာနဲ့ ကြက်သား နနွင်းမှုန့် ဆား သကြား ငရုတ်ကောင်းမှုန့် အရသာမှုန့်နှင့် ပဲငံပြာရည်ဆို့ ထည့်ပေးကာ အရသာဝင်အောင် နယ်ပေးပါ
• အရသာဝင်အောင် နယ်ပြီးတာနဲ့ ပါဝင်ပစ္စည်းများကို ပြင်ပေးပါ
• ချင်းကိုအခွံခွာပြီး ရေဆေးကာ ခပ်ပါးပါး ရှည်ရှည်လေးတွေ လှီးထားပါ
• ကြက်သွန်ဖြူ နှင့် ကြက်သွန်နီ အလုံးသေးတို့ကို အခွံခွာပြီး အလုံးလိုက် ရေဆေးထားပါ
• ကြက်သွန်နီ အလုံးကြီးကို အခွံခွာပြီး အလုံးလိုက် ရေဆေးကာ အဖတ်လေးတွေ ရလာအောင် လှီးထားပါ
• အားလုံးအဆင်သင့် ရပြီဆိုတာနဲ့ ဟင်းချက်ဖို့ ပြင်ပါမယ်
• အိုးထဲမွာ ဆီထည့်ပြီး အပူပေးပါ
• ဆီပူလာတာနဲ့ မီးကိုအနေတော် လျှော့ပေးပြီး သကြားကို ထည့်ကြော်ပေးပါ
• သကြားထည့်ပြီးတာနဲ့ သကြားပျော်သွားအောင် မွှေပေးပါ
• သကြားကို နီရောင်သန်းသလောက်ဘဲ ကြော်ပေးပါ
• သကြားနီရောင်လေး သန်းလာတာနဲ့ အရသာ နယ်ထားတဲ့ ကြက်သားကို ထည့်ပေးပါ
• ပြီးတာနဲ့ အိုးကို လှုပ်လှုပ်ပေးပြီး ငါးမိနစ်လောက် အိုးမကပ်အောင် လှုပ်ပေးပါ
• ကြက်သားတုံးလေးတွေ ရဲလာပြီ ဆိုတာနဲ့ ကြက်သားတုံးများကို အထက်အောက် သမအောင် မွှေပေးပါ
• ကြက်သားတုံးလေး အရောင်လှလာတာနဲ့ ကြက်သားကို ရေမြုပ်အောင်ထည့်ပြီး အဖုံးအုပ်ကာ တည်ပေးပါ
• ထည့်ထားတဲ့ရေ ခမ်းလာတာနဲ့ ချင်း ကြက်သွန်ဖြူ  ကြက်သွန်နီနှင့် ကြက်သွန်နီ အဖတ်လေးများကို ထည့်ပေးပါ
• ပြီးတာနဲ့ ရေမြုပ်အောင် ထပ်ထည့်ပြီး အသားနူးတဲ့ အထိ မီးအနေတော်နှင့် တည်ပေးပါ
• ရေမခမ်းခင် အရသာ မြည်းပေးပြီး လိုသလို ပြင်ပေးပါ
• ရေမခမ်းခင် အရသာ အနေတော် ရပြီဆိုတာနဲ့  ကြက်သားအချိုနှပ်ဟင်းလေးကို စားသုံးဖို့ ပြင်ပေးနိူင်ပါပြီ။