Tuesday 27 September 2022

ထမင်းပေါင်း

 









ဒီနေ့တော့ အသီးအရွက်လေးတွေနဲ့ ထမင်းပေါင်း ပူပူလေး ချက်စားဖြစ်ပါတယ် အသားဟင်း မလိုဘဲ အသီးအရွက်လေးတွေနဲ့ ပြင်ထားတာမို့ လို့ မာမာပြင်ဆင်ပြီး ချက်ဖြစ်ခဲ့တဲ့ ထမင်းပေါင်း အလွယ်ချက်နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ
  1. Jasmine Rice ဆန် - ထမင်းပေါင်းအိုး ဆန်ချင်ဗူး သုံးဗူး
  2. ရေ - ထမင်းပေါင်းအိုး ဆန်ချင်ဗူး လေးဗူးခွဲ
  3. ပန်းဂေါ်ဖီ - တစ်ခြမ်း
  4.  ဂေါ်ဖီ - တစ်ခြမ်း
  5. မုံလာဥနီ - ခပ်ကြီးကြီး နှစ်ဥ
  6. တရုတ်နံနံ - အနေတော် နှစ်ပင်ခန့်
  7. ကြက်သွန်နီ - အနေတော် တစ်လုံး
  8. ချယ်ရီခရမ်းချဉ်သီး - ခွန်နှစ်လုံး
  9. ကြက်သွန်ဖြူ - အမွှာကြီးကြီး သုံးမွှာ
  10. ဆီ - ထမင်းစားဇွန်း နှစ်ဇွန်းသာသာ
  11. ပဲငံပြာရည်အပျစ် - ထမင်းစားဇွန်း တစ်ဇွန်းခွဲ
  12. နှမ်းဆီ - လက်ဖက်ရည်ဇွန်း တစ်ဝက်

ကော်ရည်ဖျော်ရန်
  • ပြောင်းဖူးမှုန့် - ထမင်းစားဇွန်း နှစ်ဇွန်း
  • ဆား - လက်ဖက်ရည်ဇွန်း တစ်ဇွန်း
  • သကြား - ထမင်းစားဇွန်း တစ်ဇွန်း
  • ရေ. - ဟင်းပြင်ပန်းကန် အကြီးတစ်လုံး မရှိတစ်ရှိတို့ကို အားလုံးရောပြီး ဖျော်ထားပါ
  • ကော်ရည်များများ ကြိုက်ပါက ရေပိုထဲ့ပြီး ဖျော်ပေးပါ
ပြင်ဆင်ပုံ
  • ဆန်ကိုရေ နှစ်ထပ်ဆေးပြီး ရေထည့်ပေးကာ ပေါင်းအိုးခလုတ်နှိပ်ပြီး ကျက်သွားအောင် ချက်ထားပါ
  • ပန်းဂေါ်ဖီကို ရေဆေးပြီး အခက်လေးများ ရအောင် လှီးပေးထားပါ
  • ဂေါ်ဖီကို ရေဆေးပြီး ခပ်ထူထူ လှီးထားပါ
  • မုံလာဥနီကို အခွံခွာပြီး ပန်းပွင့်ပုံစံ လှီးထားပါ
  • တရုတ်နံနံကို ရေဆေးပြီး ခပ်ကြမ်ကြမ်း လှီးထားပါ
  • ကြက်သွန်နီကို အခွံခွာပြီး ရေဆေးကာ လေးစိတ်စိတ်ပြီး အဖတ်လေးများ ရလာအောင် ခွာထားပါ
  • ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
  • ခရမ်းချဉ်သီးကို ရေဆေးပြီး ထက်ခြမ်းခြမ်း ပေးထားပါ
  • အားလုံး အဆင်သင့် ဖြစ်တာနဲ့ အိုးအောက်ချေထူသော အိုးထဲမှာ ဆီထည့်ပြီး အပူပေးပါ 
  • ဆီပူလာတာနဲ့ကြက်သွန်ဖြူကို မွှေးလာတဲ့ထိ ကြော်လိုက်ပါ
  • ကြက်သွန်ဖြူ  အနံ့လေး မွှေးလာတာနဲ့ တရုတ်နံနံမှလွဲပြီး အသီးအရွက်များ အားလုံးကို ထဲ့ကြော်လိုက်ပါ
  • နှစ်မိနစ်လောက် ကြော်ပြီးတာနဲ့ ဖျော်ထားသော ကော်ရည်ကို လောင်းထဲ့ပါ
  • အရသာ မျှတအောင် အားလုံးကို မွှေပေးပြီးတာနဲ့ ပဲငံပြာရည်ထဲ့ကာ မွှေပေးပါ
  • ကော်ရည်ပြစ်လာတာနဲ့ အရသာ မြည်းပေးပါ
  • အရသာမြည်းပြီးတာနဲ့ မိမိနှစ်သက်သလို အရသာ ရလာအောင် ပြင်ပေးပြီး တရုတ်နံနံထဲ့ပြီး မွှေပေးပါ
  • ကော်ရည်များများ ကြိုက်ပါက ရေထပ်ထဲ့ပြီး မွှေပေးနိုင်ပါတယ်အ
  • သီးအရွက်များ နူးလွန်းပါက စားလို့မကောင်းတဲ့အတွက် ချက်ချိန် လေးမိနစ် သာသာလောက်ဘဲ ချက်ပေးပြီး မီးပိတ်ပေးပါ။
ထမင်းပွဲပြင်ဆင်ပုံ
  1. ချက်ပြီးသား ထမင်းကို ပန်းကန်ပြား တစ်ချပ်ထဲမှာ ထည့်ပေးပါ
  2. ပြီးတာနဲ့ ချက်ပြီးကာစ ပူနေသော အသီးအရွက် ကော်ရည်တို့ကို ထမင်းပေါ်သို့ ဇွန်းမှုတ်နှင့်ခပ်ကာ လောင်းချပေးပြီး ပြင်ပေးပါ
  3. ထမင်းပေါင်း ပွဲပြင်ပြီးတာနဲ့မိမိတို့  နှစ်သက်ရာ အချဉ် အစပ်တို့နှင့် တွဲဖက်ပြီး စားသုံးရန် ပြင်ပေးနိုင်ပါပြီ ။

No comments:

Post a Comment