ပါဝင်ပစ္စည်းများ
- ကြက်ပေါင် - ခပ်ကြီးကြီး သုံးခု
- ငါးငံပြာရည် - ထမင်းစားဇွန်း တစ်ဇွန်း
- အရသာမှုန့် - လက်ဖက်ရည်ဇွန်း တစ်ဝက်သာသာ
- ငရုတ်ကောင်းမှုန့် - လက်ဖက်ရည်ဇွန်း သုံးပုံတစ်ပုံ
- ကြက်သွန်ဖြူ - အမွှာကြီးကြီး ဆယ့်ငါးမွှာခန့်
- ဆီ - လိုသလောက် သုံးပေးပါ
ပြင်ဆင်ပုံ
- ကြက်ပေါင်သားကို အတုံးလိုက် ရေဆေးပြီး ရေစစ်ထားပါ
- ရေစသ်သွားတာနဲ့ ကြက်ပေါင်ကို အရှည်လိုက် လှီးချပြီး အရိုးကို ထုတ်ပေးပါ
- အရိုးထုတ်ပြီးတာနဲ့ ပြန့်ပြန့်လေး ဖြန့်လိုက်ပြီး ဓါးပြားနဲ့ သုံးလေးချက်လောက် ထုပေးပါ
- ကြက်သွန်ဖြူကို အခွံခွာပြီး ရေဆေးကာ ငရုတ်ဆုံထဲမှာ မညက်တစ်ညက်လေး ထောင်းထားပါ
- ပါဝင်ပစ္စည်းများကို အဆင်သင့် ပြင်ထားပါ
- ပြီးတာနဲ့ ဇောက်နက်သော အနေတော် အိုးထဲကို ဆီတစ်ဝက်နီးပါးလောက် ထည့်ပြီး အပူပေးပါ
- ဆီပူလာတာနဲ့ မီးကိုအနေတော် လျှော့ပေးပြီးမှ ကြက်သားကို အပြားလိုက် ထည့်ကြော်ပါ
- ကြက်သားထည့်ပြီးတာနဲ့ ငါးငံပြာရည် အရသာမှုန့် နှင့် ငရုတ်ကောင်းမှုန့်တို့ ထည့်ကြော်ပေးပါ
- ကြော်နေစဉ် အကျက်ညီစေရန် အထက်အောက် မကြာမကြာ လှန်ပေးပါ
- ကြက်သားကြော် ကြွတ်လာပြီ ဆိုတာနဲ့ ထောင်းထားသော ကြက်သွန်ဖြူကို ထည့်ကြော်ပေးပါ
- ကြက်သွန်ဖြူ ထည့်ပြီးတာနဲ့ အဆက်မပြတ် မွှေမွှေပေးပါ
- ကြက်သွန်ကြော်မျာ ဝါရောင်ရောင်လေး သန်းလာတာနဲ့ ကြက်သားနှင့် ကြက်သွန်ကြော်များကို ဆယ်ပြီး ဆီစစ်ပေးပါ
- ကြက်သွန်ဖြူကြော်က အကျက်လွန်ပြီး ညိုရောင်သန်းသွားပါက ခါးသွားတတ်တဲ့အတွက် သတိထားပြီး ကြော်ပေးပါ
- ဆီစစ်သွားတာနဲ့ ကြက်သားကြော် မွှေးမွှေးကြွတ်ကြွတ်လေးကို ထမင်းပူပူလေးနဲ့ စားသုံးရန် ပြင်ပေးနိူင်ပါပြီ။
No comments:
Post a Comment