Thursday, 2 July 2015

အသီးအရွက် ၀မ်တုန်ကြော်



ဝမ်တုန်အရွက်ထုတ်

လိုအပ်သောပစ္စည်းများ

ရေစင်အောင်ဆေးပြီး အဆင်သင့် ပြင်ထားပေးပါ

ကြော်ပြီးပါက အအေးခံထားပါ

ဝမ်တုန်ရွက်ကို ထောင့်ချွန်းခင်းပြီး 
အလယ်မှာ အစာကိုပုံပေးပါ

အနားများကို ရေစွတ်ပြီး ခေါက်ပေးပါ

နှစ်သက်သည့် ပုံစံလေးများ ခေါက်ပေးပါ

တခုနှင့်တခု မကပ်စေရန် ခပ်ခွာခွာထားပေးပြီး
 ကြော်ရန်အဆင့်သင့်ဖြစ်သော ၀မ်တုန်ထုတ်များ 
ရပါပြီ။

ဒီနေ့တော့ အသားမစားတဲ့ သမီးအတွက် အသီးအရွက်တွေနဲ့ ၀မ်တုန်ကြော်လေး လုပ်ပေးဖြစ်ပါတယ် အသီးအရွက်လို့ဆိုပေမဲ့ အရသာရှိအောင် ပြင်ဆင်တတ်ရင် စားချင်စဖွယ်ဖြစ်သလို အဟာရလဲ ဖြစ်စေပါတယ် သတ်သတ်လွတ် စားတဲ့သူတွေအတွက် အဆင်ပြေစေမဲ့ ၀မ်တုန်ကြော်လေးမို့ ကြော်စားကြည့်စေချင်ပါတယ်။

ပါဝင်ပစ္စည်းများ

  1. မုံလာဥနီ - ဥကြီးကြီး တစ်ဥ
  2. ကြက်သွန်နီ - အနေတော် တစ်လုံး
  3. ကြက်သွန်ဖြူ - အမွှာကြီးကြီး ၃မွှာ
  4. ချင်း - အနည်းငယ် (ထောင်းပြီးသား လက်ဖက်ရည်ဇွန်း တဇွန်း )
  5. ပဲတောင့်ရှည် - ၈တောင့်ခန့်
  6. ဂေါ်ဖီ - တစ်စိတ်
  7. ကြက်သွန်မိတ် - ၂ပင်
  8. မှို - ၄ပွင့်ခန့်
  9. ငရုတ်သီးစိမ်း - ၂တောင့်
  10. ဆား - လက်ဖက်ရည်ဇွန်း တစ်ဝက်
  11. သကြား - လက်ဖက်ရည်ဇွန်း တစ်ဇွန်း
  12. ပြောင်းကော်မှုန့် - ထမင်းစားဇွန်း တစ်ဇွန်း
  13. ပဲငံပြာရည် - အကြည် ထမင်းစားဇွန်း တဇွန်း
  14. ဆီ - ထမင်းစားဇွန်း ၂ဇွန်း
  15. နှမ်းဆီ - လက်ဖက်ရည်ဇွန်း တစ်ဝက်
  16. ဆီ - ကြော်ရန် လိုသလောက် (ဆီများများနှင့်ကြော်လျှင် ပိုပြီးစားကောင်းပါတယ် )
  17. ၀မ်တုန်အရွက် - ၂၀ရွက်ခန့်

ပြင်ဆင်ပုံ
  • မုံလာဥနီကို ခပ်သေးသေး လှီးထားပါ
  • ကြက်သွန်မိတ်ကို အနေတော် လှီးထားပါ
  • ဂေါ်ဖီကို ခပ်နုတ်နုတ် လှီးထားပါ
  • ကြက်သွန်နီကို ခပ်နုတ်နုတ် လှီးထားပါ
  • မှိုကို ခပ်နုတ်နုတ် လှီးထားပါ
  • ကြက်သွန်ဖြူကို ဓါးပြားရိုက်ပြီး ခပ်နုတ်နုတ် လှီးထားပါ
  • ငရုတ်သီးစိ်းကို ခပ်ပါးပါး လှီးထားပါ
  • ချင်းကို ညက်နေအောင် ထောင်းထားပါ
  • ပဲငံပြာရည် ဆား သကြား ပြောင်းကော်မှုန့် နှမ်းဆီ ဆီတို့ကို ပြင်ထားပေးပါ
  • အသီးအရွက်များ အားလုံးကို ရေဆေးကာ ရေစစ်ပြီးမှ လှီးပေးပါ
ပြုလုပ်ပုံ
  • ပါဝင်ပစ္စည်းများ အဆင်သင့် ဖြစ်ပြီဆိုတာနဲ့ ဆီ ထမင်းစားဇွန်း၂ဇွန်းကို အပူပေးပါ
  • ဆီပူလာတာနဲ့ ကြက်သွန်ဖြူ ကြက်သွန်နီ ချင်းတို့ကို မိနစ်ဝက်လောက် အရင်ထည့်မွှေပါ
  • ပြီးတာနဲ့ မုံလာဥနီ ပဲသီး ဂေါ်ဖီ မှို ငရုတ်သီးစိမ်း ပဲငံပြာရည်အကြည် ဆား သကြား ပြောင်းကော်မှုန့်တို့ကို တခုပြီးတခု ဆက်တိုက် ထည့်ပြီး မွှေပေးပါ
  • ၃မိနစ်လောက် မွှေပြီးတာနဲ့နှမ်းဆီနှင့် ကြက်သွန်မိတ် ထည့်ပြီးမွှေကာ အအေးခံထားပေးပါ
  • ၀မ်တုန်ရွက် အထုတ်ကို အစာများ အအေးခံထားတုန်း ရေခဲသေတ္တာထဲမှ ထုတ်ပြီး ရေခဲပျော်အောင် အခန်းအပူချိန်အတိုင်း ထားပေးပါ
  • အစာများအေးသွားပါက ၀မ်တုန်ရွက်ကို ထောင့်ချွန်းခင်ပြီး အစာထမင်းစားဇွန်း တဇွန်းခန့်ပုံပြီး အနားများကို ရေစွတ်ကာ နှစ်သက်သည့်ပုံစံလေးများ ရအောင်ခေါက်ပေးပါ
  • ခေါက်ပြီးသားများ တခုနှင့်တခု မကပ်စေရန် ခွာထားပေးပါ
  • အားလုံးပြီးပါက ဆီကိုအပူပေးပြီး ဆီအရမ်းပူလာပါက မီးကို အနေတော်လျှော့ပြီးမှ ၀မ်တုန်အထုတ်လေးများကို ထည့်ကြော်ပါ
  • အားလုံး ရွှေဝါရောင်သန်းလာပါက ဆယ်ပြီးဆီစစ်ပေးပါ
  • ဆီစစ်သွားပါက အရသာရှိသော အသီးအရွက် ၀မ်တုန်ကြော်များကို နှစ်သက်ရာ အချဉ်တို့နှင့် တွဲဖက်ပြီး စားနိုင်ပါပြီ

No comments:

Post a comment