မာမာဒီနေ့တော့ အမဲသား စင်းကောလေးနဲ့ ခရမ်းသီး နှပ်ပါတယ် ရာသီဥတု အေးအေးလေးမှာ ငရုတ်သီး ခပ်စပ်စပ်လေးနဲ့မှ လိုက်ဖက်မှာမို့လို့ ငရုတ်သီး အနှစ်များများနဲ့ ချက်ထားတဲ့ ဟင်းချက်နည်းလေးကို မျှဝေလိုက်ပါတယ်။
ပါ၀င်ပစ္စည်းများ
- ခရမ်းသီး - အလုံးကြီးကြီး သုံးလုံး
- ကြက်သွန်ဖြူ - အမွှာ ကြီးကြီး လေးမွှာ
- ကြက်သွန်နီ - ဥကြီးကြီး တစ်လုံး
- အမဲသားစင်းကော - 200 g
- ဆား - လက်ဖက်ရည်ဇွန်း တစ်ဇွန်း
- ငရုတ်သီးအစိမ်းမှုန့် - လက်ဖက်ရည်ဇွန်း နှစ်ဇွန်း
- အရသာမှုန့် - လက်ဖက်ရည်ဇွန်း တစ်ဝက်သာသာ
- နနွင်းမှုန့် - လက်ဖက်ရည်ဇွန်း လေးပုံတစ်ပုံ
- ဆီ - ထမင်းစားဇွန်း လေးဇွန်း
ပြင်ဆင်ပုံ
- အမဲသားကို ရေဆေပြီး ညက်နေအောင် စင်းထားပါ
- ကြက်သွန်ဖြူနှင့် ကြက်သွန်နီတို့ကို အခွံခွာပြီး ရေဆေးကာ ညက်နေအောင် ထောင်းထားပါ
- ကြက်သွန်ဖြူ ကြက်သွန်နီ ငရုတ်သီးမှုန့် ဆား အရသာမှုန့် နနွင်းမှုန့်နှင့် အမဲသားတို့ပို ဇလုံတစ်လုံးမှာ ရောနယ်ထားပေးပါ
- ခရမ်းသီးကို အညှာမဖြုတ်ဘဲ အညှာနားထိ လေးစိတ်စိတ်ပြီး ရေဆယ်မိနစ်လောက် စိမ်ထားပေးပါ
- ပြီးမှရေစစ်ပြီး အားလုံးရောနယ်ထားသော အစာများကို ခရမ်းသီးစိတ်များကြားထဲ သွပ်ပေးပါ
- အစားသွပ်ပြီးသော ခရမ်းသီးများကို ဒယ်အိုးထဲတွင် ရေမြုပ်အောင်ထဲ့ပြီး ဆီထဲ့၍ အဖုံးအုပ်ပြီး တည်ထားပေးပါ
- ရေပွက်ပွက် ဆူလာပြီး အရမ်းမခမ်းခင် အရသာမြည်းပြီး မိမိစိတ်ကြိုက် အရသာ ရလာအောင် ပြင်ပေးပါ
- ရေခမ်းပြီး ခရမ်းသီး နူးအိသွားပါက အမဲသား ခရမ်းသီးနှပ် စပ်စပ်အိအိလေးကို ထမင်းပူပူလေးနှင့် စားသုံးလို့ ရပါပြီ။
No comments:
Post a Comment