တစ်နေ့တစ်နေ့ ဘာစားရမလဲ စဉ်းစားရတိုင်း ခေါင်းအင်မတန် နောက်ရတာက အိမ်ရှင်မတွေပါဘဲ စိတ်ထဲပေါ်လာတာတွေ ထထချက်မိတိုင်းလဲ စားလို့ကောင်းတယ်လို့ ပြောတဲ့အခါတိုင်း ပီတိဖြစ်ရတာလဲ အိမ်ရှင်မတွေပါဘဲ။
ဒီနေ့တော့ မာမာနေတဲ့မြို့လေးမှာ ဆောင်းအငွေ့အသက်လေး မကုန်ခင် မုန့်ညှင်းပင်လေးတွေ လတ်လတ်ဆတ်ဆတ် ရလေတော့ မုန့်ညှင်းပေါင်းလေး ပေါင်းပြီး ထမင်းလွတ် စားကြဖို့ ပြင်မိပါတယ် ဒါကြောင့်မို့လို့ စားလို့ကောင်းပြီး လျှာကိုစွဲနေစေတဲ့ မာမာပြင်ဆင်ထားတဲ့ မုန့်ညှင်းပေါင်းနည်းလေး မျှဝေလိုက်ပါတယ်ရှင်။
ပါဝင်ပစ္စည်းများ
- မုန်ညှင်းပင် - 500 g
- ဆန်မှုန့် - ထမင်းပေါင်းအိုး ဆန်ချင်ဗူး တစ်ဗူး
- ဆား - လက်ဖက်ရည်ဇွန်း ၁ဇွန်း
- အရသာမှုန့် - လက်ဖက်ရည်ဇွန်း တစ်ဇွန်း
- နနွင်းမှုန့် - လက်ဖက်ရည်ဇွန်း တစ်ဝက်
- ခရမ်းချဉ်သီး - ခပ်ကြီးကြီး တစ်လုံး
- မြေပဲလှော် - ထမင်းစားဇွန်း ၃ဇွန်း
- ချင်း - လက်တစ်ဆစ်သာသာ
- ကြက်သွန်ုဖြူ - အမွှာကြီးကြီး ၃မွှာ
- ပဒဲကော - ခပ်ပါးပါး ၃ပြား
- ဆီ - ထမင်းစားဇွန်း ၃ဇွန်း
- ရေ - အနည်းငယ်
- နံနံပင် - မိမိနှစ်သက်သလောက် (မုန့်ညှင်းပေါင်းနှင့်တွဲစားရန် )
- ကြက်သွန်ဖြူဆီချက် - လိုသလောက် (မုန့်ညှင်းပေါင်းနှင့်တွဲစားရန် )
- ငရုတ်သီး အကြမ်းမှုန့် ဆီချက် - လိုသလောက် (မုန့်ညှင်းပေါင်းနှင့်တွဲစားရန်)
- ပေါင်းခံဇကာပါသော ပေါင်းအိုး - တစ်လုံး
- မုန့်ညှင်းထည့်ရန် - ပန်းကန်လုံးတစ်ခု
- မုန်ညှင်းကို ရေစင်အောင်ဆေးပြီး ရေစစ်ထားပါ
- ရေစစ်သွားတာနဲ့ လက်နှစ်ဆစ်ခန့် အနေလေးတွေ လှီးထားပါ
- ဆန်မှုန့်နှင့် ပါဝင်ပစ္စည်းများကို ပြင်ထားပါ
- ကြက်သွန်ဖြူဆီချက်ကို ချက်ထားပါ
- ငရုတ်သီး အကြမ်းမှုန့် ဆီချက်ကို ချက်ထားပါ
- နံနံပင်ကို ရေဆေးပြီး ရေဆေးပြီး ရေစစ်ထားပါ
- ချင်းကိုအခွံခွာပြီး ရေဆေးကာ ညက်နေအောင် ထောင်းထားပါ
- ကြက်သွန်ဖြူကို အခွံခွာပြီး ရေဆေးကာ မညက်တညက် ထောင်းထားပါ
- ခရမ်းချဉ်သီးကို အလုံးလိုက် ရေဆေးကာ မထူမပါး လှီးထားပါ
- ပဒဲကောကို ရေဆေးပြီး အချပ်လိုက် ခပ်ပါးပါး လှီးထားပါ
- မြေပဲလှော်ကို အခွံခြွတ်ပြီး မညက်တညက် ထောင်းထားပါ
- အားလုံးအဆင်သင့် ဖြစ်တာနဲ့ ဇလုံခပ်ကြီးကြီး တစ်လုံးထဲမှာ ပါဝင်ပစ္စည်း အားလုံးကို ထည့်ပေးကာ သမအောင် ရောနယ်ပေးပါ
- အရသာ သမအောင် နယ်ပြီးတာနဲ့ ပန်းကန်တစ်ခုထဲမှာ အရသာနယ်ထားသော မုန့်ညှင်းများကို ထည့်ပေးပါ
- ပေါင်းအိုးအောက်ခံအိုးကို ရေတစ်ဝက်သာသာ ထည့်ပေးကာ ပွက်ပွက်ဆူအောင် တည်ပေးပါ
- ရေပွက်ပွက် ဆူလာတာနဲ့ မုန့်ညှင်းပန်းကန်ကို ပေါင်းအိုးဇကာထဲထည့်ကာ အဖုံးအုပ်ပြီး မုန်ညှင်းများ နူးအိလာတဲ့အထိ ပေါင်ပေးပါ
- ပေါင်းချိန် တစ်နာရီခန့် ပေါင်းပေးပါ
- မုန့်ညှင်းပေါင်းနေစဉ် အောက်ခံအိုးထဲမှာ ရေနည်းသွားပါက သတိထားပြီး ရေထပ်ထပ်ပြီး ဖြည့်ပေးပါ
- အသုံးပြုသော မုန့်ညှင်းနုပါက နာရီဝက်လောက် ပေါင်းပေးပြီး မုန့်ညှင်းပင်ရင့်ပါက တနာရီလောက် ပေါင်းပေးရင် ရပါတယ်
- မုန်ညင်းများ နူးအိလာပါက နံနံပင် ကြက်သွန်ဖြူဆီချက် ငရုတ်သီးဆီချက်တို့နှင့် တွဲဖက်ကာ မိမိနှစ်သက်သလို သုံးဆောင်နိုင်ပါပြီ ။
No comments:
Post a Comment