မာဒီနေ့တော့ ပိန္နဲသီးကို ချဉ်ငံစပ်လေး သုပ်ဖြစ်ပါတယ် ဒါကြောင့်မို့လို့ ထမင်းပူပူလေးနဲ့ လိုက်ဖက်ပြီး စားလို့ကောင်းလွန်းတဲ့ ပိန္နဲသီးသုပ် နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- ပိန္နဲသီးပြုပ်ပြီးသား - အနေတော် လေးစိတ်
- ငါးငံပြာရည် - ထမင်းစားဇွန်း တစ်ဇွန်းသာသာ
- ဆား - အနည်းငယ်
- ကြက်သွန်ဖြူ - အမွှာကြီးကြီး ငါးမွှာ
- ကြက်သွန်နီ - အနေတော် တစ်ခြမ်း
- ငရုတ်သီး အလှော်မှုန့် - စားနိူင်သလောက်
- ငရုတ်သီးစိမ်း - စားနိူင်သလောက်
- နံနံပင် - အနေတော် တစ်ပင်
- သံပုရာသီး - တစ်ခြမ်း (သို့မဟုတ်)
- မန်ကျည်းသီးမှည့်အနှစ် ထမင်းစားဇွန်း တစ်ဇွန်း
- အရသာမှုန့် - လက်ဖက်ရည်ဇွန်း တစ်၀က်သာသာ
- ပဲအကျက်မှုန့် ထမင်းစားဇွန်း တစ်ဇွန်း
- ဆီချက် - ထမင်းစားဇွန်း နှစ်ဇွန်းသာသာ
- ပုဇွန်ခြောက်မှုန့် - ထမင်းစားဇွန်း နှစ်ဇွန်း
ပိန္နဲသီးပြုပ်ရန် ပြင်ဆင်ပုံ
- ပိန္နဲသီးမှ ရင့်နေသော အဖတ်များနှင့် မလိုတာတွေကို ဖယ်ပေးပြီး ရေစင်အောင် ဆေးထားပါ
- ပြီးတာနဲ့ ပိန္နဲသီးကွင်း ကို ဗနီကာ ခပ်များများနှင့် ရေမြုပ်အောင်ထည့်ကာ နာရီဝက်လောက် စိမ်ထားပါ
- ရေစိမ်ပြီးတာနဲ့ ထိုအရည်များ သွန်ပေးကာ အနေတော် အိုးတစ်လုံးထဲမှာ ရေခပ်များများထည့်ပြီး မီးဖိုပေါ်တင်ကာ ပွက်ပွက်ဆူအောင် တည်ပေးပါ
- ရေပွက်ပွက် ဆူလာပြီးတာနဲ့ ပိန္နဲသီးကွင်း များကို နူးတဲ့အထိ ပြုပ်ပေးပါ
- နူးအိနေအောင် ပြုပ်ပြီးပါက ရေနွေးများသွန်ကာ ရေအေးနဲ့ဆေးပြီး ရေများကိုသွန်ကာ ရေစစ်ပေးပါ
သုပ်ရန် ပြင်ဆင်ပုံ
- ပြုပ်ပြီးသား ပိန္နဲသီးများကို ခပ်ပါးပါးလေးတွေ လှီးထားပါ
- နံနံပင်ကို ရေဆေးပြီး မထူမပါး လှီးထားပါ
- ငရုတ်သီးစိမ်းကို ရေဆေးပြီး ခပ်ပါးပါး လှီးထားပါ
- သံပုရာသီးကို ရေဆေးပြီး ထက်ဝက်ခြမ်းထားပါ
- ကြက်သွန်ဖြူကို အခွံခွာပြီး ရေဆေးကာ မညက်တညက် ထုထားပါ
- ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ပါးပါး လှီးထားပါ
- ကျန်သော ပါ၀င်ပစ္စည်းများကို အဆင်သင့် ပြင်ထားပါ
- အားလုံးအဆင်သင့် ဖြစ်တာနဲ့ ဇလုံ ကျယ်ကျယ်ထဲမှာ ပါဝင်ပစ္စည်းအားလုံးကို ထည့်ပေးကာ အရသာ သမမျှတအာင် နယ်ပေးပါ
- ပြီးတာနဲ့ ပိန္နဲသီးများ အရသာ သမသွားပါက အရသာမြည်းပြီး မိမိစိတ်ကြိုက် လိုသလို ပြင်ပေးကာ ချဥ်ငံစပ် ပိန္နဲသီးသုပါ ချဉ်ငံစပ်လေးကို မိမိနှစ်သက်သလို စားသုံးနိူင်ပါပြီ။
No comments:
Post a Comment