 |
ရိုးရိုးလေးသော ဟင်းအမယ်လေးဖြစ်ပေမဲ့ အာလူးရဲ့ အရသာကိုပေါ်စေတဲ့ အာလူးပြုပ်ကြော်ဟင်းလေးပါ
ကြော်စားကြည့်စေချင်ပါတယ် ကလေးတွေ ပိုပြီးနှစ်သက်မဲ့ ဟင်းလေးမို့ပါ ကလေးသဘာဝ အာလူး ကိုကြိုက်ကြတာ များပါတယ် မာမာ့ကလေးတွေရဲ့အကြိုက်မို့ မကြာမကြာချက်ဖြစ်တဲ့ဟင်းကို ချက်နည်းလေး မျှဝေလိုက်ပါတယ်။
ကြော်ရချက်ရတာလွယ်ပါတယ် အရင်ဆုံးအာလူးကို ရေစင်အောင်ဆေး ရေမြုပ်အောင်ထဲ့ပြီး မိနစ်နှစ် ဆယ်လောက်ပြုပ်ပေးပါ ပြီးရင်အအေးခံပြီးအခွံခွာပေးပါ အခွံခွာထားသော အာလူးများကို နှစ်သက်တဲ့ပုံ စံလေးတွေလှီးပေးပြီးဆီပူပူမှာပြန်ကြော်ပေးထားတာပါ။
ပြုပ်ထားသောအာလူးပြန်ကြော်ရန်အတွက်
ပါဝင်ပစ္စည်းများ
- ပြုပ်ပြီးအခွံခွာကာ အနေတော်လှီးထားသော အာလူး - 500 g
- ဆား - လက်ဖက်ရည်ဇွန်း တဝက်
- အရသာမှုန့် - လက်ဖက်ရည်ဇွန်း တဝက်
- ငရုတ်ကောင်းမှုန့် - လက်ဖက်ရည်ဇွန်း တဝက်
- ထောပတ် - ထမင်းစားဇွန်း တဇွန်း
- ဆီ - လက်ဖက်ရည်ပန်းကန်လုံး တလုံးသာသာ
ပြင်ဆင်ပုံ
- အာလူး ဆား ငရုတ်ကောင်းမှုန့် အရသာမှုန့်တို့ကို ဇလုံကျယ်ကျယ်ထဲတွင် သမအောင်မွှေပေးပါ
- ထောပတ်နှင့်ဆီကိုရောပြီး မီးအနေတော်နှင့်အပူပေးပါ ဆီပူလာပါက အရသာနယ်ထားသော အာလူးများကို ထဲ့ကြော်ပေးပါ
- ကြော်နေစဉ် အထက်အောက် အကျက်ညီစေရန် မကြာမကြာမွှေပေးပါ
- အားလုံးရွှေအိုရောင် သန်းလာပါက ဆယ်ပြီးဆီစစ်ပေးထားပါ
- ဆီစစ်သွားလျှင် အာလူးပြုပ်ကြော် မွှေးမွှေးလေးကို သုံးဆောင်နိုင်ပါပြီ။
ဟင်းနည်းလေးတွေ သိရတာ ကျေးဇူးပါ အစ်မရေ ..
ReplyDeleteခုလောလောဆယ် အလုပ်တွေ တအားများနေလို့ facebook ကို ခဏပိတ်ထား ပါတယ်နော် .. ^_^
သက်သတ်လွတ်အတွက် အတော်ပဲ မာမာရေ...
ReplyDeleteဒီကနေ့ မာမာ့ထဲက ဟင်းလျာလေးတွေ လိုက်ဖတ်နေမိတယ်..
စိတ်ဓာတ်အစဉ်ကြည်လင်အေးမြပါစေကွယ်။
မေတ္တာဖြင့်
အန်တီတင့်