ဒါကြောင့်မိုလို့ ဒီတစ်ခါတော့ ပဲကြော်ကို ချဉ်ငံစပ်လေး သုပ်စားဖြစ်တဲ့အတွက် မာမာပြင်ဆင်ပြီး သုပ်ထားတဲ့ နည်းလေးကို မျှဝေပေးလိုက်ပါတယ်ရှင်။
ပါဝင်ပစ္စည်းများ
- ပဲကြော် - ငါးချပ်
- ခရမ်းချဉ်သီး - အနေတော် တစ်လုံး
- ကြက်သွန်နီ - အနေတော် တစ်လုံး
- မန်ကျည်းသီးမှည့်အရည် - ထမင်းစားဇွန်း တစ်ဇွန်း
- ဆား - အနည်းငယ်
- အရသာမှုန့် - လက်ဖက်ရည်ဇွန်း သုံးပုံတစ်ပုံ
- ငါးငံပြာရည် - အနည်းငယ်
- ငရုတ်သီးစိမ်း - အနည်းငယ်
ပြင်ဆင်ပြုလုပ်ပုံ
- ပဲကြော်ကို ခပ်ကြမ်းကြမ်း ချေထားပါ
- ခရမ်းချဉ်သီးကို ရေဆေးပြီး ထက်ခြမ်းခြမ်းကာ မထူမပါးလေးတွေ လှီးထားပါ
- ကြက်သွန်နီကို အခွံခွါပြီး အလုံးလိုက် ရေဆေးကာ ပါးပါးရိတ်ရိတ်လေးတွေ လှီးထားပါ
- မန်ကျည်းမှည့်ရည်ကို အဆင်သင့် ပြင်ထားပါ
- အားလုံးအဆင်သင့် ဖြစ်တာနဲ့ ဇလုံတစ်လုံးထဲမှာ ပါဝင်ပစ္စည်းအားလုံးကိုထည့်ကာ ခပ်ဖွဖွ နယ်ပေးပါ
- အရသာ သမသွားတာနဲ့ အရသာ မြည်းပေးကာ မိမိစိတ်ကြိုက် အရသာ ရလာအောင် ပြင်ပေးပါ
- ပြီးတာနဲ့ ချဉ်ငံစပ် ပဲကြော်သုပ် စိမ့်စိမ့်လေးကို သုံးဆောင်နိူင်ပါပြီ။
No comments:
Post a Comment