ဒါပေမဲ့လဲ အသက်အရွယ်အရ အသားအရည်လေးတွေ လျော့တွဲလာတတ်တဲ့အတွက် အသားအရည် တင်းတင်းရင်းရင်းလေး ဖြစ်ရလေအောင် အမဲရိုးလေးတွေကို ပြုပ်သောက်ရပါတယ် ဒါကြောင့်မို့လို့ မာမာပြင်ဆင်ပြီး အမဲရိုး ပြုပ်ထားတဲ့ ပြုပ်နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- အရိုးအသားပါဝင်သော အမဲရိုး - 1 kg
- မုံလာဥဖြူ - အနေတော် တစ်ဥ
- ချင်း - တစ်လက်မခန့်
- ကြက်သွန်ဖြူ - အမွှာကြီးကြီး ဆယ့်နှစ်မွှာ
- အချိုမှုန့် - လက်ဖက်ရည်ဇွန်း တစ်ဇွန်း
- ဆား - လက်ဖက်ရည်ဇွန်း တစ်ဇွန်းသာသာ
- ငရုတ်ကောင်းမှုန့် - လက်ဖက်ရည်ဇွန်း တစ်၀က်
ပြင်ဆင်ပုံ
- အမဲရိုးကို ရေစင်အောင်ဆေးပြီး အနေတော် အတုံးလေးတွေ ပိုင်းပေးပါ
- ချင်းကိုအခွံခွာပြီး ရေဆေးကာ ခပ်ပါးပါး လှီးထားပါ
- ကြက်သွန်ဖြူကို အခွံခွာကာ ရေဆေးပြီး ဓါးပြားရိုက်ထားပါ
- မုံလာဥကို အခွံခွာပြီး ရေဆေးကာ အနေတော် အတုံးလေးတွေ တုံးထားပါ
- ဇောက်နက်သော အိုးထဲမှာ ရေခပ်များများထည့်ပြီး အမဲရိုးထည့်ကာ ပြုပ်ပေးပါ
- ရေပွက်ပွက် ဆူလာတာနဲ့ သုံးမိနစ်လောက် ပြုပ်ပေးကာ ရေများကို သွန်ပေးပါ
- ပြီးတော့မှ အိုးထဲမှာ ချင်း ဆား အချိုမှုန့် ရေနှင့် မုံလာဥများထည့်ကာ အမဲရိုး နူးတဲ့အထိ ပြုပ်ပေးပါ
- အမဲရိုး ချင်း ဆား နှင့် ရေမြုပ်အောင်ထည့်ကာ ပြုပ်ပေးပါ
- ရေကိုပွက်ပွက် ဆူအောင်တည်ပေးရင်း ရေလိုအပ်ပါက ထပ်ထပ်ထည့်ပေးပါ
- ရေပွက်ပွက် ဆူလာပြီး အပေါ်ယံမှာ အမြှပ်များ တက်လာပါက အပေါ်ယံ အမြှုပ်များ ခပ်ပြီးသွန်သွန်ပေးပါ
- အမဲရိုးအနံ့ ပျောက်လာအောင် နာရီ၀က်လောက် အရင်ပြုပ်ပေးပြီး တက်လာသမျှ အမြုပ်များကို ခပ်ပြီးသွန်ပေးပါ
- အမဲရိုးပြုပ်ရည် အမွှေးနံ့သင်းလာတာနဲ့ ဆား အချိုမှုန့်နှင့် ရေလိုသလောက်ထည့်ကာ ဟင်းရည်ကို ပွက်ပွက်ဆူအောင် တည်ပေးပါ
- ဟင်းရည်အရသာကို မြည်းပြီး မိမိစိတ်ပြိုက် အရသာ ရလာအောင် ပြင်ပေးပြီး ဓါးပြားရိုက်ထားသော ကြက်သွန်ဖြူနှင့် ငရုတ်ကောင်းမှုန့်ထည့်ပေးကာ မီးမျှင်းမျှင်းနှင့် တည်ထားပါ
- ဟင်းရည်သောက်ခါနီး ပူနေပါမှ အရသာရှိပြီး မွှေးရနံ့သင်းပျံ့တဲ့ အမဲရိုး အရသာကို ရမှာ ဖြစ်ပါတယ်။
- ဟင်းရည် အဆင်သင့် ဖြစ်တာနဲ့ မိမိနှစ်သက်တာလေးနဲ့ တွဲဘက်ပြီး သောက်သုံးရန် ပြင်ပေးနိူင်ပါပြီ။
No comments:
Post a Comment