ဒီနေ့တော့ မိုးလေလေးက ခပ်အုံ့အုံ့လေးရယ်မို့လို့ ဘယ်မှလဲ မသွားချင်တာနဲ့ အိမ်မှာရှိတဲ့ ဆန်ပြားခေါက်ဆွဲလေးတွေကိုဘဲ ကြော်စားရင် ကောင်းမလား စဉ်းစားမိပါတယ်။
ဒီတော့လဲ ဆန်ပြားခေါက်ဆွဲလေးကို ကြော်စားဖြစ်သွားပါတယ် စားရတာ အရသာလဲ ကောင်းလွန်းလို့ မာမာ ကြော်တဲ့ကြော် နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ (နှစ်ပွဲစာ)
- ဆန်ပြား ခေါက်ဆွဲဖတ် - 330 g
- အနေတော် ပိုင်းဖြတ်ကာ ရေဆေးထားသော ကန်စွန်းရွက် - အနည်းငယ်
- ရေဆေးပြီး ရေစစ်ထားသော ပဲပင်ပေါက် - အနည်းငယ်
- သံပုရာရည် - ထမင်းစားဇွန်း တစ်ဇွန်းခွဲ
- ငါးငံပြာရည် - ထမင်းစားဇွန်း တစ်ဇွန်းခွဲ
- သကြား - လက်ဖက်ရည်ဇွန်း တစ်ဇွန်းမောက်မောက်
- ကြက်သွန်နီ - အနေတော် တလုံးကို အမြှောင်းလိုက် လှီးထားပါ
- ကြက်သွန်ဖြူ - ၃မွှာကို အခွံခွာပြီး နုတ်နုတ်စဉ်းထားပါ
- ငရုတ်ဆီ - ထမင်းစားဇွန် တစ်ဇွန်းခွဲ
- ဆီ - စားပွဲတင်ဇွန်း တစ်ဇွန်း
- ကြက်ဥ - နှစ်လုံး
- ဂေါ်ဖီ - အနည်းငယ် ခပ်ကြမ်းကြမ်း လှီးထားပါ
- မုံလာဥနီ - အနည်းငယ် အရှည်အမြှောင်းလေးများ ရအောင်လှီးထားပါ
ပြင်ဆင်ချက်ပြုပ်ပုံ
- အောက်ခြေမကပ်သော ဒယ်အိုးကို အပူပေးပြီး ဆီထည့်ပေးပါ
- ဆီပူလာပါက ကြက်ဥကို ဖောက်ထည့်ကာ အနှစ်ကို အသာခွဲပေးပြီး အကာကို မကျက်တကျက်ရအောင် ကြော်ပေးပါ
- ပြီးတာနဲ့ ကြက်သွန်အဖြူနှင့် အနီတို့ကို ထည့်ကြော်ပေးပြီး ဘေးကိုတွန်းထားပါ
- ကြက်သွန်နွမ်းတာနဲ့ ဂေါ်ဖီနှင့်မုံလာဥနီကို မိနစ်၀က်လောက် ကြော်ပေးပြီး ငါးငံပြာရည် သကြား သံပုရာရည် ငရုတ်ဆီ အချဉ်ရည်တို့ ထည့်ကြော်ပေးပါ
- အားလုံးကြော်ပြီးတာနဲ့ ဆန်ပြားခေါက်ဆွဲကို ထည့်မွှေကာ ပဲပင်ပေါက်နှင့် ကန်စွန်းရွက်တို့ကို ထည့်မွှေပေးပြီး အရသာမြည်း၍ လိုသလိုပြင်ကာ စားပွဲပြင်နိုင်ပါပြီ။
No comments:
Post a Comment