မာမာ ဒီနေ့တော့ ကျောက်ဖရုံသီး တစိတ်၀ယ်လာကာ ဟင်းခါးတမယ် ချက်ဖြစ်ပါတယ် ငရုတ်ကောင်းမှုန့် ခပ်များများလေးနဲ့ ချက်တဲ့အတွက် သောက်လို့အရမ်းကောင်းပါတယ်။
ဒါကြောင့်မို့လို့ အရည်သောက်ဆမ်း စားမြိန်ဟင်း တမယ်အတွက် မာမာချက်ထားတဲ့ ချက်နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- ကျောက်ဖရုံသီး - အနေတော်တစိတ်
- ငါးပြုပ်ပြီး အရိုးထွင်ပြီးသား - ထမင်းစားဇွန်း နှစ်ဇွန်းစာ
- ကြက်သွန်ဖြူ - အမွှာကြီးကြီး သုံးမွှာ
- ဆား - လက်ဖက်ရည်ဇွန်း နှစ်ဇွန်း
- အချိုမှုန့် - လက်ဖက်ရည်ဇွန်း တစ်ဇွန်း
- ငရုတ်ကောင်းမှုန့် - အနည်းငယ်
- ရေ - လိုသလောက်
ပြင်ဆင်ပုံ
- ကျောက်ဖရုံသီးကို အခွံခွာပြီး ရေဆေးပေးကာ ခပ်ထူထူ အတုံးလေးတွေ တုံးပေးထားပါ
- ကြက်သွန်ဖြူကို အခွံခွာပြီး ရေဆေးထားပါ
- အားလုံးအဆင်သင့်ဖြစ်ပါက ကြက်သွန်ဖြူနှင့် ငရုတ်ကောင်း တို့ကို ညက်နေအောင် ထောင်းထားပါ
- ဇောက်နက်သော အိုးတစ်လုံးထဲမှာ ငါးပြုပ်ပြီးသားနှင့် ရေတို့ထည့်ကာ တည်ပေးပါ
- ရေဆူလာတာနဲ့ ကျောက်ဖရုံသီး ဆားနှင့်အရသာမှုန့်တို့ ထည့်ပေးပါ
- ကျောက်ဖရုံသီးများ နူးလာပါက အရသာမြည်းကာ မိမိစိတ်ကြိုက် အရသာ ရလာအောင် ပြင်ပေးပါ
- ပြီးတာနဲ့ ကြက်သွန်ထောင်းကို ထည့်မွှေပြီးတာနဲ့ စားသုံးရန် ပြင်ဆင်နိူင်ပါပြီ
- ငါးပိထောင်း ချဉ်ငံစပ်လေးနှင့် လိုက်ဖက်လွန်းသော ကျောက်ဖရုံသီးဟင်းခါး အရည်သောက်ဆမ်းဟင်းကို နှစ်သက်သလို သုံးဆောင် နိူင်ပါပြီ။
No comments:
Post a Comment