တစ်ခါတစ်ရံ ထမင်းစားလို့မမြိန်တော့ဘူးဆိုရင် ဟင်းကိုအပြောင်းအလဲလေး လုပ်ရပါတယ် ဆီပြန်ဟင်းတွေက နေ့တိုင်းစာရရင် အီလည်လည် ဖြစ်တတ်တာ သဘာဝမို့ အရည်သောက်ဆမ်း ချဉ်ရည်ဟင်းလေးဘက် တဖက်လှည့်ပြီး ချက်လိုက်တဲ့အတွက် မာမာချက်တဲ့နည်းလေး မျှဝေလိုက်ပါတယ်။
ချဉ်ရည်ဟင်းအတွက်ပါဝင်တာလေးတွေကတော့
- အခွံခွာ အမြှီးဖြုတ် ကြောမှအမဲချောင်းထုတ်ထားသော - ပုဇွန်ခပ်ကြီးကြီး ၅ကောင်
- အခွံခွာပြီးအနေတော်လှီးထားသောဂေါ်ရခါးသီး - တစ်လုံး
- အခက်ချွေထားသော ပန်းဂေါ်ဖီ - ဟင်းပြင်ပန်းကန်အသေး တစ်လုံးစာ
- အနေတော်လှီးထားသော ပဲတောင့်ရှည် - ၅တောင့်
- အ၀ိုင်းလိုက်လှီးထားသော မျှစ်နုနု - ၃ချောင်း
- ခပ်ပါးပါးလှီးထားသော ခရမ်းချဉ်သီး - ခပ်ကြီးကြီး ၄လုံး
- ဆီ - ထမင်းစားဇွန်း တစ်ဇွန်း
- ငံပြာရည် - ထမင်းစားဇွန်း၂ဇွန်း
- ဆား - လက်ဖက်ရည်ဇွန်း တစ်ဇွန်း
- နနွင်းမှုန့် - အနည်းငယ်
- ငရုတ်သီးအရောင်တင်မှုန့် - လက်ဖက်ရည်ဇွန်း တစ်ဝက်သာသာ
- ညက်နေအောင်ထောင်းထားသော ကြက်သွန်နီ - အနေတော် တစ်ခြမ်း
- ညက်နေအောင်ထောင်းထားသောကြက်သွန်ဖြူ - အမွှာကြီးကြီး၂မွှာ
- ညက်နေအောင်ထောင်းထားသောချင်း - လက်တဆစ်တို့နှင့် အားလုံးကိုရောပြီးဇောက်နက်သော အိုးတစ်လုံးထဲမှာ ရောနယ်ပြီး ရေအနည်းငယ်ထဲ့ပြီး ဟင်းကိုလုံးမိအောင်တည်ပေးပါ
- ရေဆူလာပြီး အသီးအရွက်များနူးလာပါက ရေကို ဟင်းရေသောက်ပန်းကန်လုံး၂လုံးစာလောက် ထဲ့ပြီးတည်ပေးပါ
- ရေဆူလာပါက မကျီးမှည့်အနှစ် လက်ဖက်ရည်ဇွန်းတစ်ဇွန်းထဲ့ပြီး ရေပွက်ပွက်ဆူအောင်တည်ပေးပါ
- ၅မိနစ်ရေလာက်ဆူပြီးပါက အပေါ့အငံမြည်းပြီး သီးရွက်စုံချဉ်ရည်ဟင်းလေးကိုမြိန်ယှက်စွာနဲ့ သုံးဆောင်နိူင်ပါပြီ။
No comments:
Post a Comment