ပါဝင်ပစ္စည်းများ
****************
(1) ပဲပြားအပျော့ - တဗူး
(2) မှိုဆီကြော် - ထမင်းစားဇွန်း နှစ်ဇွန်း
(3 ) ပဲငပိအနှစ် - ထမင်းစားဇွန်း နှစ်ဇွန်း
(4) ဆီ - ထမင်းစားဇွန်း ငါးဇွန်းသာသာ
(5)နနွင်းမှုန့် - လက်ဖက်ရည်ဇွန်း လေးပုံတစ်ပုံ
(6) ကြက်သွန်ဖြူ - အမွှာကြီးကြီး ငါးမွှာ
(7) ကြက်သွန်နီ - အနေတော် တလုံး
(8)အရသာမှုန့် - လက်ဖက်ရည်ဇွန်း တဝက်
(9)ဆား - အနည်းငယ်
ပြင်ဆင်ချက်ပြုပ်နည်း
**********************
- ပဲပြားကို ဗူးထဲမှထုတ်ပြီး ရေတထပ်ဆေးကာ ခပ်သေးသေး အတုံးလေးတွေ တုံးထားပါ။
- ကြက်သွန်ဖြူနှင့်ကြက်သွန်နီကို အခွံခွာပြီး ရေဆေးကာ သေးသေးနုတ်နုတ်လေးတွေ လှီးထားပါ။
- ပါဝင်ပစ္စည်းများကို အဆင်သင့်ပြင်ထားပါ။
- ဒယ်အိုးထဲမှာ ဆီနှင့်နနွင်းမှုန့်ကိုထည့်ပြီး အပူပေးပါ။
- ဆီပူလာတာနဲ့ လှီးထားသော ကြက်သွန်များကို ထည့်ကြော်ပေးပါ။
- ကြက်သွန်များ ကြော်နေစဉ် တူးမသွားစေရန် မွှေမွှေပေးပါ။
- ကြက်သွန်များ နွမ်းလာတာနဲ့ မှိုဆီကြော်နှင့် ပဲငပိအနှစ်ကို ထည့်မွှေပေးပါ။
- တမိနစ်လောက် ရတာနဲ့ ပဲပြား ဆားနှင့် အရသာမှုန့်တို့ကို ထည့်မွှေပေးပါ။
- မှိုဆီကြော်နဲ့ ပဲငပိ အနှစ်တို့မှာ အငံပါပြီးသား ဖြစ်တဲ့အတွက် ဆားကို ချင့်ချိန်ပြီး ထည့်ပေးပါ။
- အကြာကြီး ကြော်စရာ မလိုဘဲ နှစ်မိနစ်လောက် ကြော်ပေးပါ
- ပြီးတာနဲ့ အရသာမြည်းပြီး မိမိစိတ်ကြိုက် အရသာ ရလာအောင် ပြင်ပေးပြီးပါ
- အရသာ ပြင်ပြီးတာနဲ့ မီးပိတ်ပေးပြီး စားသုံးရန်အတွက် ပြင်ဆင်ပေးလို့ ရပါပြီ။
No comments:
Post a Comment