Friday 13 February 2015

ငါးကင် မွှေးမွှေးလေး






ဒီနေ့ကင်ဖြစ်တဲ့ ငါးကင်လေးပါ ငါးကင်အရသာ အတိုင်းရအောင် grill pan လေးနဲ့ ကင်ထားတာမို့ကင်ရတာလဲ လွယ်လဲလွယ် မြန်လဲမြန်ပါတယ်။

ဒီနိုင်ငံမှာ မာမာတို့စားတတ်တဲ့ ဘာဆာငါး တမျိုးနဲ့ကင်ပါမယ်  ငါးအရသာနဲ့ အနံ့အတွက် လိုအပ်တာလေးတွေ နယ်ထားတာမို့ ကင်ပြီးတဲ့ အခါမှာ တော်တော်လေး စားလို့ကောင်းတာမို့မာမာပြင်ဆင်တဲ့ နည်းလေးကို မျှဝေလိုက်ပါတယ်ရှင်။

ပါဝင်ပစ္စည်းများ

  1. ဘာဆာငါးပြား ကြီးကြီး - တပြား
  2. အရသာမှုန့် ( ကြက်သားမှုန့်) လက်ဖက်ရည်ဇွန်း - တစ်ဇွန်းမရှိတရှိ
  3. ငရုတ်ကောင်းမှုန့် လက်ဖက်ရည်ဇွန်း - တစ်ဝက်မရှိတစ်ရှိ
  4. သံပုရာရည် လက်ဖက်ရည်ဇွန်း - တစ်ဇွန်းသာသာ
  5. ဆီ - အနည်းငယ်
  6. ငါးပြားကို ဆား ကြက်သားမှုန့် သံပုရည်နှင့် ငရုတ်ကောင်းမှုန့်တို့ကို ရောနယ်ပြီး ၁၀မိနစ်လောက် နှပ်ထားပေးပါ။

ပြင်ဆင်ပုံ
  • ပထမဦးဆုံ gray pan ကို ပူလာအောင် မီးအပူပေးပါ
  • Grill pan ပူလာတာနဲ့ဆီထမင်းစားဇွန်း နှစ်ဇွန်းခန့်ကိုထည့်ပြီး အိုးကို နှံ့အောင် သုတ်ပေးပါ
  • ဆီသုတ်ပြီး ဆီပူလာတာနဲ့ မီးကိုနဲနဲ လျော့ပေးပြီးမှ ငါးကိုထည့်ပြီး ကင်ပေးပါ
  • တဖက်ကို ၃မိနစ်လောက် ကင်ပေးရင် ရပါတယ်
  • တဖက်ကျက်တာနဲ့နောက်တဖက်ကို မလှန်ခင် ငါးကိုဆီအနည်းငယ် သုတ်ပေးပြီးမှ လှန်ပေးပါ
  • နှစ်ဖက်လုံး ကျက်သွားပြီဆိုတာနဲ့မိမိနှစ်သက်သလို စားသုံးနိူင်ရန် စားပွဲပြင်ပေးနိူင်ပါပြီ။

No comments:

Post a Comment