Wednesday 22 October 2014

(Black Fungus) ကော်ပြန့်ကြော်


သတ်သတ်လွတ် ကြွက်နားရွက်မှို ကော်ပြန့်လိပ်ကြော်လေး ကြော်စားဖြစ်ပါတယ် အသားဆို ညင်းတတ်တဲ့ သမီးငယ်လေးက အသားမပါရင်တော့ မြိန်ရည်ယှက်ရည် စားသုံးတတ်ပါတယ်။

ဒါကြောင့်မို့လဲ တနေ့တမျိုးမရိုးရအောင်လို့ သူ့အတွက် မာမာ စိတ်ကူးပြီး ကြော်ပေးထားတဲ့ ကော်ပြန့်ကြော်လေးမို့ မြည်းစမ်းဖို့အတွက် ကြော်ကြည့်စေချင်ပါတယ်။

ပါ၀င်ပစ္စည်းများ

ကော်ပြန့်ရွက် - ၁၂ရွက်
ဓါးပြားရိုက်ထားသော ကြက်သွန်ဖြူ - ၃မွှာ
ခပ်သေးသေး နုတ်နုတ်လှီးထားသော ကြက်သွန်နီ - တရုတ်ဟင်းပြင်ပန်းကန် တစ်လုံးစာ
အနေတော်လှီးထားသော တရုတ်မုန့်ညှင်း - တရုတ်ဟင်းပြင်ပန်းကန် တစ်လုံးမောက်မောက်
လက်တစ်ဆစ်ခန့်လှီးထားသော ကြက်သွန်မ်ိတ် - တရုတ်ဟင်းပြင်ပန်းကန် တစ်လုံးမောက်မောက်
ခပ်ကြမ်းကြမ်းလှီးထားသော ဂေါ်ဖီ - တရုတ်ဟင်းပြင်ပန်းကန် တစ်လုံးမောက်မောက်
တစ်လက်မသာသာ ရှည်ရှည်အမြှောင်းလေးတွေလှီးထားသော မုံလာဥနီ - တရုတ်ဟင်းပြင်ပန်းကန် တစ်လုံးစာ
ရေစိမ်ပြီး အနေတော် လှီးထားသောBlack Fungus - တရုတ်ဟင်းပြင်ပန်းကန် တစလုံးမောက်မောက်
ခပ်ကြမ်းကြမ်း လှီးထားသော တရုတ်နံနံ - လက်ဖက်ရည်အကြမ်းပန်းကန် တစ်လုံးမောက်မောက်
ဆား - လက်ဖက်ရည်ဇွန်း တစ်ဇွန်းသာသာ
အရသာမှုန့်. - လက်ဖက်ရည်ဇွန်း တစ်၀က်သာသာ
ပဲငံပြာရည်အပြစ် - ထမင်းစားဇွန်း တစ်ဇွန်းခွဲ
ငရုတ်ကောင်းမှုန့် - လက်ဖက်ရည်ဇွန်း တစ်၀က်
နှမ်းဆီ - လက်ဖက်ရည်ဇွန်း လေးပုံ တစ်ပုံ
ဆီ - လက်ဖက်ရည် အကြမ်းပန်းကန် တစ်၀က်

အစာအတွက်ကြော်ပါမယ်
ဆီကိုအပူပေးပြီး ကြက်သွန်ဖြူကို အရင်မွှေးလာအောင်ကြော်ပေးပါ
ပြီးတာနဲ့ကြက်သွန်နီကိုနဲနဲနွမ်းအောင်ကြော်ပေးပါ
ကြက်သွန်နီနွမ်းလာတာနဲ့ black fungus ကို တစ်မိနစ်လောက်ထဲ့ကြော်ပါ
လှီးထားသော အရွက်များထဲမှတရုတ်နံနံနှင့်ကြက်သွန်မိတ်ကိုချန်ထားပြီး ဆား အရသာမှုန့် တို့ထဲ့ပြီး အရွက်များနွမ်းအောင်ကြော်ပေးပါ
အားလုံးနွမ်းလာတာနဲ့ တရုတ်နံနံ ကြက်သွန်မိတ် ပဲငံပြာရည် ငရုတ်ကောင်းမှုန့် နှမ်းဆီတို့ထဲ့မွှေပြီး တမိနစ်လောက် ကြော်ပြီးတာနဲ့မီးပိတ်ပေးပါ။

ကော်ပြန့်လိပ်ရန်အတွက်ပြင်ပါမယ်
ကြော်ထားသော အစာကို အအေးခံပြီး အရည်များ စစ်ထားပေးပါ
ကော်ပြန့်ရွက်ကို ထောင့်ချွန်းခင်းပြီး အောက်နားမှာ အစာကို ထမင်းစားဇွန်း နှစ်ဇွန်းလောက်ပုံပေးပါ
အစာအောက်ဖက်မှ အစကို စပြီးလိပ်ပေးကာ ဘေး၂ဖက်ကိုပါ ခေါက်ပေးပြီး ဆက်လိပ်ပေးပါ
လိပ်လာသော အစဆုံးကာနီးပါက ဂျုံမှုန့်ဖျော်ထားသော အရည်နှင့် အနားစကိုကပ်ပြီး ဆက်လိပ်ပေးပါ
ကော်ပြန့်လိပ်များ လိပ်လို့ပြီးပါက ဆီလက်ဖက်ရည်ပန်းကန်လုံး တစ်လုံးခွဲကို ဒယ်အိုးထဲထည့်ပြီး မီးအပူပေးပါ
ဆီပူလာပါက မီးကို အလယ်လောက်ထိ လျော့ချပြီးမှ ကော်ပြန့်လိပ်ကို တလိပ်ခြင်း ထဲ့ကြော်ပေးပါ
ကော်ပြန့်လိတ် တလိတ်လံ ေးရွှေဝါရောင် သန်းလာပါက ဆယ်ပြီး ဆီစ်ပေးပါ။
ကော်ပြန့်လိပ်နှင့်စားရန် အချဉ်စပ်ပါမယ်
Tomato sauce ထမင်းစားဇွန်း တစ်ဇွန်း
Chili sauce ထမင်းစားဇွန်း တစ်ဇွန်း
ဆား လက်ဖက်ရည်ဇွန်း တစ်၀က်
သကြား လက်ဖက်ရည်ဇွန်း တစ်ဇွန်းသာသာ
ရေနွေးနွေးရုံလေး ထမင်းစားဇွန်း သုံးဇွန်း တို့ကိုရောမွှေပေးပါ

2 comments:

  1. မာမာေရ အဲလုိေလးေတာ႔မစားဖူးေသးပါဘူး နည္းသစ္ေလးတမ်ဳိးရလုိ႔ေက်းဇူးပါ.....ေၾကာ္ျဖစ္ေအာင္ေၾကာ္စားရမယ္

    ReplyDelete
  2. သက္သတ္လြတ္အတြက္ ေနာက္ထပ္တစ္မယ္ရသြားၿပီ မာမာေရ .... ေက်းဇူးပါေနာ္ ♥♥♥

    ReplyDelete