ထမင်းစားရတာ ခံတွင်းပျက်သလို ဖြစ်နေတော့ စိတ်ကူးထဲ ပေါ်လာတာလးကို သုပ်စားမိပေမဲ့ စားလို့ကောင်းလွန်းလို့ မာမာပြင်ဆင်ပြီး သုပ်စားတဲ့ နည်းလေးကို မျှဝေ ပေးလိုက်ပါတယ်ရှင်။
ပါဝင်ပစ္စည်းများ
- မီးကင်ပြီးသား အာဗြဲခြောက် - အကောင်ကြီးကြီး ဆယ်ကောင်
- မုံလာဥနီ - ခပ်ကြီးကြီး တစ်ဥ
- ကြက်သွန်နီ - အနေတော် တစ်လုံး
- နံနံပင် - အပင်ကြီးကြီး နှစ်ပင်
- အရသာမှုန့် - လက်ဖက်ရည်ဇွန်း သုံးပုံတစ်ပုံ
- ဆား - အနည်းငယ်
- ငရုတ်သီး အလှော်မှုန့် - ထမင်းစားဇွန်း တစ်ဝက်
- သံပုရာရည် - ထမင်းစားဇွန်း တစ်ဇွန်းစာ
ပြင်ဆင်ပြုလုပ်ပုံ
- ဇလုံတလုံးထဲမှာ မီးကင်ပြီးသား အာဗြဲခြောက်များကို ဖဲ့ပြီး ထည့်ထားပါ
- မုံလာဥနီကို အခွံခွာရေဆေးပြီး ခြစ်တံနှင့် ခြစ်ထားပါ
- ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ပါးပါး လှီးထားပါ
- နံနံပင်ကို ရေဆေးကာ မထူမပါးလေး လှီးထားပါ
- အားလုံးအဆင်သင့် ဖြစ်တာနဲ့ ပါဝင်ပစ္စည်း အားလုံးကို ဇလုံတလုံးထဲမှာ ထည့်ပြီး အရသာ သမအောင် နယ်ပေးပါ
- အရသာ သမသွားတာနဲ့ အရသာ မည်းပေးကာ မိမိစိတ်ကြိုက် အရသာ ပြင်ပေးပါ
- အရသာ ပြင်ပြီးတာနဲ့ ချဉ်ငံစပ် အာဗြဲခြောက် မီးကင်သုပ်လး ရပါပြီ။
No comments:
Post a Comment