ဒီနေ့တော့ စိတ်ထဲမှာ စားချင်စိတ် ပေါ််လာတာနဲ့ ကြက်သား ပဲရည်သုပ်လေး သုပ်စားဖြစ်ပါတယ် မိသားစု အားလပ်ရက်လေးမှာ သုပ်စားနိုင်အောင် မာမာပြင်ဆင်ပြီး ချက်ထားတဲ့ နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- ကြက်သား - 500 g
- ပဲအစိမ်းမှုန့် - ထမင်းပေါင်းအိုး ဆန်ချင်ဗူး တစ်ဗူး
- ကြက်သွန်နီ - အလုံးကြီးကြီး တစ်လုံး
- ကြက်သွန်ဖြူ - အမွှာကြီးကြီး သုံးမွှာ
- ချင်း - ခပ်ပါးပါး သုံးပြား
- ငရုတ်သီး အရောင်တင်မှုန့် - လက်ဖက်ရည်ဇွန်း တစ်ဇွန်း (ဆီသတ်ရန်)
- အာလူး - ခပ်ကြီးကြီး နှစ်လုံး
- ငါးငံပြာရည် - ထမင်းစားဇွန်း နှစ်ဇွန်း
- ဆား - လိုသလောက် သုံးပေးပါ
- မဆလာ - လက်ဖက်ရည်ဇွန်း တစ်ဇွန်း
- နနွင်းမှုန့် - လိုသလေုာက် သုံးပေးပါ
- အရသာမှုန့် - လိုသလောက် သုံးပေးပါ
- ဆီ - ထမင်းစားဇွန်း လေးဇွန်း
- ဂေါ်ဖီ - အနေတော် တစ်ခြမ်း
- ငရုတ်သီးစိမ်း - နှစ်သက်သလောက်
- ငရုတ်သီး အကျက်မှုန့် - လိုသလောက် သုံးပေးပါ
- သံပုရာသီး - နှစ်လုံး
- ပူစီနံ - မိမိနှစ်သလောက်
- နံနံပင် - နှစ်သက်သလောက်
- ပျဥ်းသိမ်းရွက် - အနေတော် နှစ်ခက်
- ရေ - လိုသလောက် သုံးပေးပါ
ကြက်သားပြုပ်ရန်
- ကြက်သားကို ရေစင်အောင် ဆေးကာ နနွင်းမှုန့် လက်ဖက်ရည်ဇွန်း သုံးပုံတစ်ပုံ ဆား လက်ဖက်ရည်ဇွန်း တစ်ဝက် အရသာမှုန့် လက်ဖက်ရည်ဇွန်း တစ်ဝက်တို့နဲ့ နယ်ထားပါ
- အိုးတစ်လုံးထဲမှာ ရေ တရုတ်ဟင်းပြင်ပန်းကန် သုံးလုံးစာနှင့် နနွင်းမှုန့် လက်ဖက်ရည်ဇွန်း သုံးပုံတစ်ပုံထည့်ပြီး ပွက်ပွက်ဆူအောင် တည်ပေပါ
- ရေဆူလာတာနဲ့ အရသာ နယ်ထားသော ကြက်သားကိုထည့်ကာ မိနစ်သုံးဆယ်လောက် ပြုပ်ပေးပါ
- ကြက်သားများ ကျက်တာနဲ့ ဆယ်ပြီးရေစစ်ထားပါ
- ကြက်ပြုပ်ရည်ကိုတော့ ပဲမှုန့်ကျိူရမှာ ပြန်သုံးမှာ ဖြစ်တဲ့အ့အက် အအေးခံထားပါ။
ပဲဟင်းရည်အတွက် ပါ၀င်ပစ္စည်းမျာ
- ကုလားပဲ အစိမ်းမှုန့် - ထမင်းပေါင်းအိုး ဆန်ချင်ဗူး တစ်ဗူးခွဲ
- ဆီ - ထမင်းစားဇွန်း လေးဇွန်း (ပဲရည်အိုးထဲထည့်ဖို့ ဆီသတ်ရန်)
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ (ဆီသတ်ရန်)
- ကြက်သွန်နီ - အနေတော် တစ်လုံး
- ကြက်သွန်ဖြူ - အမွှာကြီးကြီး သုံးမွှာ
- ငရုတ်သီး အရောင်တင်မှုန့် - လက်ဖက်ရည်ဇွန်း တစ်ဇွန်း
- ဆား - လက်ဖက်ရည်ဇွန်း တစ်ဇွန်းသာသာ
- အရသာမှုန့် - လက်ဖက်ရည်ဇွန်း တစ်ဇွန်း
- ရေ - တရုတ်ဟင်းပြင်ပန်းကန် နှစ်လုံးသာသာ
ပဲဟင်းရည်ချက်ရန် ပြင်ဆင်ပုံ
- ဇလုံတစ်လုံးထဲမှာ ကုလားပဲ အစိမ်းမှုန့်ကို ရေ ထမင်းပေါင်းအိုးဆန်ချင်ဗူး နှစ်ဗူးသာသာထည့်ပြီး ပဲမှုန့်များ ကျေသွားအောင် ချေထားပေးပါ
- ချင်း ကြက်သွန်ဖြူ နှင့် ကြက်သွန်နီတို့ကို အခွံခွာပြီး ရေဆေးကာ ငရုတ်သီး အရောင်တင်မှုန့်နှင့် ညက်နေအောင် ရောပြီးထောင်းထားပါ
- ပျဥ်းတော်သိမ်းရွက်ကို ရေဆေးထားပါ
- ဆား ရေ ဆီ နနွင်းမှုန့်နှင့် အရသာမှုန့်တို့ကို ပြင်ထားပါ
- အားလုံးအဆင်သင့် ဖြစ်တာနဲ့ ဒယ်အိုးထဲမှာ ဆီနှင့် နနွင်းမှုန့်တို့ ထည့်ပေးပြီး အပူပေးပါ
- ဆီပူလာတာနဲ့ ငရုတ်သီးထောင်းနှင့် ပျဥ်းတော်သိမ်းရွက်ကို ထဲ့ကြော်ပြီး ဆီသတ်ပေးပါ
- ဆီသတ်နံ့လေး မွှေးလာတာနဲ့ မီးပိတ်ပေးပြီး မီးဖိုပေါ်က ဖယ်ပေးထားပါ
- ဇောက်နက်သော အိုးထဲမှာ အရည်ဖျော်ထားသော ပဲအရည်များကို ထည့်ပေးပြီး မီးဖိုပေါ် တင်ပေးပါ
- ပဲအရည်များ အိုးမကပ်စေရန် အဆက်မပြတ် မွှေပေးပါ
- ပဲရည်များ ပြစ်လာပြီး ပဲစိမ်းနံ့ ပျောက်လာပါက အအေးခံထားသော ကြက်ပြုပ်ရည်ကို နဲနဲချင်း ထည့်မွှေပေးပါ
- ပဲရည်အပျစ်အကျဲကို မိမိစိတ်ကြိုက် အနေအထား ရလာအောင် ထည့်မွှေပေးပါ
- မိမိ စိတ်ကြိုက် ပဲရည် အပျစ်အကျဲ ရလာပါက ဆီသတ်ထားသော ငရုတ်သီး ဆားနှင့် အရသာမှုန့်တို့ ထည့်မွှေပေးပါ
- ဟင်းရည်အိုး ပွက်ပွက်ဆူလာပါက ဟင်းရည်ကို အရသာမြည်းပြီး လိုသလို ပြင်ပေးပါ
- အရသာ ပြင်ပြီးတာနဲ့ မီးခပ်နွေးနွေးလေးနဲ့ မီးဖိုပေါ်မှာ ပဲဟင်းရည်အိုးကို တင်ထားပေးပါ။
အာလူးပြုပ်ရန်
- အာလူးကို ရေဆေးပြီး အိုးထဲမှာ ထည့်ကာ ရေမြုပ်အောင်ထည့်ပြီး အာလူးနူးတဲ့အထိ ပြုပ်ပေးပါ
ကြက်သားပဲရည် အသုပ် သုပ်ရန်
- ကြက်သားများကို အရိုးများဖယ်ပြီး ကပ်ကျေးဖြင့် ခပ်ထူထူလေးတွေ ညှပ်ထားပါ (သို့မဟုတ်)
- အရိုးနှင့်အသား တွဲလျှက် စားချင်ပါက အနေတော် အတုံးလေးတွေ တုံးထားပါ
- ချက်ထားသော ပဲဟင်းရည်ကို ပြင်ထားပါ
- အာလူးကို အခွံခွာပြီး ရေဆေးကာမထူမပါးလေးတွေ လှီးထားပါ
- နံနံပင်ကို ရေဆေးကာ ပါးပါးရိတ်ရိတ်လေးတွေ လှီးထားပါ
- ဂေါ်ဖီကို ခပ်ပါးပါး လှီးပေးပြီး ရေဆေးကာ ရေစစ်ထားပါ
- ငရုတ်သီးစိမ်းကို ရေဆေးပြီး မထူမပါးလေးတွေ လှီးထားပါ
- ပူစီနံကို ရေဆေးပြီး ရေစစ်ထားပါ
- ငရုတ်သီး အလှော်မှုန့်ကို ပြင်ထားပါ
- သံပုရာသီးကို ရေဆေးကာ အစိတ်တွေ စိတ်ထားပါ
တစ်ပွဲစာအတွက် ပြင်ဆင်ပုံ
- ပန်းကန်တစ်ခုထဲမှာ ကြက်သား ဂေါ်ဖီ အနည်းငယ် နံနံပင် အနည်းငယ် အာလူး အနည်းငယ် ငရုတ်သီးစိမ်း အနည်းငယ် ပူစီနံ အနည်းငယ်နှင့် ငရုတ်သီး အလှောမှုုန့်တို့ို့ည့်ပေးပါ
- ပြီးတာနဲ့ သံပုရာသီး တစ်စိတ်ရဲ့ အရည်ကိုညှစ်ကာ ပဲဟင်းရည်ကို မိမိနှစ်သက်သလောက် ဆမ်းပေးပြီး အရသာ အပေါ့အငံကို လိုသလိုပြင်ပေးပြီး ပလာတာ ပဲရည်သုပ်ကို သုံးဆောင်ရန် ပြင်ပေးနိုင်ပါပြီ။
