ဒါကြောင့်မို့လို့ မနေ့က လုပ်စားဖြစ်တဲ့ ဝက်နံရိုးပေါင်း ဟင်းချိုရည် လုပ်နည်းလေးကို ဒီနေ့မှာ မျှဝေပေးလိုက် ပါတယ်ရှင်။
ပါဝင်ပစ္စည်းများ
- ဝက်နံရိုး -500 g
- ဆား - လက်ဖက်ရည်ဇွန်း တစ်ဝက်
- အရသာမှုန့် - လက်ဖက်ရည်ဇွန်း တစ်ဝက်သာသာ
- ချင်း - ခပ်ပါးပါး ငါးပြား
- ကြက်သွန်ဖြူ - အမွှာကြီးကြီး ငါးမွှာ
- ငရုတ်ကောင်းမှုန့် - အနည်းငယ်
- ကြွေပန်းကန်လုံး - အနေတော် တစ်လုံး ( ဝက်ရိုးထည့်ရန်)
- သခွားသီး - တစ်လုံး
- ပေါင်းအိုး - တစ်လုံး
ပြင်ဆင်ပြုလုပ်ပုံ
- ဝက်နံရိုးများကို အနေတော် ခုတ်ပေးကာ ရေစင်အောင်ဆေးပြီး ပန်ကန်လုံး တစ်လုံးထဲမှာ ထည့်ထားပါ
- ကြက်သွန်ဖြူကို အခွံခွာပြီး ရေဆေးထားပါ
- ချင်းကို အခွံခွာပြီး ရေဆေးကာ ခပ်ပါးပါး လှီးထားပါ
- အားလုံးအဆင်သင့် ဖြစ်တာနဲ့ ဝက်နံရိုးပေါင်းဖို့ ပြင်ဆင်ပေးပါ
ဝက်နံရိုး ပေါင်းရန်
- သခွားသီးကို အခွံခွာပြိး လှီးထားပါ
- ပန်ကန်ထဲမှာ ထည့်ထားသော ဝက်နံရိုးများ သခွားသီး ဆား အရသာမှုန့် ချင်းနှင့် ကြက်သွန်ဖြူတို့ထည့်ပြီး အရသာဝင်အောင် နယ်ပေးပါ
- အရသာ နယ်ပြီးတာနဲ့ ရေအနည်းငယ် ထည့်ပေးပါ
- ဝက်နံရိုး ပန်းကန်ထည့်မည့် ပေါင်းအိုးထဲကို ပေါင်းခံခုံလေး ထိတဲ့အထိ ရေထည့်ပေးပါ
- ထိုပေါင်းခံ ခုံလေးပေါ်မှာ ပေါင်းခံမည့် ဇကာလေးကို တင်ပေးပါ
- ထို ဇကာလေးလေး အပေါ်မှာ အရသာ နယ်ထားသော ဝက်နံရိုး ပန်းကန်ကို တင်ပေးပါ
- ပြီးတာနဲ့ အိုးအဖုံးကို သေသေချာချာ ပိတ်ပေးပြီး steam ခလုတ်ကိုနှိပ်ကာ မိနစ်လေးဆယ် နာရီခလုတ်ကို ချိန်ပေးကာ ပေါင်းပေးပါ
- ဝက်နံရိုး ပေါင်းတဲ့အချိန် ပြည့်တာနဲ့ အိုးထဲမှ လေကုန်အောင် ထုတ်ပေးပါ
- ပြီးမှ အိုးအဖုံးကို ဖွင့်ပေးကာ ဝက်နံရိုး ပန်းကန်ထဲမှ ဝက်ရိုးပြုပ်ရည်ကို မိမိနှစ်သက်သလောက် ရေနွေးပူပူလေး ထပ်ရောက အရသာ မြည်းပေးပါ
- မိမိစိတ်ကြိုက် အရသာ ရလာပြီ ဆိုတာနဲ့ ဝက်နံရိုးပေါင်း ပန်ကန်ကို အပြင်သို့ ထုတ်ပေးပါ
- ပြီးတာနဲ့ ငရုတ်ကောင်းမှုန့် ထည့်ပေးကာ ဝက်နံရိုးပေါင်း ဟင်းချိုကို သုံဆောင်နိူင်ပါပြီ။
