ပါဝင်ပစ္စည်းများ
- ခရမ်းသီး - ရှစ်လုံး
- ငါးကြော် - တစ်ကောင်
- ငရုတ်သီးစိမ်း - မိမိစားနိူင်သလောက်
- နံနံပင် - အနေတော် လေးပင်
- သံပုရာသီး - တစ်ခြမ်း
- ငါးငံပြာရည် - လိုသလောပ် သုံးပေးပါ
- အရသာမှုန့် - လက်ဖက်ရည်ဇွန်း တစ်ဇွန်း
ပြင်ဆင်ပြုလုပ်ပုံ
- ငါးကြော်တစ်ကောင်ကို အရိုးများ ထွင်ထားပါ
- ခရမ်းသီးများကို ရေဆေးပြီး ရေများများထည့်ကာ ခရမ်းသီးများ နူးတဲ့အထိ ပြုပ်ပေးပါ
- ငရုတ်သီးစိမ်းနှင့် နံနံပင်တို့ကို ရေဆေးထားပါ
- အားလုံးအဆင်သင့် ဖြစ်တာနဲ့ ငရုတ်ဆုံထဲမှာ ငရုတ်သီးစိမ်းများကို ညက်အောင် ထောင်းပေးပါ
- ငရုတ်သီးစိမ်း ညက်တာနဲ့ အရိုးထွင်ထားသော ငါးကြော်ကို ထည့်ထောင်းပေးပါ
- ပြီးတာနဲ့ ခရမ်းသီးများကို အညှာဖြုတ်ပြီး ရောထောင်းပေးပါ
- အရသာအတွက် သံပုရာရည် နံနံပင် ငါးငံပြာရည်နှင့် အရသာမှုန့်တို့ထည့်ကာ ဇွန်းနဲ့ မွှေပေးပါ
- အရသာ သမသွားတာနဲ့ အရသာမြည်းကာ မိမိစိတ်ကြိုက် အရသာ ရလာအောင် ပြင်ပေးပါ
- စိတ်ကြိုက် အရသာ ရလာတာနဲ့ ခရမ်းသီးထောင်း ချဉ်ငံစပ်လေးကို ထမင်းပူပူလေးနဲ့ စားသုံးနိူင်ပါပြီ။
No comments:
Post a Comment