ဒီရာသီဆို သရက်သီးစိမ်းလေးတွေ ပေါ်လာပါပြီ ဒါကြောင့်မို့လို့ သရက်သီးစိမ်းလေးတွေကို မျိုးစုံအောင် လုပ်စားရင်း ဒီနေ့တော့ သရက်သီးစိမ်းကို ကြက်သွန်ဖြူ ခပ်များများနဲ့ ထောင်းပြီး ထမင်းမြိန်မြိန် စားရလေအောင် မာမာပြင်ဆင်ပြီး ထောင်းထားတဲ့ နည်းလေးကို မျှဝေလိုက်ပါတယ်ရှင်။
ပါ၀င်ပစ္စည်းများ
- သရက်သီးစိမ်း - ခပ်ကြီးကြီး တစ်လုံး
- ကြက်သွန်ဖြူ - အမွှာကြီးကြီး တစ်ဆယ့်ငါးမွှာ
- ငရုတ်သီးတောင့် - အစပ်စားနိူင်သလောက်
- အရသာမှုန်. - လက်ဖက်ရည်ဇွန်း ၁ ဇွန်း
- ဆား - လက်ဖက်ရည်ဇွန်း ၁ ဇွန်း
ပြင်ဆင်ပုံ
- သရက်သီးစိမ်းကို အရင်ဆုံး အညှာဘက်မှလှီးကာ ရေတနာရီလောက် စိမ်ထားပေးပါ
- ရေစိမ်ပြီး အစေးများ ကုန်လောက်ပြီဆိုရင် အခွံခွာပြီး ဓါးပြတ်ပြတ်နှင့် ပေါက်ပေးပါ
- ပြီးတာနဲ့ ခပ်နုတ်နုတ် သေးသေးလေးတွေ လှီးထားပေးပါ
- ကြပ်သွန်ဖြူကို အခွံခွာပြီး ရေဆေးထားပါ
- ငရုတ်ဆုံထဲမှာ ငရုတ်သီး ကြက်သွန်ဖြူတို့ ကိုထည့်ပြီး မညက်တညက် ထောင်းထားပေးပါ
- ပြီးတာနဲ့ လှီးထားသော သရက်သီး ဆားနှင့် အရသာမှုန့်တို့ကို ထည့်ထောင်းပေးပါ
- အရသာ သမအောင် ဇွန်းနှင့်မွှေပြီးတာနဲ့ အရသာမြည်းပြီး မိမိစိတ်ကြိုက် အရသာ ရလာအောင် ပြင်ပေးပါ
- သရက်သီးစိမ်းထောင်းကို အရသာ ပြင်ပေးပြီးတာနဲ့ ထမင်းပူပူလေးနဲ့ စားသုံးရန် ပြင်ပေးနိူင်ပါပြီ။
No comments:
Post a Comment